Hosee'i 4:6 - Kafa Linguistics Project

⁶ Ta asheenaꞌo ariyee muccoochee tiyitona aalletinaꞌone. Ariyoon qaawoo ittoshi qajjitoyich, tawoo taach qeeshoo ittoshi tuneyaachemmoyich ittoshin qajjoye. Ittoshi Nuggishoo ta sheeroon ittoshi battetoyich tawoo wotta ittoshi bushiisheenaꞌon battemmo taane.

Hosee'i 4:6 ပူးပေါင်းရင်းမြစ်များ

2 Kiinoo 15:3

Israꞌeeleenaꞌoo meeti yemeenoon ibere Nuggishaalloon, dojjechi qeeshaalloon, sheeraalloonoo beebee echeheete.

Iyoobi 36:12

Tunebaani biich deꞌa geton boonoshi qayigaata, goraadoona ciiremminaꞌone; mullaalleenaꞌo tunebee qitemminaꞌone.

Shoddo 119:139

Ta etteenaꞌo ne qaaroon aaxxiyo qajjitoyich, qanaato taan michiye.

Shoddo 119:153

Ne sheeroon batteyaano ta tunetoyich, ta iritoon beegiree taan wodiibe.

Shoddo 119:61

Gondeenaꞌo taach shaachoon shaachiyeete; tunebaani ta, ne sheeroon batteyaano taane.

Shoddo 18:27

Xukketinaꞌon wodiihine; tunebaani geecechinaꞌon giishiihine.

Shaahiyoo 10:21

Cadiqe ashi noonoo meeti ashich gaacciye; tunebaani tuusheenaꞌo gabee muccoona qitemminaꞌone.

Shaahiyoo 19:2

Ariyaalli shittecho tuno deꞌo toonoone; afaafinee shaaddeebeeti asho gommon muriccemmone.

Isiyaasi 1:3

Gattoo bi doonon arii beetone; kuroo bi doonochi magedoon arii beetone; tunebaani Israꞌeeleenaꞌo ariyaaneenaꞌone; ta asheenaꞌoo shalligaaneenaꞌone” iye.

Isiyaasi 17:10

Ebiyoo ittoshin Wodiyechi Yeerin ittoshi battetoyich, ittoshi Xaqqee Inderoon gaboo ittoshi qajjitoyichiye; ebina gaawe bechoon ittoshi bechitaa, dallaawe yaroon ittoshi shookkitaa,

Isiyaasi 27:11

Michi ateenaꞌo boonoshi shuuꞌiyooba tiisheheete; maacheenaꞌo qaaqqooch shookka maciyeete; shalligaalli asheenaꞌo boonoshi tunetoyich, boonoshin Hallito boonoshich ariqqeyaachemmone; boonoshin Hallito boonoshin gaawe aafoona ciinaachemmone.

Isiyaasi 28:7

Qeesheenaꞌonaa keemechinaꞌona mashiibeeti uyoona dadeddeheete; woyinee uyoonoo mullo baalleeheete; mashiibeeti uyoonoo tattelleheete; yaaꞌee beegona muricciyeete; nallee nalloochaa tepheeheete.

Isiyaasi 29:12

Shemmo hakkaanoyich, “Ebin shemmebe” iꞌi boonoshi imigaatoo, “Ta shemmoon hakkaache” gettemmone.

Isiyaasi 3:12

Ta asheenaꞌon, bushiisheenaꞌo neexxii hajjiyeete; maacheenaꞌoo boonoshi toommooch ukkireheete. Ta asheenaꞌote, ittoshi ukkireenaꞌo ittoshin muriciitinaꞌone; gommoochee ittoshin badd wochitinaꞌone.

Isiyaasi 45:20

“Aageteenaꞌoochee muriccitinaꞌote, wobote; ikkooch kiceeree giddebote. Mixoochee shuuneeti shahalloon shaaggii beetinaꞌoyich, wodiyoon hakkaaneenaꞌo waan corootii beetinaꞌoyich, mullo aalloone.

Isiyaasi 5:13

Ebich ta asheenaꞌo ariyoon boonoshi muccetoyich kecaa hammemminaꞌone; boonoshi ukkireenaꞌo shaacoona qitemminaꞌone; asheenaꞌochi heciyoo shachewoona shuuqqemmone.

Erimiyaasi 2:8

Qeesheenaꞌoo ‘Doono Yeeri aaye?’ getaaneenaꞌone; sheeree dojjechinaꞌoo taan ariyaaneenaꞌone; qeejjechinaꞌoo ta toommooch hukkeheete; keemechinaꞌoo, gaacaalli mooyon dabbiꞌi Baꞌaaloochi shigoona keemoon keemmiyeete.

