Hosee'i 2:7 - Kafa Linguistics Project

⁷ Bi shunechinaꞌon dabbi hammemmine; tunebaani yeshaachemmine; boonoshin qaawemmine; tunebaani daneyaachemmine. Aroochee biyoo ‘Aafi ta keno waan wottehoye; halla aafi ta beemo andichoyee beshiye’ gettemmine.

Hosee'i 2:7 ပူးပေါင်းရင်းမြစ်များ

2 Kiinoo 28:23

Biyoo “Sooriyee taateenaꞌochi nuggisheenaꞌo Sooriyeenaꞌon boonoshi gaachetoyich, boonoshich deejjoon ta deejjigaata, taanoo gaachemminaꞌone” iꞌi biin kochii wochiti Sooriyee nuggisheenaꞌoyich deejjoon deejjiye. Tunebaani ebi, biinnaa Israꞌeelee showoonoyich aalloon deebiye.

Shoddo 116:7

Doono Yeeri neech bi gaawetoyich, ta kasheene, ne tooꞌi xaaꞌooch wottebe.

Isiyaasi 30:16

Ittoshiyoo ‘Hareshoon yebberee wocishalli no gettemmo ebin tuniyaachone’ iyote; ebich woccemmo ittoshine. ‘Afaafinechi hareshoona muriccemmo noone’ iyote; ebich ittoshin yookkii beetinaꞌo afaafinechinaꞌo tunemminaꞌone.

Erimiyaasi 14:22

Iberoochaa aagetee nuggisheenaꞌo daggooch, amiyon dichoon hakkemmo danehe? Woyee shimaayoo amiyon dichoon hakkehe? No Nuggishoo Doono Yeeri ne toono neene? Ebi bullin tuniibeeto ne tunetoyich, no gibenaabeeto neeniye.

Erimiyaasi 2:2

“Hamiree Yerusaalemi asheenaꞌochi waamooch awaajjibe; Doono Yeeri ishichiye gete: ‘Bushaa ne beehooba gibeneeti ne tunoon, woꞌee shunoommi ne shunoon, barahoochaa, amoonolla shakkiyaani showoochaa, taan ne dabboon shalligiyoye.

Erimiyaasi 2:28

“Yihudo, ne nuggisheenaꞌo ne katemeenaꞌoommi meetinaꞌone; ne qellich ne shuuneti ebi ne nuggisheenaꞌo and aayeete? Eke boonoshi hakkigaata tiyiree ne iritee aabooba neen wodiibeete.

Erimiyaasi 2:36

Ne gommon shaddoyich ne woccaabeeto amoyichiye? Asoori neen yeelliyoommon Gibitsiyoo neen yeelliyemmone.

Erimiyaasi 3:1

“Ikke asho bi mecheen bi gawukkaa, areyoo bi waanee hammaa bare kenoon bi shaagigaata, biin wochi deebi shaaggehe? Showoo ciroona eeꞌeyaachehe? Ne, meetinaꞌona tookkii shunoon maabee echaꞌa, and ta waan wottoon qaawii beetine?” iye Doono Yeeri.

Erimiyaasi 31:18

“Efreemi ayinoona ishichoon waayehoye: ‘Yookkeyaani bariyoochoommon taan sheerihine; tawoo sheerehoye; Doono Yeeri ne, ta Nuggishoo ne tunetoyich taan wochibe; tawoo wottemmo taane.

Erimiyaasi 31:32

Ebi wogo, ittoshi qaabbechinaꞌon Gibitsee yaabii kichoyich boonoshi kishoon ta yeshiyooba, boonoshina tookkaa ta giyeti wogoommo toonoone; ebiyoo ta boonoshich kenoommon tunaꞌa ta beetaa, taanna tookkii boonoshi giyiti wogoon boonoshi happitoyichiye” iye Doono Yeeri.

Erimiyaasi 44:17

Tunebaani noonnaa no qaabbechinaꞌona, no taateenaꞌonaa no ukkireenaꞌona, Yihudee katemeenaꞌonaa Yerusaaleminoochaa tuniyaabee no echetoommon, shimaajji taateyich, ixaanoon shoohonaa uyee buuroon ukkoonoyich, no noonoochee kechiti qaaro bullin tuniyemmo noone; ebin no tunii beehooba koshon michaa beemmo noone; noochoo gaawee beehe; gonde mooyon beegaano noone.

Hiziqeeli 16:18

Shashe ne tahoon daammaꞌa boonoshich tajjihine; ta zayitoonaa ta ixaanoonon daammaꞌa boonoshich deejjoo giddiihine.

