Hosee'i 3:4 - Kafa Linguistics Project

⁴ Ebiyoo Israꞌeeleenaꞌo taataalloon, ukkiraalloon, deejjaalloon, goyinnee xaqqee giimbaalloon, efoodaalloon, shahalleenaꞌochi terafimaalloon, wodde aaboon kotemminaꞌo boonoshi tunetoyichiye.

Hosee'i 3:4 ပူးပေါင်းရင်းမြစ်များ

Halloo 31:19

Bi bageenaꞌo eexon cagga Labaani hammiichaa, Raaheeli bi nihoo terafimeenaꞌon gaajjahan.

Halloo 31:34

Raaheeliyoo ebi shahalleenaꞌon gaalee koree dechiich aachaachaa, aree toommooch kotahan. Labaani duukkaanoo bullin bosheꞌi amoonolla muccehe.

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

2 Saameeli 6:14

Daawitiyoo muttee tuppoochee shippeti efoodoon gitee desh marixxiꞌi, bi giidoon qoophaanoon Doono Yeeri aafooch capphii beehe.

2 Taateenaꞌo 23:24

Wotta qeeshoo Hiliqiyi yaafee kexoochee daneti macaafooch kooreeton ceechoyich, Yerusaaleminaa Yihudee showee bare katemeenaꞌonooch beeti, ciigiiti mooyo bullin, qititi ashoona yibbaatee beetinaꞌon, allaameenaꞌon, terafimeenaꞌonaa shahalleenaꞌonon taatoo Yosiyaasi aalliihe.

2 Kiinoo 15:2

Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.

Keyo 28:4

Boonoshi shuunemmi taheenaꞌo eboshine: geteexi kiiso, efoodo, qamiso, shashiitaa shuuneeti kittoo, qelli caacoonaa buroonane. Ne manoo Harooninaa bi anaami bushiisheenaꞌona qeesheenaꞌo tuneree taach boonoshi maddemmoyich, yaafeeti taheenaꞌon boonoshich shuunebeete.

Keyo 28:6

“Efoodoon aachee woshiqoona, shimaayito, dameroonaa ceelloona tuneti woshiqoona, wotta muttee tuppoochee ciciitaa yokkeeti woshiqoona malletiitaa shippeti qoreddoochee shuunebeete.

Shoosho 2:9

Uxeree kelleenaꞌo showee dechiich giyiyeete; tuggeenaꞌonoo tiichii aalliihe; taatoonaa bi iraasheenaꞌona boonoshi beeto, kecooch, aageteenaꞌo showoochiye; illa sheeroon doyoo echetone; keemechinaꞌoo Doono Yeer waanee yaaꞌoon beegaachemminaꞌone.

Hiziqeeli 19:14

Bi giindoochee qaaqqoo kechiye; bi qaakkoonaa bi aafoonon maahe; ebich arooch kupphe ato aallehe; taatee gumbo aroochee dano qajjiye” iye. Ebi eefooba wochi wochaa caaggeyemmi hichoone.

Hiziqeeli 20:32

“ ‘ “Bare aageteenaꞌochoommon, mixonaa xaqqoonoyich goyinneebeeti asheenaꞌochoommon tunebone” iyote. Tunebaani ebi ittoshi mulloona ittoshi gabito ciroona kaameyaachemmone.

Hiziqeeli 21:21

Baabloonee taatoo gommi gutte kaattooch neexeechi bi hammemmi gommon xiishoyich shangeenaꞌon tiikkiibee, terafimeenaꞌon echiibee, mareccoon maacibee, qaaxemmone.

Hiziqeeli 21:31

Ta kaaroon ne toommooch kindiyemmo taane; ta nebee qaaqqoon ne toommooch aaxxiyemmo taane; aalliyoon ariibeeti mulli manje asheenaꞌochi kishooch neen beshii immemmo taane.

Daaneeli 11:31

“Bi ginee naayinaꞌoo yaafee kexonaa bi xaqqee uxeroonon eeꞌiyemminaꞌone. Yeerich qemi qemona giddeebeeti deejjoon echiyemminaꞌone. Aalloon deebemmi eeꞌoon Yaafe Xaaꞌooch neechemminaꞌone.

Daaneeli 12:11

“Qemi qemona deejjoon giddiyoo maacheti aaboochee, ebiyoo aalloon deebemmi eeꞌo geddeti aaboochee tiijjiree, ikke humaa gutte ballaa yixane qemo beshemmone.

Daaneeli 9:27

Are taatoo meeti aageteenaꞌona tookki shabaatte nati wottoon bi wogoon manjiyemmone. Ebi yemeenee qato shagiyooba, deejjoonaa buuroonon echiyemmone. Aalloon deebemmi eeꞌoon yaafee kechi guummooch bi gedaa, arooch beeyemmone. Ebiyoo arooch bi beeyemmo, aalliyecho toommooch Yeeri gettiti nalloo kindimmi wottooniye” iye.

Hosee'i 13:10

Taatoonaa iraasheenaꞌona ittoshich ichemmoyich echeto ittoshine. Ishigaata, ittoshin bi wodiyemmoyich, ittoshi taatoo and aaye? Ittoshi katemoo bulliich iraasheenaꞌo aayeete?

Hosee'i 13:11

Kaaroona taatoon ittoshich immehoye; ooge ta kaaroonoo biin aalliihoye.

