Hosee'i 2:15 - Kafa Linguistics Project

¹⁵ Aroochee bi woyinee goyoon biich immemmo taane; Akoori bamboonoo gibenee kello biich tuniyemmo taane. Aroochaanoo, Gibitsee bi keyiyooba, bi bushittinee aabooba, bi tuniitoommon, taach eekkemmine.

Hosee'i 2:15 ပူးပေါင်းရင်းမြစ်များ

1 Taateenaꞌo 16:31

Nebaaxi bushoo Yeroboꞌamichi axaaxoon dabboo kette mooyo shaahiꞌi biich bekkehe. Biyoo Sidoonee taatoo Etibaꞌaali bushee Elizabeelin shaaggiye; Baꞌaaloyich maddehe; goyinneenoo iye.

Shoddo 106:12

Aroochee bi qaaroon gibeneheete; galletee shoddoon biich shoddeheete.

Shoddo 129:1

Ta bushittinoochee tiijjii taan xuqqitinaꞌone; Israꞌeeleenaꞌo ishichibeete:

Isiyaasi 65:10

Taan qaawiibeeti ta asheenaꞌoyich, Shaarooni bagee gaddo, Akoori bamboo miiminaꞌo miqqee xaaꞌoo tunemmone.

Isiyaasi 65:21

Asheenaꞌo kexon hagiree arooch beeyemminaꞌone; woyinoon bechiree bi aafoon maayemminaꞌone.

Erimiyaasi 2:1

Doono Yeeri taach ishichiye:

Erimiyaasi 2:2

“Hamiree Yerusaalemi asheenaꞌochi waamooch awaajjibe; Doono Yeeri ishichiye gete: ‘Bushaa ne beehooba gibeneeti ne tunoon, woꞌee shunoommi ne shunoon, barahoochaa, amoonolla shakkiyaani showoochaa, taan ne dabboon shalligiyoye.

Erimiyaasi 29:11

Ittoshich ta gabaa beeti gaboon ariibeeto taane” iye Doono Yeeri. “Ebi gaboo bi ciiro gaawoonaa gibeneetona tuneti diggeechoani gonde gaboo toonoone.

Erimiyaasi 3:4

“Andoo ‘Ta nihoocho, bushittinee ta xiboocho!’ iyaa taan ceeggehine.

Erimiyaasi 32:15

Ebich Israꞌeelee Nuggishoo Beshe Mawe Doono Yeeri, asheenaꞌo hini showoochee kexonaa goyoonon, woyinee budonoo wochinnoon kememminaꞌone’ itone” iyo.

Shoosho 3:21

Tunebaani ebi ikke mooyon ta gabimmona, ta gibeno andirehe.

Hiziqeeli 16:22

Ebi ciigiiti ne yahee yemeenooba, shokkaachee tunaa damoona wooraꞌa ne beehoobee ne bushittinee yemeenoon gabaane neene.

Hiziqeeli 16:60

Tunebaani ne bushittinooba neenna tookkii ta giyeti wogoon shalligemmo taane; neenna tookki bulli yemeenee wogoon manjiyemmo taane.

Hiziqeeli 16:8

“ ‘Wochinnoon ne gaꞌoona beshaabee neen ciinnaꞌa, shaakkeya ne bedon beeggeho; tawoo ta tahoon ne toommooch yaggii, ne achoon qeriyoye; wogaa neenna tookkii wogoon giyaꞌa neen taachi tuniihoye, iye Nuggishoo Doono Yeeri.

Hiziqeeli 28:25

Nuggishoo Doono Yeeri ishichiye: “Israꞌeelee macceenaꞌon boonoshi shaceti aageteenaꞌo daggoochee ta kiciyooba, aageteenaꞌo ciini beetaa boonoshi daggoochaa ta yaafittinoon ta bekkiihooba, ta guuno Yaaqobich ta immeti boonoshi hajjee showooch kotemminaꞌone.

Hiziqeeli 28:26

Keqqaalloon kotemminaꞌone; kexinaꞌon haggemminaꞌone; woyinoonoo bechemminaꞌone. Boonoshin hoxeebeeti giyeenaꞌo bulli toommooch ta nalliyooba, keqqaalloon kotemminaꞌone; ebina boonoshi Nuggishoo Doono Yeeri ta tunoon ariyemminaꞌone” iye.

Hosee'i 11:1

Doono Yeeri ishichiye: “Israꞌeelin batt busha bi beetaa shunnehoye; ta bushoonoo Gibitsee ceeggehoye.

Hosee'i 12:13

Doono Yeeri keemechon daachiiꞌi Israꞌeelin Gibitsee kichiye. Keemechona tuneꞌinoo shiimehe.

Hosee'i 12:9

Gibitsee ittoshin kichito, ittoshi Nuggishoo Doono Yeeri taane. Nati baarooba bi tunetoommon, ittoshi duukkaani duukkaanooch ittoshi kotemmoyich tuniyemmo taane.

Hosee'i 13:4

Doono Yeeri ishichiye: “Tunebaani ta, Gibitsee ittoshin kichiti, ittoshi Nuggishoo Doono Yeeri taane. Tayee besh bare nuggishoo ittoshich aalloone. Tayee besh wodiyecho baroo aalloone.

Hosee'i 2:12

‘Ta shunechinaꞌo waanee ta daneti gatiyoone’ bi ii beeti, woyinee qomboonaa balaasee mixinaꞌonon aalliyemmo taane. Eboshinoo kubboon tuniyemmo taane. Kubbi cooxinaꞌoo maayemminaꞌone.

Amootsi 9:14

Ta asheenaꞌo tuneti Israꞌeeleenaꞌon boonoshi showooch wochiree deebemmo taane; boonoshiyoo tiisheti katemeenaꞌon wochinnoon hagiree arooch kotemminaꞌone; woyinoon bechiree woyinee uyoon uchemminaꞌone; maayoon bechiree bi aafoon maayemminaꞌone.

Zakaariyaasi 9:12

Gibenoona beeti hini qoppeenaꞌote! Ittoshi mishigooch wottebote! Gutte kishoo tuniiree ittoshin diiremmo ta tunoon ta and ittoshich gettoye.

Haddoo 21:17

Arooba Israꞌeeleenaꞌo ebi shoddoon shoddeheete: “Hini aachi oppoocho, aacon kichibe! Eke biich shoddoon shoddebote.

Yowannisi 10:9

Kello taane. Taanna giyimmo koniyoona wodemmone; giyemmone, kechemmone, bi maayemmonoo danemmone.

Mishiraachechinaꞌo 14:27

Boonoshi shaggitoyee gubb, kittinnee guuphi asheenaꞌon kiciꞌi, Yeeri boonoshina tookkii tuneꞌi bi tuniito bullin, Aageteenaꞌo Yesuusi toommooch mulloon tooꞌiyemmoyich kellee bi qechoonoo boonoshich gettiyeete.

Yaasi 7:26

Hanaach beddaahaa bekkeebeeti, ooge xaqqee gutoon aree toommooch gutiyeete. Ebina Doono Yeeri bi kaaree shiixxoochee wottehe. Ebich hanaach beddaahaa, ebi are xaaꞌoo Akoori Bamboo getteehe.

Woraaferasheenaꞌo 8:34

Boonoshi guudoona beeti boonoshi etteenaꞌo kishoochee boonoshin shiwee wodiiti boonoshi Nuggishoo Doono Yeerin shalligaaneenaꞌone.