Hiziqeeli 16:8

“ ‘Wochinnoon ne gaꞌoona beshaabee neen ciinnaꞌa, shaakkeya ne bedon beeggeho; tawoo ta tahoon ne toommooch yaggii, ne achoon qeriyoye; wogaa neenna tookkii wogoon giyaꞌa neen taachi tuniihoye, iye Nuggishoo Doono Yeeri.

Hiziqeeli 20:32

“ ‘ “Bare aageteenaꞌochoommon, mixonaa xaqqoonoyich goyinneebeeti asheenaꞌochoommon tunebone” iyote. Tunebaani ebi ittoshi mulloona ittoshi gabito ciroona kaameyaachemmone.

Hiziqeeli 23:12

Areyoo iraasheenaꞌonaa ukkireenaꞌona, malletechi tahoon taheti koyechinaꞌonaa hareshoon yebbeꞌi koyeebeeti mallet gaawe gurimaasheenaꞌona tuneti Asooreenaꞌona tookkii yahiyan.

Hiziqeeli 23:22

“Ebich Oholibahe, Nuggishoo Doono Yeeri ishichiye: Ciigaꞌa ne wokketi ne shunimaayeenaꞌo ne toommooch tiyemmoyich tuniyemmo taane; ne guudo bulliichee ne toommooch boonoshi woyemmoyich tuniyemmo taane.

Hiziqeeli 23:4

Boonoshi shigo, qaabbeecho Oholaahi, guucheecho Oholibahine. Guttiyona taachinaꞌo tuneheete; anaaminaꞌonaa maacheenaꞌona tuneti bushiisheenaꞌon shiyiheete. Oholaahi Shamaari tunemmona Oholibahi wotta Yerusaalemine.

Daaneeli 4:17

Ebi manjiti mooyonaa bi toommooch shaggemmi nalloona quyecho tuneti, bi yaafe maraakeenaꞌona getteetone. Ebiyoo Beshoo Yeeri asheenaꞌochi taatittineenaꞌo toommooch hajjiibeeto bi tunoonaa ebi taatittineenaꞌon asheenaꞌo daggoochee boonoshi qelloon giishii beetinaꞌoyich, bi shunnito konichona immiibeeto bi tunoonon, showee toommooch beeti asheenaꞌo bulli ariyemmoyichiye’ iye.

Daaneeli 4:25

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene; ne ashittino shimaayoochee kindiibeeti doshoona shuxxemmone. Aroochee Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone.

Daaneeli 4:32

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene. Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone” iye.

Daaneeli 5:21

Ashi daggoochee kichaa yookkehe; bi mullo gijjee mullooch shaddeehe. Kubbi kureenaꞌona tookkii beehe; gattoochoommonoo mocoon maahe; bi ashittino shimaayoochee kindiibeeti doshoona shuxxiye. Beshe Nuggishoo Yeeri asheenaꞌochi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ciiroochaa ariihe.

Hosee'i 1:2

Doono Yeeri batti batt Hoseeꞌina Israꞌeeleenaꞌoyich bi getiyooba, biich ishichiye: “Ta asheenaꞌo taan qajjiꞌi oogeton yahii beetinaꞌo boonoshi tunetoyich, newoo hamiree yahechi ureen shaage; bi waaneenoo yahaa shiijjeti bushiishoon shibe” iye.

Hosee'i 13:6

Ittoshich ta maanjaa, michiyote; maa michiꞌinoo geeciyote; taanoo battehote.

Hosee'i 14:1

Israꞌeeleenaꞌote, ittoshi axaaxee naboona ittoshi dihitoyich ittoshi Nuggishoo Doono Yeer waan wottebote!

Hosee'i 2:16

“Arooba taan bi ceeggemmo ‘Ta keno’ getireeshalli ‘Ta Baꞌaalo’ getiree toonoone. Baꞌaaloochi shigoon bi noonoochee wokkiyemmo taane. Ebiyee damba bi shigo tiyaachemmone” iye Doono Yeeri.

Hosee'i 5:13

“Efreemi bi biiyoon, Yihudiyoo bi mayon beeggiꞌi, Efreemi Asoor waan hammiye; gaachoon danoyich ooge taatoo waan wocheyechon daachiihe. Tunebaani bi ittoshin wodiyoon woyee ittoshi mayon wodiyoon hakkaachemmoone.

Hosee'i 5:15

“Boonoshi xuꞌoon boonoshi ariimmi wottoon, taan boonoshi qaawimmi wottoon, ta xaaꞌooch wotte hammemmo taane. Boonoshi iritee aabooba taan kupphii qaawemminaꞌone” iye.