Hosee'i 3:5 - Kafa Linguistics Project

⁵ Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Hosee'i 3:5 ပူးပေါင်းရင်းမြစ်များ

1 Taateenaꞌo 12:16

Israꞌeeleenaꞌo bulli taatoo boonoshi mooyon waayee qayon beeggiꞌi, ishichii wochiyeete: “Daawit waanee no danemmi mooyo amoone? Iseyi bushoo waanee no woraashemmi mooyo aalloone. Israꞌeeleenaꞌote, ittoshi duukkaani duukkaanooch wottebote; Daawito, and ne hajjee kexon quyebe” iyeete. Ebina Israꞌeeleenaꞌo boonoshi duukkaani duukkaanooch wotteheete.

Isiyaasi 17:7

Ebi arooba asheenaꞌo boonoshin Hallito waan ciinnemminaꞌone; boonoshi aafoonoo Israꞌeelee Yaafoo tuneti Doono Yeer waan wochemminaꞌone.

Isiyaasi 2:2

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌo bulli arooch orihe woyemminaꞌone.

Isiyaasi 2:3

Meeti asheenaꞌo waaree ishichemminaꞌone: “Sheeroo Tsiyoonee, Doono Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Isiyaasi 60:5

Ebin beegiree emiroona wucwuccemmi neene; ne mulloo oogichi emiremmone; ebiyoo bahareexi gaanno ne waan wottemmo bi tunetoyich, aageteenaꞌo gaanno ne waan woyemmo bi tunetoyichiye.

Isiyaasi 9:13

Tunebaani asheenaꞌo boonoshin sheerito waan boonoshi aafoon wochaaneenaꞌone; Beshe Mawe Doono Yeerinoo qaawaaneenaꞌone.

Erimiyaasi 23:5

Doono Yeeri ishichiye: “Daawitichi gumboochee cadiqo tuneton taatoo bi tunemmoyich, ta kaaccemmi yemeeno woyemmone; ebi taatoo ariyoona qeejjemmone; showee toommooch dayinnetoonaa cadiqoona tuneti mooyon tuniyemmone.

Erimiyaasi 30:24

Doono Yeerichi kupphe kaaro, bi mullee gaboon bi ceechimmi wottoon wotteyaachemmone; woyemmi yemeenooch ebin shalligemmo ittoshine.

Erimiyaasi 30:9

Tunebaani boonoshi Nuggishoo Doono Yeerinaa boonoshich ta tiijjiti boonoshi taatoo Daawitinoyich maddemminaꞌone.

Erimiyaasi 33:17

Ebich Doono Yeeri ishichiye: “Daawiti yaroochee Israꞌeelee taatee qeenooch kotemmo mucceyaachemmone.

Erimiyaasi 33:9

Yerusaalemi, biich ta tuniyemmi gaawe mooyo bullin waayemmi, showee toommeexi aageteenaꞌo bulli aafooch, taach oogee yiiroon, galletoonaa oogoonon tunemmine; ebi are aageteenaꞌo biich ta qanniiti gaawe mooyo bullinaa diggoo bullinochi naboona shattemminaꞌone, qeweshoo gettemminaꞌone” iye.

Hiziqeeli 16:63

Ne tuniiti mooyo bullin echebe ta iyooba ne xuꞌo neech bi tipphiimmona yeellemmi neene; yeellee naboona wochinnoon noonoo wochaachemmi neene, iye Nuggishoo Doono Yeeri’ gete” iye.

Hiziqeeli 38:16

Showoon guuppiibeeti quboochoommon ta asheenaꞌo tuneti Israꞌeeleenaꞌochi toommooch woyemmo neene; Googo, gubbi yemeenooch ta showoon ne kochemmoyich neen deebemmo taane; ebiyoo neenna ta yaafittinoon boonoshi aafoochaa ta bekkiihooba, aageteenaꞌo taan ariyemmoyichiye.

Hiziqeeli 38:8

Meeti yemeenoyee gubb ceekkemmo neene; gubbi natinaꞌooch koyoona tiisheechii batt qaalliibeeti Israꞌeelee showoon kochemmo neene. Ebi showoo, bi asheenaꞌo meeti aageteenaꞌo daggoochee kicaa waa, meeti yemeenoon shokko echeti Israꞌeelee guudinaꞌooch koteti showoone; boonoshiyoo aageteenaꞌo daggoochee waaꞌi, and bulliyona diggoona arooch kotetinaꞌone.

Daaneeli 10:14

And ta waato, gubb ne asheenaꞌo toommooch tunemmi mooyon ne ariyemmoyich tuniyane. Ebi yaaꞌoo gubb tunemmi mooyoniye bi bekkiibeeto” iye.

Daaneeli 2:28

Tunebaani aacheeti mooyon gaxxii bekkiibeeti Nuggishoo shimaayooch beetone. Biyoo woyemmi yemeenooch tunemmi mooyon neech bekkiitone. Ne qeenooch tokketaabee ne gummeti gumonaa yaaꞌoona ebine:

Hosee'i 1:11

Yihudee asheenaꞌonaa Israꞌeeleenaꞌona wochinnoon ikkottemminaꞌone. Boonoshin yaabi qeejjemmi ikke wullonoo kaaccemminaꞌone. Mashaamiti beemon boonoshi showooch beeyemminaꞌone. Ebi aabo, Yezireelich worganikkiti aabo tunemmone.

Hosee'i 11:10

“Doono Yeeri taan dabbemminaꞌone. Tawoo daaheroochoommon gigemmo taane. Ta gigemmona ta bushiisheenaꞌo aabi-gimo waanee qewebee woyemminaꞌone.

Hosee'i 5:15

“Boonoshi xuꞌoon boonoshi ariimmi wottoon, taan boonoshi qaawimmi wottoon, ta xaaꞌooch wotte hammemmo taane. Boonoshi iritee aabooba taan kupphii qaawemminaꞌone” iye.

Hosee'i 5:6

Doono Yeer waan wottoyich, boonoshi bageenaꞌonaa miiminaꞌonon gasheree hammemminaꞌone. Tunebaani bi, boonoshiyee bi baritoyich daneyaachemminaꞌone.

Hosee'i 6:1

Asheenaꞌo ishichiyeete: “Ittoshi waataa Doono Yeer waan wottebone. Bi noon tiichitone; bi noon guuci wodiyemmone. Bi noon mayiitone; bi noon wodiyemmone.

Amootsi 9:11

Doono Yeeri ishichiye: “Ebi arooba, kexo dihoommon dihiti Daawitichi taatittinoon tiijji neechemmo taane; tiisheti uxeroon wochinnoon uxereree andiriyemmo taane; wochinnoon hagiree wonnee bi goorooch wochemmo taane.

Mikiyaasi 4:1

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌoo arooch orihe woyemminaꞌone.

Haddoo 24:14

Andoo ebiyoche ta asheenaꞌo waan hammaabeeto taane. Eke ne waatee, hini asheenaꞌo woyemmi yemeenooch ne asheenaꞌo toommooch boonoshi tuniyemmon neech getone” iye.

Roomi 11:25

Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone.

Roomi 2:4

Woyee Yeeri bi ariqqoona axaaxee gommoochee bi waan neen wochiya bi yaaboon ariyaanoon, Yeerichi ariqqittinee woddoonaa kaatee nallaanoon yagii bi haaꞌiyoonon qallayinne?

Yibbaatoo 4:30

Iritoo ittoshi toommooch shagiyooba, ebi mooyo bulli ittoshi toommooch tunehooboo ciiroochaa ittoshi Nuggishoo Doono Yeer waan wotteree biich deꞌa gettemmo ittoshine.