Hosee'i 2:5 - Kafa Linguistics Project

⁵ Boonoshin xifaa shiyeti boonoshi indee yeellaalli shunimaayeene. Areyoo ‘Koshonaa aaconon, bagee eexoochee shuuneeti tahoon, muttee tuppoochee shippeti tahoon, zayitoonaa uyoonon taach immiti ta shunechinaꞌon dabbi hammemmi taane’ iyane.

Hosee'i 2:5 ပူးပေါင်းရင်းမြစ်များ

Isiyaasi 1:21

Gibeneeti katemee aabichaꞌa yahechiyoommi tunehane! Ebiyee aaf dayinneto ceenniti, cadiqoo beeti katemeene; tunebaani and ashoon wuxechinaꞌochi katemee tunehan.

Isiyaasi 50:1

Doono Yeeri ishichiye: “Ittoshi indeen ta yookketi gawukkee koorichoo aaye? Erettiyechinaꞌo daggoochee ittoshin ta kemmeto konichiye? Ebiyoche, ittoshi axaaxoona kecheto ittoshine; ittoshi xuꞌoona ittoshi indee yookketine.

Erimiyaasi 11:13

Yihudee asheenaꞌote, ittoshi nuggisheenaꞌo ittoshi katemeenaꞌoommi meetinaꞌone; ciigiiti mooyoyich, Baꞌaaloyich ixaanoon shookka ittoshi shuuneti deejjee gudeenaꞌo Yerusaalemi gommi haddoommon meetinaꞌone’ iyoye.

Erimiyaasi 13:22

“Ebi mooyo ta toommooch amoyich shaggiye?” iyaꞌa ne mulloona ne echegaata, ne taho galleeto, giidoona ne yecheeto, ne axaaxee woddoochee tiyitonane.

Erimiyaasi 2:20

Beshe Mawe Doono Yeeri ishichiye: “Meeti yemeenoyee aafi ne waanjoon tiichehoye; ne cuyoonoo kuxxehoye; tunebaani ne, taach maddoon qajjehine. Yahechichoommon, geppe xaaꞌoo bulliich, waajjechi michi baatoo bulliich qeyehine.

Erimiyaasi 6:8

Yerusaaleme, neyee ta baraachemmoyich, neen shokkaache onoon ta tuniyaachemmoyich, ta gettaa beeton manjii waayebe” iye.

Hiziqeeli 16:35

“ ‘Ebich yahechine, Doono Yeerichi qaaroon waayebe:

Hiziqeeli 16:39

Ne shunimaayeenaꞌochi kishooch neen beshii immemmo taane; boonoshiyoo ne xoobe xaaꞌoonaa ne goyinnee xaaꞌoonon happemminaꞌone; ne tahoon shooti, ne shashoon daami neen shokke hulloo echiyemminaꞌone.

Hiziqeeli 16:4

Ne shiijjehooba, ne yundo maacheyaanoone; ne xallemmoyich aacona badireyaane neene; kiihon yopphetaa tahoona kaappeyaane neene.

Hosee'i 1:2

Doono Yeeri batti batt Hoseeꞌina Israꞌeeleenaꞌoyich bi getiyooba, biich ishichiye: “Ta asheenaꞌo taan qajjiꞌi oogeton yahii beetinaꞌo boonoshi tunetoyich, newoo hamiree yahechi ureen shaage; bi waaneenoo yahaa shiijjeti bushiishoon shibe” iye.

Hosee'i 2:2

“Ciicote, ittoshi indeen ciicote. Are ta mechee tuno bi qajjetoyich, tawoo bi keno toono taane. Shunee mamonaa yahoonon bi waanee wokkiibuye.

Hosee'i 2:8

Aree, maayoon, woyinee uyoonaa zayitoonon biich immeto, Baꞌaaloyich bi kichiibeeti aachoonaa birewoonon biich woddiito ta tunoon ariyaaneene.

Hosee'i 3:1

Doono Yeeri taach ishichiye: “Israꞌeeleenaꞌo bare nuggisheenaꞌo waan boonoshi wottetaanona, woyinee aafee nuuphon giddiyoon boonoshi shunnitaanona Doono Yeeri ta, andoo boonoshin shunnaabeeto taane. Newoo ebiyoommon bare ashoon shunneti shunimaayee waan hamiree biin shune” iye.

Hosee'i 4:5

Qeesheenaꞌote, ittoshi, areddee aaboona daafeebeeto ittoshine; keemechinaꞌoo ittoshina tookkii xumoona daafee beetinaꞌone. Ebich ittoshi indee tuneti Israꞌeelee showoon aalliyemmo taane.

Hosee'i 8:9

Bi ikkeeto yallyallimiibeeti kubbi kuroochoommon Asooree showooch hammitinaꞌone. Efreemi gijjoona xiboon xibehe.

Hosee'i 9:10

Doono Yeeri ishichiye: “Israꞌeeleenaꞌon ta dano, barahoochee woyinee aafoon danoommone. Ittoshi qaabbechinaꞌon ta beego, qaabbe balaasee aafoon beegoommone. Tunebaani Baꞌaal Feꞌoori boonoshi waahooba yeelliiti shahalleenaꞌoyich boonoshi qelloon beshiiꞌi immiyeete. Boonoshi shunniti shahalloochoommon ciigiitinaꞌo tuneheete.

Amootsi 8:13

“Ebi arooba, malletechi maache bushiisheenaꞌonaa kupphe anaami bushiisheenaꞌona aacon mucceree shachewoona shaaweyemminaꞌone.

Woraaferasheenaꞌo 16:23

Ikke areddoon Filsixeemee taateenaꞌo “No nuggishoo no etto Samsoonin no kishooch beshiiꞌi immite” iibee boonoshi nuggishoo Daagoonich oogeti deejjoon deejjiya, emiree baaroonoo baariya kiceeheete.