Hosee'i 5:13 - Kafa Linguistics Project

¹³ “Efreemi bi biiyoon, Yihudiyoo bi mayon beeggiꞌi, Efreemi Asoor waan hammiye; gaachoon danoyich ooge taatoo waan wocheyechon daachiihe. Tunebaani bi ittoshin wodiyoon woyee ittoshi mayon wodiyoon hakkaachemmoone.

Hosee'i 5:13 ပူးပေါင်းရင်းမြစ်များ

2 Taateenaꞌo 15:19

Asooree taatoo Fuuli Israꞌeelee showoon kocha waahe. Minahemi biin gaacheree bi taatittinoon bi manjiyemmoyich, shaashaa awudde hume kiilo giraamee birewoon Fuulich immiye.

2 Taateenaꞌo 15:29

Israꞌeelee taatoo Feqaahichi taatee yemeenooch Asooree taatoo Tigilaat Fileseeri waaꞌi, Iyooni, Abeel Beet Maꞌaki, Yanoohi, Qedeeshinaa Hatsoorina getteebeeti katemeenaꞌon, Gilaadee showoon, Galiilee showoonaa Nifitaalee showoo bullinon yechiye; asheenaꞌonoo kecciꞌi, Asooree showooch daammiye.

2 Taateenaꞌo 16:7

Ebina Akaazi ishichiꞌi wocheyechinaꞌon Asooree taatoo Tigilaat Fileseer waan daachiihe: “Ta, ne guuno, wottoo ne bushoo taane. Taan kochiibeeti Sooriyee taatoo kishoonaa Israꞌeelee taatoo kishoonoochee waaree taan wodiibe” iye.

Isiyaasi 3:7

Tunebaani arooba aroo bi qaaroon oogichiree, “Ta, guuccii wodiyechon tunoon hakkaache; ta kexooch maayoonaa tahoona aalloone; taan ashi toommooch ukkiriyaahote” gettemmone.

Erimiyaasi 30:12

“Doono Yeeri ishichiye: Ne tiisho dogaano, ne mayo wodaanoone.

Hiziqeeli 23:5

“Oholaahi taachi tunaabeenolla yahoochee wotteyaache iyan; bi shunimaayeenaꞌo tuneti Asooreenaꞌona tookkii yahiyan.

Hosee'i 10:6

Are boonoshi shahalloo Asooree showooch daamaa ooge taatoyich wojjoo tuniitaa ichemmone. Efreemi giishemmone; Israꞌeeliyoo bi koceyoona yeellemmone.

Hosee'i 12:1

“Efreemi tuniibeeto, heeyo bullin aabi-keyo waanee waabeeti yongoon yecha yookkii dabboommi, gaacaalli mooyone. Kootoonaa hukkoonon woddiihe. Asooreenaꞌona tookkii wogoon giyiye; Gibitsoo zayitoon daachiihe” iye.

Hosee'i 14:3

Asooreenaꞌo noon wodiyoon hakkaacheete; ginee haresheenaꞌonoo yebbeyaachone. Ebiyee bekk no hajjee kishoona no shuunetinaꞌon, ‘No nuggisheenaꞌote’ getaachone. Nihaalleenaꞌo ne waanee ariqqoon danee beetinaꞌone” getote.

Hosee'i 2:7

Bi shunechinaꞌon dabbi hammemmine; tunebaani yeshaachemmine; boonoshin qaawemmine; tunebaani daneyaachemmine. Aroochee biyoo ‘Aafi ta keno waan wottehoye; halla aafi ta beemo andichoyee beshiye’ gettemmine.

Hosee'i 7:11

Efreemi mullaalli, cikkii dacheebeeti uggeen tunetone. Gaachoo danoyich Gibitseenaꞌon ceeggiyeete; Asooreenaꞌo waanoo gaꞌeheete.

Hosee'i 8:9

Bi ikkeeto yallyallimiibeeti kubbi kuroochoommon Asooree showooch hammitinaꞌone. Efreemi gijjoona xiboon xibehe.

Mikiyaasi 1:9

Shamaari wodaachemmi mayon mayetone; Yihudee showoo ebiyoommon mayeree xuuxemmone. Ta asheenaꞌo beeyi xaaꞌoo tuneti, Yerusaalem beddaahaa bedditone.