Hosee'i 4:3 - Kafa Linguistics Project

³ Ebich showoo eeppemmone. Arooch beeto bulliyoo mandaachemmone. Kubbi cooxinaꞌo, shimaajji kafeenaꞌo, bahareexi haasheenaꞌooch beddaahaa ciiremminaꞌone.

Hosee'i 4:3 ပူးပေါင်းရင်းမြစ်များ

Isiyaasi 33:9

Showoo shuuqqiye; shokkoon echehe; Libanoosi yeellehe; shuuqqiinoo iye; Shaarooni barahoon shaahiye; Bashaaninaa Qermeloosinooch beeti mixinaꞌochi waamo oojjiye.

Erimiyaasi 12:4

Showoo shuuqqemmo, gaddeexi mocoo miccemmo, aati wottooniye? Arooch koteti asheenaꞌochi gondoochee tiyitona, gijjeenaꞌonaa yoobbereenaꞌona aalletinaꞌone; ebiyoo asheenaꞌo “Yeeri, no tunii beeton ciinaanoone” boonoshi itoyichiye.

Erimiyaasi 23:10

Showooch shunimaayeenaꞌo ceennitinaꞌone; ufi naboona showoo baggitone; baraheexi moceenaꞌo shuuqqitinaꞌone; keemechinaꞌo gonde mooyon dabbiyeete; boonoshi hakkoonoo tateyaani boochoona gaachetinaꞌone.

Erimiyaasi 4:25

Ciinnaa ta iyaa, ebiyoche arooch asho aalle; shimaajji kafeenaꞌoo biittii aalletinaꞌone.

Erimiyaasi 9:10

Guudinaꞌoyich eeppemmo taane; baraheexi gaddeenaꞌoyichoo shooshemmo taane; aroona asho besheyaani shokkaachoo tunetinaꞌone; miinji qaadoo waayeyaanoone; cooxinaꞌonaa shimaajji kafeenaꞌona goojjii hammitinaꞌone.

Erimiyaasi 9:9

Ebi mooyoyich boonoshin nax bedaachote? Ebiyoommi asheenaꞌo toommooch ta, ta qelloona nichoon kichiya bedaachote?” iye Doono Yeeri.

Hiziqeeli 38:20

Bahareexi haasheenaꞌo, shimaajji kafeenaꞌo, kubbi cooxinaꞌo, yuummere halleenaꞌo, showee toommooch beeti asheenaꞌo bulli ta aafoochaa qewemminaꞌone; guudinaꞌo guufemminaꞌone; qaaꞌeenaꞌo shekiremminaꞌone; xaqqee uxereenaꞌo dihemminaꞌone.

Yoꞌeeli 1:18

Boonoshi maayemmi mocoo aalletoyich miiminaꞌo giiqqiyeete; bageenaꞌoo shaaceꞌi shaawshaawimmiyeete.

Amootsi 1:2

Amootsiyoo ishichiye: “Doono Yeeri Tsiyooni guudi toommoochaa daaheroochoommon ciddii beetone; Yerusaalemaa gigeebee bi qaaroon waayii beetone. Gijjoo quyeebeeti gaddeexi mocoo shoollitone; Qermeloosi guudi toommeexi mocoo shuuqqitone” iye.

Amootsi 5:16

Illa ebich Beshe Mawe Nuggishoo Doono Yeeri ishichiye: “Addibaaboo bulliichaa eefo eeppeyemmone; gommi gashoochaa asheenaꞌo ‘Woowo!’ getibee eeppemminaꞌone. Gochechinaꞌoo eefooch ceegaa woyemminaꞌone; hichee caaggechinaꞌona tookki eeppemminaꞌone.

Amootsi 8:8

Ebich showoo qewemmoyich tuniyemmo taane; showee toommooch beeto bulli eefemmone. Showoo bulli shuuremmone; Abbaayi aaco phiceyoommon kaama tiyi kindibee phiceyemmone” itone.

Naahoomi 1:4

Biyoo baharoon noggeꞌi bi shuuqqemmoyich tuniihe; woce aacinaꞌonoo shuuꞌiihe. Bashaaninaa Qermeloosinooch beeti mocoonaa mixona shuuqqiye; Libanoosi beeti mocee bungoo oojjiye.

Sofoniyaasi 1:3

Ashoonaa cooxonon, bahareexi haashoonaa shimaajji gacoonon showee toommoochee hidi aalliyemmo taane; gonde asheenaꞌon dichemmo taane; ashi yaroon showee toommoochee hidi aalliyemmo taane. Ebin gettaabeeto Doono Yeeri taane.

Zakaariyaasi 5:4

Beshe Mawe Doono Yeeri ishichiye: ‘Ufon deejjemmo taane; ebi ufoo gaayo kexonaa ta shigoona kootoon wogeebeeto kexonooch giyemmone; aroochoo beeyemmone. Bi mixonaa xaqqoonon echiyaanoon kexon aalliyemmone’ itone” iye.