Erimiyaasi 4:22

Doono Yeeri ishichiye: “Ta asheenaꞌo taan boonoshi ariyee qayona mullaalleenaꞌone; gabaalli bushiisheenaꞌone; shalligoo boonoshich aalloone; gondoon shuunoona arichetinaꞌone; tunebaani gaawe shuunoon shuuno ariyaaneenaꞌone” iye.

Hiziqeeli 44:23

“Qeesheenaꞌo yaafeetonaa yaafeyaanoonochi daggooch beeti barbarittinoon ta asheenaꞌoyich dojjibeete; xalloonaa xalloo tuneyaanoonon boonoshi bariyemmi gommon bekkiibeete.

Hosee'i 13:6

Ittoshich ta maanjaa, michiyote; maa michiꞌinoo geeciyote; taanoo battehote.

Hosee'i 2:13

Taan battaachaa bi shashoon shashaꞌa bi shunechinaꞌon bi dabbitoyich, wotta Baꞌaaleenaꞌoyich ixaanoon bi shookketi baaree aabeenaꞌoyich, biin naxemmo taane” iye Doono Yeeri.

Hosee'i 4:1

Israꞌeeleenaꞌote, gibeneyoo, shoodeyoonaa Doono Yeerin ariyoona showee toommoochee bi aalletoyich, showee toommooch beetinaꞌon Doono Yeeri ittibatee beetone. Ebich Doono Yeerichi qaaroon waayebote!

Hosee'i 4:12

Mixoochee shuuneeti shahalloon keemiiheete. Boonoshi gumboo boonoshich wochii gettiye. Yahee ayaanoo boonoshin muriciihe. Boonoshi Nuggishoo tayee wokkiꞌi yahitinaꞌone.

Hosee'i 4:14

Ittoshi maache bushiisheenaꞌo yahechinaꞌo, ittoshi naamecheenaꞌo shunimaayeenaꞌo boonoshi tunegaata boonoshin sheeraachemmo taane. Ebiyoo doonjo ittoshi yaafee kechi yahechinaꞌona tookkii yahii, boonoshina tookkii boonoshi nuggisheenaꞌoyich deejjii ittoshi beetoyichiye. Shalligaalli asho aallemmone.

Hosee'i 5:4

“Yahee ayaano Israꞌeeleenaꞌo daggooch bi beetoyich, Doono Yeerinoo ariyoo boonoshi qajjitoyich, boonoshi Nuggishoo waan boonoshi wottemmoyich boonoshi shuunoo boonoshin daaggaanoone.

Hosee'i 6:6

Ebiyoo deejjoyee shoodoon, micciibeeti deejjoyee Doono Yeeri taan ne ariyoon ta shunnaa beetoyichiye.

Hosee'i 7:11

Efreemi mullaalli, cikkii dacheebeeti uggeen tunetone. Gaachoo danoyich Gibitseenaꞌon ceeggiyeete; Asooreenaꞌo waanoo gaꞌeheete.

Hosee'i 7:9

Dallaaweenaꞌo bi giidoon maaheete. Biyoo ebin ariyaanoone; bi qelloo bukkehe; tunebaani bi ebin shalligaanoone.

Hosee'i 8:1

Doono Yeeri ishichiye: “Shametoon huge! Ta asheenaꞌo boonoshina tookkii ta giyeti wogoon boonoshi biichitoyich, ta sheeroon boonoshi shaaddetoyich, etto booyochoommon Doono Yeeri ta yaafee kexooch yoobbii waa beetone.

Hosee'i 8:12

Sheerooch beeti wodde mooyon boonoshich kooriyoye; tunebaani boonoshi dallaawe mooyon tuniiꞌi ciinniyeete.

Hosee'i 8:14

“Israꞌeeleenaꞌo boonoshin Halliton battetinaꞌone; taatee kexinaꞌonoo shuunetinaꞌone. Yihudee asheenaꞌoo meeti manje katemeenaꞌon shuunetinaꞌone. Tunebaani ta, boonoshi manje katemeenaꞌooch qaaqqoon deejjemmo taane. Ebi qaaqqoo boonoshi mishigeenaꞌon michemmone” iye.

Hosee'i 9:17

Bi getaa waayeyaache boonoshi itoyich ta Nuggishoo boonoshin duppemmone. Aageteenaꞌo daggooch yallyallimii beetinaꞌon tunemminaꞌone.

Maatiyoosi 1:6

Iseyi taatoo Daawitin shiyihe. Taatoo Daawiti shiichiꞌi Uuriyi mechee tuneti waanee Solomoonin shiyihe;

Maatiyoosi 15:14

Boonoshin qayote; aaf doogoon yaabiibeeti aaf doogeenaꞌone; aaf doogo aaf doogoon bi yaabigaata, gutteenaꞌo yesheree oppooch dihemminaꞌone” iye.

1 Saameeli 2:12

Eeli bushiisheenaꞌo gaacaalleenaꞌone; Doono Yeerin ariyaani asheenaꞌone.