Hosee'i 4:2 - Kafa Linguistics Project

² Ufo, kooto, wuxoo, gaayonaa yahoona woddee hammiye. Damee ukkoo beshii beshii qeyiye.

Hosee'i 4:2 ပူးပေါင်းရင်းမြစ်များ

Halloo 4:8

Aroyee gubb, ikke areddoon Qayeeli bi manoo Abeelin “Ne waataa gadd hambone” iye. Hammiꞌi arooch boonoshi beetaa, Qayeeli bi manoo Abeeli toommooch tiyiꞌi wuxiye.

Isiyaasi 24:5

Asheenaꞌo Yeerichi sheeroon boonoshi shaaddetoyich, bi qociyoon boonoshi sheeꞌitoyich, bulli aabee wogoon boonoshi happitoyich, showoon wooriitinaꞌone.

Isiyaasi 48:1

“Yaaqobichi yareenaꞌote, Israꞌeelichi shigoona ceekketinaꞌote, Yihudi yaroochee shiijjetinaꞌote, Doono Yeerichi shigoona wogee beetinaꞌote, iberoona woyee cadiqoona tuneyaanoon Israꞌeelee Nuggishoon ceeggii beetinaꞌote, waayebote.

Erimiyaasi 51:5

Boonoshi showoo Israꞌeelee Yaafoo toommooch xukkeeti xuꞌoona ceennito bi tunetaanoona, Israꞌeeleenaꞌo tunebeeta Yihudee asheenaꞌo boonoshi Nuggishoo Beshe Mawe Doono Yeeri boonoshin dufaanoone.

Erimiyaasi 6:7

Oppo aacon bi xuuphiyoommon gondoon xuuphiihane; xuꞌoonaa aallee cookoona bi waanee waayeehe; biiyoonaa mayona bulli aabooch ta aafoochiye.

Shoosho 4:13

Ebi bi tuneto, keemechinaꞌochi axaaxoyich, qeesheenaꞌochi xuꞌoyich, cadiqeenaꞌochi damoon bi daggoochaa boonoshi ukkitoyichiye.

Hiziqeeli 7:23

“Showoo damoon ukkoona, katemoo hukkoona bi ceennitoyich, sansalatoon qanniibe!

Hosee'i 10:13

“Tunebaani ittoshi, gondoon shookkiꞌi, bi aafoon qecciyote. Kootee aafoonoo maahote. Ittoshi giidoona, ittoshich beeti koyechinaꞌochi meetonoo gibeneeto ittoshine.

Hosee'i 10:4

Duube gibenoon gibenikkiyeete; kootoon wogoona wogoon giyiyeete. Ebich taggoo maayi daggooch colleebeeti xuppattechi shuyochoommon collemmone.

Hosee'i 11:12

Doono Yeeri ishichiye: “Efreemi kootoona, Israꞌeelee yareenaꞌoo maroona taan giichiyeete. Yihudi, Nuggishoyich hajjeyaano, gibeneeti Yaafe Nuggishoon shixxii beetone.

Hosee'i 12:14

Tunebaani Efreemi caamii biin ippiihe. Ebich bi Doono damee ukkee xuꞌoon bi toommooch tuniyemmone. Bi shigoon bi giishiitoyich, bi gatiyoon biich qoccemmone.

Hosee'i 5:2

Hukkechinaꞌo wuxoon meechitinaꞌone. Ebich bullinolla sheeremmo taane.

Hosee'i 6:8

Gilaadi gonde asheenaꞌochi katemoo tunetone; damoonoo wooretone.

Hosee'i 6:9

Bokkeenaꞌo ashoon wuxiya ottii quyoommon, qeesheenaꞌo ebiyoommon tuniiheete; Shekeemi gommoochaa ashoon wuxiyeete. Yeelliibeeti gondoonoo shuuneheete.

Hosee'i 7:1

“Ta asheenaꞌon kecoochee wochiya ta iyooba, Israꞌeeleenaꞌon wodiiya ta iyooba, Efreemichi axaaxoo, Shamaari katemee asheenaꞌochi gonde shuunoo bekkehe. Boonoshinaa boonoshina kootoon yibbaateheete; kexon tiichii giyiꞌi gaajjiyeete; bokkoo tuneꞌinoo gommoochaa boggiyeete.

