Hosee'i 4:12 - Kafa Linguistics Project

¹² Mixoochee shuuneeti shahalloon keemiiheete. Boonoshi gumboo boonoshich wochii gettiye. Yahee ayaanoo boonoshin muriciihe. Boonoshi Nuggishoo tayee wokkiꞌi yahitinaꞌone.

Hosee'i 4:12 ပူးပေါင်းရင်းမြစ်များ

2 Taateenaꞌo 17:7

Ebi bulli Israꞌeeleenaꞌo toommooch bi tuneto, Gibitsee showoochee, Gibitsee taatoo Faroonichi kishoochee boonoshin kichiti boonoshi Nuggishoo Doono Yeerin boonoshi xuqqitoyichiye; bare nuggisheenaꞌoyichoo boonoshi goyinnee maddetoyichiye;

2 Kiinoo 21:13

tunebaani Israꞌeelee taateenaꞌochi gommon dabbito neene; Akaabichi shiijjereenaꞌo Israꞌeeleenaꞌo Yeerich boonoshi gibeneyaachemmon boonoshi tuniyoommon Yihudee asheenaꞌonaa Yerusaalemi asheenaꞌona gibeneyaachemmon tuniihine; neyee beshe gaaweti, ne nihoochi kechi asho tuneti ne maneenaꞌon wuxihine;

Shoddo 106:39

Boonoshi shuunoona eeꞌeꞌi, Doono Yeerich gibeneyaaneenaꞌo tuneheete.

Shoddo 73:27

Ebiyoche neyee wokkii beetinaꞌo aallemminaꞌone; neech gibeneyaaneenaꞌon aalliyemmo neene.

Erimiyaasi 10:8

Mullaalleenaꞌonaa dookkeenaꞌona tuneꞌinalli, shahalloochee amo doyoo hakkeyehe?

Erimiyaasi 2:27

Mixon ‘Ne, ta nihoo neene’ xaqqoonoo ‘Taan shiyeto neene’ iyeete. Boonoshi aafoon tuneyaanoon boonoshi gubboon ta waan wochiyeete. Tunebaani boonoshi iritee aabooba ‘Tiyiree noon wodiibe’ iyeete.

Erimiyaasi 23:13

“Shamaari katemeexi keemechinaꞌo waanee, gonde mooyon beeggeto taane: Baꞌaaloochi shigoona keemoon keemmitinaꞌone; ta asheenaꞌo tuneti Israꞌeeleenaꞌonoo muricooch yaabiyeete.

Hiziqeeli 20:32

“ ‘ “Bare aageteenaꞌochoommon, mixonaa xaqqoonoyich goyinneebeeti asheenaꞌochoommon tunebone” iyote. Tunebaani ebi ittoshi mulloona ittoshi gabito ciroona kaameyaachemmone.

Hiziqeeli 21:21

Baabloonee taatoo gommi gutte kaattooch neexeechi bi hammemmi gommon xiishoyich shangeenaꞌon tiikkiibee, terafimeenaꞌon echiibee, mareccoon maacibee, qaaxemmone.

Hosee'i 14:3

Asooreenaꞌo noon wodiyoon hakkaacheete; ginee haresheenaꞌonoo yebbeyaachone. Ebiyee bekk no hajjee kishoona no shuunetinaꞌon, ‘No nuggisheenaꞌote’ getaachone. Nihaalleenaꞌo ne waanee ariqqoon danee beetinaꞌone” getote.

Hosee'i 5:4

“Yahee ayaano Israꞌeeleenaꞌo daggooch bi beetoyich, Doono Yeerinoo ariyoo boonoshi qajjitoyich, boonoshi Nuggishoo waan boonoshi wottemmoyich boonoshi shuunoo boonoshin daaggaanoone.

Hosee'i 6:10

Shixxiibeeti mooyon Israꞌeeleenaꞌo daggoochee beeggeto taane. Efreemi yahecho tunetone. Israꞌeeliyoo eeꞌetone.

Hosee'i 9:1

Israꞌeeleenaꞌote, ittoshi Nuggishoyich gibeneeto tuno ittoshi qajjitoyich, emiriyaahote; bare aageteenaꞌochoommon oogichi emiriyaahote! Maayi buchi xaaꞌoo bulliichaa yahechich qocheebeeti gatiyoon shunnito ittoshine.

Leweenaꞌo 17:7

Illa ebiyee damba Israꞌeeleenaꞌo emmishi shaahe yinneenaꞌoyich gijjeenaꞌon guuroona Doono Yeerich boonoshi gibeneyoon shappayaayeete. Ebi Israꞌeeleenaꞌo boonoshi shiijjerooch beddaahaa bulli yemeenoon boonoshi quyemmi qociyoone’ gete.

Leweenaꞌo 20:5

are uroonaa bi kechi asheenaꞌonoyich etto tunemmo taane. Biinnaa taan qajjiichii, Molookich goyinnoyich biin dabbitinaꞌonon boonoshi ashi daggoochee kichaa boonoshi yookkeyemmoyich tuniyemmo taane.

Mikiyaasi 2:11

“Kootoonaa dachechona tuneti asho waaꞌi, ‘Woyinoonaa mashiibeeti uyoona showoochee ittoshich xuupphemmone’ iꞌi bi keemigaata, hini asheenaꞌo shunniibeeti keemecho tunemmo biine.

Imbaaqoomi 2:19

Mixoochee shuuneeti mooyon tibe, miime xaqqoonoo kaamebe, ii beeti ittoshich woowo! Ebi aroo ittoshich yaaꞌoon bekkiyoon hakkehe? Bi achoo aachoonaa birewoona dikkeeto bi tunetaanoona, kashaalli mooyone.

Haddoo 15:39

Ebi caappeenaꞌo shalligicheenaꞌo boonoshi tunetoyich, boonoshin ittoshi beegiyooba Doono Yeeri ta getoon shalligi quyemmo ittoshine. Ittoshi mullo qaatitonaa ittoshi aafo beeggitonon dabbi hamaachemmo ittoshine.

Yibbaatoo 31:16

Doono Yeeriyoo Muusich ishichiye: “Ne, qitiree ne qaabbechinaꞌon waan xaꞌeyemmo neene. Ne qititoyee gubb, hini asheenaꞌo taach gibeneyaaneenaꞌo tuneree boonoshina tookkaa ta giyeti wogoon biichemminaꞌone. Taan qayiree, boonoshi giya ii beeti showooch beeti bare nuggisheenaꞌoyich goyinne maddemminaꞌone.

Woraaferasheenaꞌo 18:5

Boonoshiyoo biin “Ebi no gommo kaamoonaa kaamee qayonon no ariyemmoyich, Yeerin nooch echebe” iꞌi qolleheete.