Hosee'i 4:1 - Kafa Linguistics Project

¹ Israꞌeeleenaꞌote, gibeneyoo, shoodeyoonaa Doono Yeerin ariyoona showee toommoochee bi aalletoyich, showee toommooch beetinaꞌon Doono Yeeri ittibatee beetone. Ebich Doono Yeerichi qaaroon waayebote!

Hosee'i 4:1 ပူးပေါင်းရင်းမြစ်များ

1 Taateenaꞌo 22:19

Aroochee Mikiyaasi ishichiye: “And illa Doono Yeerichi qaaroon waayebe! Doono Yeeri bi taatee qeenooch koteꞌi, shimaajji maraakoo bulliyoo bi gaꞌooch, bi qanninaa bi yoochinooch neexeꞌi beeton beeggoye.

Shoddo 81:9

Dallaawe nuggishoo ne daggooch beeyaaye; bare nuggishoyich goyinneyaahine.

Isiyaasi 1:10

Sodoomee iraasheenaꞌote, Doono Yeerichi qaaroon waayebote. Gomoori asheenaꞌote, no Nuggishoo dojjiibeeti doyoon ellebote.

Isiyaasi 1:18

Doono Yeeri ishichiye: “Ittoshi waataa ittibateebone. Ittoshi axaaxoo uchilloo ceelloommon bi ceelleteenona, kecho naccoommon naccemmone; damoo celloommon bi ceelleteenona, huuttoo naccoommon naccemmone.

Isiyaasi 28:14

Ebi asheenaꞌo toommooch iraasheꞌi Yerusaalemin hajjiibeeti, hini cooqqirechinaꞌote, Doono Yeeri gettii beeton waayebote.

Isiyaasi 34:1

Aageteenaꞌote, hach gidderee waayebote; asheenaꞌote, ellebote; showoonaa showee toommooch beeto bullina, alemoonaa aroochee daneto bullina waayebeete.

Isiyaasi 34:8

Doono Yeeri, Tsiyooni toommooch bi tuniitoommon tuniiree, Edoomi toommooch nichoon bi gaaccemmi aabo beetone.

Isiyaasi 5:3

Illa and Yerusaalem beetinaꞌote, Yihudee asheenaꞌote, taannaa ta woyinee goyoonochi mooyon nallibote.

Isiyaasi 59:4

Dayinnetoon qaawiibeeto, nallee gabberooch iberittinoona hammiibeeto aalloone; gaacaalli mooyon gibenetinaꞌone; kootoon yibbaateheete; gondoon yeqqefeꞌi axaaxoon shiyiheete.

Isiyaasi 59:8

Diggee gommon ariyaaneenaꞌone; boonoshi gommooch dayinneto aalloone; boonoshi boochoon xummiitinaꞌone; aroona hammiibeeto koniyoona diggoon daneyaache.

Isiyaasi 66:5

Doono Yeerichi qaaroon shattii beetinaꞌote, bi qaaroon waayebote: “Ittoshin shixxiibeeti, ta shigoyich ittoshin yookkiibeeti ittoshi maneenaꞌo ‘Ittoshi emiroon no beeggemmoyich, eke Doono Yeeri bi oogoon bekkiibe’ itinaꞌone; tunebaani yeellemminaꞌo boonoshi qelloona boonoshine.

Erimiyaasi 11:7

ittoshi qaabbechinaꞌon Gibitsee ta kichitoochee tiijjii hanaach beddaahaa “Taach deꞌa getote” iyaꞌa wochii wochii kupphii gettehoye;

Erimiyaasi 19:3

ishichishoo gete: ‘Yihudee taateenaꞌonaa Yerusaalem beeti asheenaꞌonote, Doono Yeerichi qaaroon waayebote: Israꞌeelee Nuggishoo Beshe Mawe Doono Yeeri ishichiye: Waayemmon giiremmi gonde mooyon hini xaaꞌooch deebemmo taane.

Erimiyaasi 2:4

Yaaqobichi kechi asheenaꞌonaa Israꞌeelee gumbeenaꞌo bullinote, Doono Yeerichi qaaroon waayebote.

Erimiyaasi 2:9

“Ebich ittoshin ittibatemmo taane; ittoshi bushaa bushiisheenaꞌona tookkishoo gajjiteyemmo taane” iye Doono Yeeri.

Erimiyaasi 25:31

Doono Yeeri aageteenaꞌona tookki taggemmi taggoo bi beetoyich, bi qaaro showee tuggooch beddaahaa shaggemmone; meeno taheto bullin nallooch giddiyemmone; gondeenaꞌonoo goraadoyich tuniyemmone’ gete” iye Doono Yeeri.

Erimiyaasi 34:4

“ ‘Tunebaani Yihudee taatoo Sedeqiyaaso! Doono Yeerichi qaaroon waayebe; Doono Yeeri neechon ishichii beetone: Goraadoona qitaachemmo neene;

Erimiyaasi 4:22

Doono Yeeri ishichiye: “Ta asheenaꞌo taan boonoshi ariyee qayona mullaalleenaꞌone; gabaalli bushiisheenaꞌone; shalligoo boonoshich aalloone; gondoon shuunoona arichetinaꞌone; tunebaani gaawe shuunoon shuuno ariyaaneenaꞌone” iye.

Erimiyaasi 4:28

Ebich showoo eeppemmone; shimaayoo bi toommooch manderemmone. Getteto taane; ta gaboon shaddaachemmo taane; maacceto taane; kisheyaachemmo taane” iye.