Hosee'i 2:11

Bi emiree baareenaꞌon, nati baareenaꞌon, agenee keyi baareenaꞌon, shambeteenaꞌon, maacheti bi baareenaꞌo bullin echiyemmo taane.

Leweenaꞌo 8:7

Haroonich kittoon tajjiye; buroon cuchiye; qamisoonoo tajjiye; efoodoon bi toommooch geddiꞌi, malletiitaa shippeti bi buroona bi shimetooch cuchiye.

Zakaariyaasi 10:2

Terafimo gaacaalloone; qaaxechinaꞌoo beeggiibeeto koote yaaꞌoone; gummechinaꞌo koote gumon maaccii beetinaꞌone; duube goggiyoonoo goggii beetinaꞌone. Ebina asheenaꞌo bagoochoommon yallyallimiyeete; qiddoonoo mucceꞌi xuuxeheete.

Zakaariyaasi 13:2

Beshe Mawe Doono Yeeri ishichiye: “Ebiyooba shahalleenaꞌochi shigoon showee toommoochee aalliyemmo taane. Aroyee gubb, ciroona shalligeyaachemminaꞌone. Koote keemechinaꞌonaa gonde ayaaneenaꞌonon showoochee aalliyemmo taane.

Luqaasi 21:24

Goraadoona qitemminaꞌone; kecceree aagetoo bulliichoo shacemminaꞌone; ebi are boonoshin kecciti Aageteenaꞌochi yemeeno ciiremmi wottoonoo Yerusaalemin yiikkeree neexi hajjemminaꞌone” iye.

Yowannisi 19:15

Tunetaa boonoshi “Wokkiibe! Wokkiibe! Yoode!” iibee cookeeheete. Phelaaxoosi “Ittoshi taatoon yoodote?” iye. Qeeshee ukkireenaꞌo “Qesaariyee damba bare taatoo nooch aalloone” iꞌi wochiyeete.

Hibireena'o 10:26

Mishiraachee qaaree iberoon no ariitoyee gubb, shunnaꞌa axaaxoon no shuunegaata, ebiyee damba no axaaxoon wokkiyoyich giddemmi bare deejjoo aalloone.

Woraaferasheenaꞌo 17:5

Ebi uro Mikich goyinnee xaaꞌoo beetone. Biyoo ikke efoodoonaa terafimeenaꞌonon shuuneꞌi, bi bushiisheenaꞌo daggoochee ikkoon qeeshoo tuneree biich bi maddemmon tuniihe.

Woraaferasheenaꞌo 18:14

Layishi katemee guudoona beeti showoon qiidooch hammiti uuche asheenaꞌo boonoshi maneenaꞌoyich “Ebi kexinaꞌo daggoochee ikkooch efoodo, terafimeenaꞌo, qiicaa shuuneeti shahalloonaa qaaqqooch wociitaa shuuneeti shahalloona beeto bi tunoon arii beetote? Ebin aabichi ittoshi gettemmo gaata gabibote” iyeete.

Woraaferasheenaꞌo 8:27

Geediyooniyoo ebi are aachoochee efoodoon shuuneꞌi, bi katemoo tuneti Ofira kotiihe. Israꞌeeleenaꞌo bulli Yeerin qajjiichii, ebi aroyich hammii goyinneheete. Ebi efoodo Geediyooninaa bi kechi asheenaꞌonoyich olloon tunehe.

1 Saameeli 14:3

Efoodoon taheebeeti Akiyi boonoshina tookkii beetone. Biyoo Shiloohaa Doono Yeerichi qeeshoo tuneebee echeti Eeli bushoo, Finihaasi bushoo, Ikaboodichi manoo Akixuubi bushoone. Arooba asheenaꞌo Yonaataani hamon ariyaaneenaꞌone.

1 Saameeli 15:23

Hukkoon shuuno kaayee axaaxoon shuunoommone; babberittinoo shahalloyich goyinnoommi gonde mooyone. Ne, Doono Yeerichi getoon ne qajjetoyich, biyoo taatoo ne tuneyaachemmoyich neen qajjitone” iye.

1 Saameeli 2:18

Bushoo Saameeliyoo muttee tuppoochee shippeti efoodoon taheꞌi, Doono Yeeri aafooch maddee beehe.

1 Saameeli 21:9

Qeeshoo wochiꞌi, “Elaahi bamboochaa ne wuxiti Filsixeemo Gooliyaadi goraado beetone. Aroo qoreddoona kaappeꞌi efoodee gubb beetone. Ne qaawigaata aroon daambe; aroyee damba baroo hiniich aalloone” iye. Daawitiyoo, “Aroon taach imbe; aroommi gaaweto aalloone” iye.

1 Saameeli 22:18

Taatoo, Doogin “Ne boonoshin wuxibe” iye. Edoomechi Doogi boonoshin wuxiye. Arooba muttee tuppoochee shippeti efoodoon taheti shinnaa uuche qeesheenaꞌon wuxiye.

1 Saameeli 23:6

Ahimeleeki bushoo Abiyataari muricciꞌi Daawit waan Qeꞌila bi hamiyooba, efoodoon yechiꞌiniye bi hammito.

1 Saameeli 23:9

Daawitiyoo Saaꞌooli gondoon bi toommooch bi gaboon ariihe. Biyoo qeeshoo Abiyataarin “Eke efoodoon taach deebe” iye.

1 Saameeli 30:7

Aroochee Daawiti Ahimeleeki bushoo, qeeshoo Abiyataarin “Eke efoodoon taach deebe” iye. Abiyataariyoo deebiye.