3 “Efreemin ariibeeto taane. Israꞌeelichi mooyo taach aacheeto toonoone. Illa and, Efreemo, yahito neene. Israꞌeeliyoo eeꞌetone.
Tunebaani nallefoo gondoon shixo, deꞌoon shuno bi hakkoyee shiichiree ne shatteti gutte taateenaꞌo showoo ashaallo tunemmone.
Efreemi Yihudiyee bi bariti aaboochee tiijjiꞌi ebiyee aaf tunee ariyaani gonde yemeenoon, Doono Yeeri neennaa ne asheenaꞌonochi toommooch, ne nihoochi yareenaꞌo toommoochoo deebemmone; ebiyoo Asooree taatoo womone” iye.
Sooriyeenaꞌo, Efreeminaa Remaliyichi bushoona tookkii neen koyoyich ishichiꞌi koceetinaꞌone.
Doono Yeeri batti batt Hoseeꞌina Israꞌeeleenaꞌoyich bi getiyooba, biich ishichiye: “Ta asheenaꞌo taan qajjiꞌi oogeton yahii beetinaꞌo boonoshi tunetoyich, newoo hamiree yahechi ureen shaage; bi waaneenoo yahaa shiijjeti bushiishoon shibe” iye.
“Efreemi tuniibeeto, heeyo bullin aabi-keyo waanee waabeeti yongoon yecha yookkii dabboommi, gaacaalli mooyone. Kootoonaa hukkoonon woddiihe. Asooreenaꞌona tookkii wogoon giyiye; Gibitsoo zayitoon daachiihe” iye.
Efreemi yoodo yibbaatemmona bare yoodeenaꞌo shattii qewee beeheete. Biyoo Israꞌeelee showooch arichetone. Tunebaani Baꞌaaloyich goyinnoona xuꞌecho tuneꞌi qitiye.
Barahoochaa, shuuꞌi showoochaanoo ittoshin shiimehoye.
Duube mooyon dabboon bi shunnitoyich, Efreemi neexaa hajjeetonaa nalloo bi toommooch kinditona tunemmone.
“Efreemi bi biiyoon, Yihudiyoo bi mayon beeggiꞌi, Efreemi Asoor waan hammiye; gaachoon danoyich ooge taatoo waan wocheyechon daachiihe. Tunebaani bi ittoshin wodiyoon woyee ittoshi mayon wodiyoon hakkaachemmoone.
Naxee aabooba Efreemi aallemmone; Israꞌeelee yoodeenaꞌo daggooch ceennemmi kashi mooyon awaajjito taane.
Shixxiibeeti mooyon Israꞌeeleenaꞌo daggoochee beeggeto taane. Efreemi yahecho tunetone. Israꞌeeliyoo eeꞌetone.
Aroochee Doono Yeeri ishichiye: “Efreemo, neen aabichibote? Yihudo, neen aabichibote? Ittoshi shoodo maaddee quboommo, harimmona bekkechi shokkeebeeti keetoommone.
“Efreemi meeti axaaxee maariyee deejjee gudeenaꞌon shuunetone; tunebaani ebi deejjee gudeenaꞌo axaaxee shuunee deejjee gudeenaꞌo tunetinaꞌone.
“Showee toommooch beeti aagetee asheenaꞌo bulli daggoochee kaaccaꞌa shiimaa ta yecheto ittoshin baachiye. Ittoshi gondoyich ittoshin ta sheeraabeeto ebichiye” itone.
Ittoshi axaaxoo am shaahoon bi woddeto gaata, ittoshi gondo am shaahoon bi maggeto gaatoo, ariibeeto taane. Cadiqeenaꞌon xuqqiyote; xuccoon maahote; nallee gabberoochaa girechinaꞌo nalloon daneyaachemmoyich tuniihote.
Yooseefi gubbenee giidoommi giidechone; gaahee qaroommi qarechone; bi qareenaꞌo Minaasichi humeenaꞌo, Efreemichi aashire humeenaꞌone. Ebi areenaꞌona aageteenaꞌon kochemmone; showee tuggooch beddaahaa boonoshin yookkemmone” iye.
Halleeti mooyinaꞌo bulli Yeeri aafooch xalle bekketinaꞌoani, bi aafooch aacheeti, oppeeti ikke mooyolla aalloone; Yeeri aafoochaanane no shuuneti mooyo bullich no echeyemmo.
Ne shuunoon ariibeeto taane; aqqoo woyee gaamoo toono neene; aqqoo woyee gaamoo ne tuneto gaata, gaaweshone.