Erimiyaasi 5:4

Aroocheenoo ishichiyo: “Doono Yeerichi gommon, boonoshi Nuggishoochi sheeroonoo ariyaaneenaꞌo boonoshi tunetoyich, iberoochaa ebi girechinaꞌo mullaalleenaꞌone.

Erimiyaasi 51:5

Boonoshi showoo Israꞌeelee Yaafoo toommooch xukkeeti xuꞌoona ceennito bi tunetaanoona, Israꞌeeleenaꞌo tunebeeta Yihudee asheenaꞌo boonoshi Nuggishoo Beshe Mawe Doono Yeeri boonoshin dufaanoone.

Erimiyaasi 6:13

“Girechoochee tiijjii gaannechooch beddaahaa gijjoyich hiriggii beetinaꞌone; keemechoochee tiijjii qeeshooch beddaahaa bulliyona dawushechinaꞌone.

Erimiyaasi 7:28

Newoo boonoshich: ‘Boonoshi Nuggishoo Doono Yeerich deꞌa getaani, sheerenoo deꞌaani asheenaꞌo hinoshine; iberoo aalletone; boonoshi noonoocheenoo kuxetone.

Erimiyaasi 9:20

Genneenaꞌote! Doono Yeerichi qaaroon waayebote! Ittoshi waamo bi noonoochee kechiibeeti qaaroon waayebe: Ittoshi maache bushiishoyich eefon, ittoshi xibeenaꞌoyich shooshoon dojjibote.

Erimiyaasi 9:3

“Kootoon kootoyich boonoshi heciyoon maꞌoochoommon ciixxiyeete; iberoo tuneyaanoon kooto showee toommooch taatehe; gondee gondee qeyiyeete; taanoo ariyaaneenaꞌone iye” Doono Yeeri.

Erimiyaasi 9:7

Illa ebich, Beshe Mawe Doono Yeeri ishichiye: “Xuuroo wociyoommon boonoshin wociyemmo taane; boonoshin phiremmo taane; ta asheenaꞌochi xuꞌoyich, ebiyee besh amoon tuniibote?

Hiziqeeli 16:35

“ ‘Ebich yahechine, Doono Yeerichi qaaroon waayebe:

Hosee'i 12:2

Doono Yeeri Yihudee asheenaꞌo toommooch yaaqqiibeeti taggoo beetone. Yaaqobin bi gommoommona sheeremmone. Bi shuunoommonoo biich qoccemmone.

Hosee'i 12:3

Yaaqobi maacooch beechii bi manoochi shoqqoon yechiye; oogeechiinoo Yeerina tookkii qiiccehe.

Hosee'i 5:1

“Qeesheenaꞌote, ebin waayebote! Israꞌeelee yareenaꞌote, shalligibote! Taatee yareenaꞌote, waayebote! Nalloo ittoshi toommooch waatone. Ebiyoo Mitsiphaa olloon, Taabooraa yaggeeti dabboon ittoshi tunetoyichiye.

Hosee'i 5:4

“Yahee ayaano Israꞌeeleenaꞌo daggooch bi beetoyich, Doono Yeerinoo ariyoo boonoshi qajjitoyich, boonoshi Nuggishoo waan boonoshi wottemmoyich boonoshi shuunoo boonoshin daaggaanoone.

Yoꞌeeli 1:2

Geeneenaꞌote, ebin waayebote! Yihudee showooch beeti bulli asheenaꞌote, ebin ellebote! Ittoshi yemeenooch tuneba ittoshi qaabbechinaꞌochi yemeenooch, ebiyoommi mooyo tunee ariihe?

Amootsi 3:1

Israꞌeeleenaꞌote, Gibitsee bi kichiti asho ittoshi bulli toommooch Doono Yeeri gettiibeeti mooyon waayebote:

Amootsi 7:16

Illa and Doono Yeerichi qaaroon waayebe! Newoo ‘Israꞌeeleenaꞌoyich keemmaahine; Yisaaqichi shiijjeroyich qoqqaahine’ iyine.

Mikiyaasi 6:2

Guudinaꞌote, bulli aaboon manjiꞌi beeti showee koteenaꞌote, Doono Yeeri taggeebeeti taggoon waayebote! Doono Yeeri bi asheenaꞌona tookkii gajjitee beetone; Israꞌeeleenaꞌonoo taggee beetone.

Yowannisi 8:55

Biin ariyaano ittoshine; tunetaa ta ariibeeto taane. ‘Biin ariyaano taane’ ta getigaata, ittoshichoommon kootecho tunesho taane; tunebaani biin ariibeeto taane; bi gettitonoo ceechaabeeto taane.

Roomi 1:28

Yeerin ariyoon gaacaallo shaahiiꞌi boonoshi gabitoyich, tuneyaani mooyon boonoshi hallemmoyich, Yeeri boonoshin qajjiye; ebich xumme gaboon baach gabiyeete.

1 Qorontoosi 15:34

Ittoshi mulloon kaachibote. Axaaxoon shuuneyaahote. Ittoshi daggooch Yeerin ariyaani ikkikkeenaꞌo beetinaꞌone. Ta ishichaabeeto, ittoshi yeellemmoyichiye.

Yaaꞌoo 2:11

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito guttinnee qitoon qitaachemmone.

Yaaꞌoo 2:29

Yaafe Ayaano kittinnee guuphinaꞌoyich gettii beeton waayeebeeti waajjecho waayebe.