Hosee'i 7:3

Doono Yeeri ishichiye: “Taatoon boonoshi gondoona, ukkireenaꞌonoo boonoshi kootoona emirikkii beetinaꞌone.

Hosee'i 7:4

Bulliyona shunimaayeenaꞌone. Kochi quxechi kosho nafimmi wottoon kicoon bi qajjeti, gaamiti qaaqqee gudoomminaꞌone.

Mikiyaasi 3:2

Ittoshiyoo deꞌoon shixxiichii gondoon shunniyote; ta asheenaꞌochi gooqqoon gaxxiyote; boonoshi meenon shaawushoochee maaccii kichiyote.

Mikiyaasi 3:9

Dayinnetoon shixxiibeeti, kaame mooyo bullin xummiibeeti, hini Yaaqobi asheenaꞌochi ukkireenaꞌote, Israꞌeeleenaꞌochi iraasheenaꞌote, ebin elle waayebote.

Mikiyaasi 6:10

Gonde asheenaꞌo kexooch beeti, dawushoona kiceeti gaannoon, uppeto tuneti koote qeellee qiiceenaꞌonoo battehote?

Mikiyaasi 7:2

Yeer asho showee toommooch aalletone; ashi daggoochoo kaamoo tuneti asho aalloone. Asho bulli ashi damoon ukkoyich ottii quyee beetone; bi manoon dabboona dabbe yecha ii beetone.

Sofoniyaasi 3:1

Hukkechi, eeꞌeti, boonoshi hajjee asheenaꞌon xuqqiibeeti Yerusaalemi asheenaꞌoyich woowo!

Zakaariyaasi 5:3

Aroochee bi taach ishichiye: “Ebi arooch showee toommo bulliich woyemmi ufo kooreetone; ebi macaafooch ikke baddaa kooreetoommon gaajjiibeeto bulli aallemmone; wotta bare baddaa kooreetoommon, kootoon wogeebeeto bulli aallemmone.

Zakaariyaasi 7:9

“Beshe Mawe Doono Yeeri ta, ta asheenaꞌoyich ishichiyoye: ‘Ibere nalloon nallibote; ittoshinaa ittoshina ariqqeebote; shoodeeshoo getote.

Maatiyoosi 23:35

Ebich cadiqo tuneti Abeelichi damoochee tiijjiꞌi, yaafee kexonaa deejjee gudee gutte daggoonoochaa ittoshi wuxiti Baraakiyichi bushoo Zakaariyaasichi damooch beddaahaa, showee toommooch ufeti cadiqeenaꞌo bullichi damee naboona echeyemmo ittoshine.

Mishiraachechinaꞌo 7:52

Keemechinaꞌo daggoochee ittoshi qaabbechinaꞌo duꞌiyaano koniniye? ‘Cadiqo woyemmone’ iꞌi shiichii gettitinaꞌon wuxiyeete. Bi waatenoo, ittoshi and biin beshiiꞌi immiyote, wuxiihote.

Yibbaatoo 5:11

“ ‘Doono Yeeri ta shigoon duuboon ceeggii beeton naxeyaanoon qayaachemmo ta tunetoyich, Doono Yeeri ne Nuggishoo ta shigoon duuboon ceeggaahine.

Yibbaatoo 5:18

“ ‘Shunoon maayaahine.

Yibbaatoo 5:19

“ ‘Gaajjaahine.

1 Tasaloonqi 2:15

Ebi are Ayihudeenaꞌo Doono Yesuusin, keemechinaꞌonoo wuxitinaꞌone; noonoo duꞌiitinaꞌone; Yeerinoo emirikkiton shuuneyaaneenaꞌone; wotta asho bullin shixxii beetinaꞌone.

Yaaꞌoo 17:6

Ureyoo yaafeenaꞌochi damoona, Yesuusichon miixeti asheenaꞌochi damoona mashetin beeggeho. Biin ta beeggehooba, oogeton worganeho.