2 Hukkechinaꞌo wuxoon meechitinaꞌone. Ebich bullinolla sheeremmo taane.
Hukkoon andoo daakkii shuunoona, wochinnoon ittoshi sheereebeeto amoyichiye? Ittoshi ikkikkoona ittoshi qello mayetone; ittoshi mulloo baallitone.
Boonoshi yameti yamoon Doono Yeer waanee aachiya qaawii beetinaꞌoyich, “Noon beeggesho konine? No shuunaa beeton ariyesho konine?” getona manderoon deebeꞌi aashoona shuunee beetinaꞌoyich, woowo!
Boonoshiyoo “Sheeroo qeeshoo waan, ciico ariyechinaꞌo waan, qaaro keemechinaꞌo waan aalleyaachemmo bi tunetoyich, ittoshi waataa Erimiyaasi toommooch koceebone; ittoshi waataa heciyoona biin yexone; bi qaaroonoo waayaayone” itinaꞌone.
Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.
Boonoshi bulliyona oogeti hukkechinaꞌone; oonooch hammii beetinaꞌone; gooshoonaa xuuroonoomminaꞌone; duube mooyon tuniiheete.
Ufo, kooto, wuxoo, gaayonaa yahoona woddee hammiye. Damee ukkoo beshii beshii qeyiye.
Ebich ta keemechinaꞌochi noonoona ittoshin aalliihoye; ta qaaroonoo ittoshin wuxiyoye. Ebina ta nalloo xeeyoochoommon xeejjiye.
Bokkeenaꞌo ashoon wuxiya ottii quyoommon, qeesheenaꞌo ebiyoommon tuniiheete; Shekeemi gommoochaa ashoon wuxiyeete. Yeelliibeeti gondoonoo shuuneheete.
Doono Yeeri ishichiye: “Galigalaa boonoshi shuuneti gondo bullich, tawoo aroobee aaboochee tiijjaꞌa boonoshin shixxehoye; boonoshi shuuneti axaaxoyich ta kexoochee boonoshin yookkemmo taane. Ebiyee bekk boonoshin shunaachemmo taane. Boonoshi ukkireenaꞌo bulliyoo hukkechinaꞌone.
“Ta shunnaabeeti asho bullin kaaraa ciiccaabeeto taane; sheeraanoo beeto taane. Illa gaamiton tunebe; axaaxee gommoocheenoo Yeer waan wottebe.