Hosee'i 4:11 - Kafa Linguistics Project

¹¹ Doono Yeeri ishichiye: “Yahoo, yagiti woyinee uyoonaa andire woyinee uyoona shalligoon keccii beetone.

Hosee'i 4:11 ပူးပေါင်းရင်းမြစ်များ

Shaahiyoo 20:1

Woyinee uyo ashoon cooqqirecho, kashi uyo yexecho tuniihe; eboshina muriccito bulli ariyecho toonoone.

Shaahiyoo 31:4

“Lemuꞌeelo, woyinee uyoon uyo taateenaꞌoyich qaawiyaanoone; ebi taateenaꞌoyich qaawiyaanoone; mashiibeeti uyoon dakoo iraasheenaꞌoyich qaawiyaanoone;

Shaahiyoo 6:32

Tunebaani shaddiibeeti asho qellaalli ashoone; ebin tuniibeeto bi kashoon aalliyemmone.

Dojjecho 7:7

Xuꞌo shalligechi ashoon mullaallo tunii beetone; xucco mulloon xummii beetone.

Isiyaasi 28:7

Qeesheenaꞌonaa keemechinaꞌona mashiibeeti uyoona dadeddeheete; woyinee uyoonoo mullo baalleeheete; mashiibeeti uyoonoo tattelleheete; yaaꞌee beegona muricciyeete; nallee nalloochaa tepheeheete.

Isiyaasi 5:12

Boonoshi gifiree xaaꞌooch ooge ximboonaa giishi ximboona, kamboonaa shumburoona, woyinee uyoo beetone; tunebaani Doono Yeeri tuniiton, bi shuuneti shuunoonoo gabaaneenaꞌone.

Erimiyaasi 23:13

“Shamaari katemeexi keemechinaꞌo waanee, gonde mooyon beeggeto taane: Baꞌaaloochi shigoona keemoon keemmitinaꞌone; ta asheenaꞌo tuneti Israꞌeeleenaꞌonoo muricooch yaabiyeete.

Hosee'i 4:12

Mixoochee shuuneeti shahalloon keemiiheete. Boonoshi gumboo boonoshich wochii gettiye. Yahee ayaanoo boonoshin muriciihe. Boonoshi Nuggishoo tayee wokkiꞌi yahitinaꞌone.

Hosee'i 5:4

“Yahee ayaano Israꞌeeleenaꞌo daggooch bi beetoyich, Doono Yeerinoo ariyoo boonoshi qajjitoyich, boonoshi Nuggishoo waan boonoshi wottemmoyich boonoshi shuunoo boonoshin daaggaanoone.

Hosee'i 7:11

Efreemi mullaalli, cikkii dacheebeeti uggeen tunetone. Gaachoo danoyich Gibitseenaꞌon ceeggiyeete; Asooreenaꞌo waanoo gaꞌeheete.

Leweenaꞌo 10:9

“Ittoshi qitaachemmoyich, neennaa ne anaami bushiishoona danee duukkaanooch ittoshi giyii beegaata, woyinee uyoon woyee mashiibeeti uyoon uchaahote. Ebiyoo gubbi ittoshi shiijjeroo bulliich beddaahaa, bulli yemeenee qociyoo tunebe.

Luqaasi 21:34

“Tunebaani ittoshi mullo miyona, mashoonaa mashaamiti beemi qaatoona dingiraate bi beetaa, Ashi Bushoochi aabo diqqoona shaachoochoommon ittoshin bi yeshaachemmoyich, ittoshi qelloon quyebote.

1 Saameeli 25:36

Abigeli Naabaal waan wottaa bi waahaa, taatee gifiroommi gifiroon geddiꞌi kexooch bi beetaa danahan. Biyoo oogichii bi mashetoyich, emiree toommoochiye bi beeto. Ebich showoo harimmi wottoon amoonolla biich getaaneene.