Hosee'i 2:13 - Kafa Linguistics Project

¹³ Taan battaachaa bi shashoon shashaꞌa bi shunechinaꞌon bi dabbitoyich, wotta Baꞌaaleenaꞌoyich ixaanoon bi shookketi baaree aabeenaꞌoyich, biin naxemmo taane” iye Doono Yeeri.

Hosee'i 2:13 ပူးပေါင်းရင်းမြစ်များ

2 Taateenaꞌo 1:2

Akaziyaasi Shamaara beeti kechi toommeexi, bi taatee kexooch beechii, mallee kelloochee holliꞌi biiyehe. Ebich, “Hini biiyoochee wodemmo ta tunoon Eqirooni katemee nuggishoo Baꞌaal Zebuubin echii waayebote” iꞌi wocheyechinaꞌon daachiihe.

2 Taateenaꞌo 10:28

Ebiyoommon Yehi Baꞌaaloon Israꞌeelee showoochee aalliihe.

2 Taateenaꞌo 21:3

Bi nihoo Hiziqiyaasi happii aalliiti, guudi toommeexi goyinnee xaaꞌeenaꞌon wochinnoon shuunehe. Israꞌeelee taatoo Akaabi tuniitoommon, Baꞌaaloyich deejjee gudoon shuunehe; nuggishee Asheeri misiloonoo neechiye; shimaajji xojjeno bullichoo goyinnee maddehe.

Iyoobi 8:13

Yeerin batteebeeti asheenaꞌochi ciiro ebiyoommone; Yeerich qeyaani asheenaꞌochi gibeno ebiyoommon aallemmone.

Shoddo 106:13

Tunebaani bekkech bi shuunoon batteheete; bi ciicoonoo haaꞌii quyoon qajjiyeete.

Shoddo 106:21

Gibitsee showoochaa gaakkechi mooyon tuniiti, boonoshin wodiyechi Yeerin batteheete.

Shoddo 78:11

Boonoshich bi shuuneti shuunoon, bi bekkiiti gaakkechi mooyonoo batteheete.

Keyo 32:34

And hamiree, neech ta getteti xaaꞌooch asheenaꞌon yaabibe. Ta maraakoo ne aafooch hammemmone. Tunetaa ta naxemmi aabo shagiyooba, boonoshi axaaxoyich hini asheenaꞌon naxemmo taane” iye.

Isiyaasi 17:10

Ebiyoo ittoshin Wodiyechi Yeerin ittoshi battetoyich, ittoshi Xaqqee Inderoon gaboo ittoshi qajjitoyichiye; ebina gaawe bechoon ittoshi bechitaa, dallaawe yaroon ittoshi shookkitaa,

Isiyaasi 65:7

Doono Yeeri ishichiye: “Guudinaꞌoochaa ixaanoon boonoshi shookkitoyich, geppeenaꞌoochaa ta shigoon boonoshi giishiitoyich, ebiyee aaf boonoshi shuuneti shuunoyich, boonoshinaa boonoshi qaabbechinaꞌonochi axaaxoyich, boonoshi shuunoommon boonoshich shuunemmo taane” iye.

Erimiyaasi 11:13

Yihudee asheenaꞌote, ittoshi nuggisheenaꞌo ittoshi katemeenaꞌoommi meetinaꞌone; ciigiiti mooyoyich, Baꞌaaloyich ixaanoon shookka ittoshi shuuneti deejjee gudeenaꞌo Yerusaalemi gommi haddoommon meetinaꞌone’ iyoye.

Erimiyaasi 18:15

Tunebaani ta asho taan battetone; duube mooyoyich ixaanoon shookkitone; gommoocheenoo tepheetone; wonnee gommoochee wokkiꞌi, shuuneyaani wuuqqe gommooch shokitone.

Erimiyaasi 2:32

Gidiidee bi shashoon, woꞌee bi tahoon battehane? Tunebaani meeti aaboon ta asho taan battetone.

Erimiyaasi 23:2

Ebich Israꞌeelee Nuggishoo Doono Yeeri bi asheenaꞌon qiddeebeeti qiddeenaꞌoyich ishichiye: “Ta bageenaꞌon gaawichii quyoon qajjiichii shaccito ittoshine; yookkiinoo aalliito ittoshine; tawoo ebi ittoshi gondoyich ittoshin sheeremmo taane” iye Doono Yeeri.

Erimiyaasi 7:34

Showoo shokkoon echemmo bi tunetoyich, Yihudee katemeenaꞌonaa Yerusaalemi addibaaboonoochee ililee qaaroon, emiree qaaroon, woꞌeechi qaaroonaa woꞌee kenoochi qaaroonon aalliyemmo taane” iye.

Erimiyaasi 7:9

Gaajjiyote; wuxiyote; shaddiyote; kootoon wogehote; Baꞌaaloyich ixaanoon shookkiyote; ittoshi ariyaani bare nuggisheenaꞌon dabbiyote;

Shoosho 1:4

Baarooch woyemmo bi aalletoyich, Tsiyooni gomminaꞌo muusheneheete; kelleenaꞌo bulli qixeetinaꞌone; qeesheenaꞌo gaashilliyeete; maache bushiisheenaꞌo oogichii ayiniyeete; Tsiyooni bi qelloona xuuxaa caammetine.

Shoosho 5:14

Geeneenaꞌo iitee xaaꞌoochee wokkiyeete; gurimaasheenaꞌo shoddoon qajjiyeete.

Hiziqeeli 16:12

Ne muddooch axxaamittoon, ne waamooch gudichoon geddoye; ne qelloochoo gaawe gubbichoon ukiihoye.

Hiziqeeli 16:17

Neech ta immeti ta aachoonaa birewoonoochee shuuneeti ne shashoon daammaa anaaminaꞌochi misiloon shuunaꞌa boonoshina tookkii shunoo maahine.

Hiziqeeli 22:12

Ne daggoochaa damoon ukkoyich xucco maaheete; newoo shimonaa koyitoonon deqqeti neene; ne xibeenaꞌo waanee daboona gaacoon daneti neene; taanoo batteti neene, iye Nuggishoo Doono Yeeri.

Hiziqeeli 23:35

Ebich Nuggishoo Doono Yeeri ishichiye: “Taan ne battetoyich, ne gubboon taach ne immetoyich, ne qocee gondoonaa ne yahoonoyich naxeyemmi neene” iye.

Hosee'i 11:2

Tunebaani Israꞌeeli woddii ta ceeggemmona, woddiiꞌi ta waanee wokkiye. Ta asheenaꞌoo Baꞌaaloyich deejjoon deejjiyeete; shahalleenaꞌoyichoo ixaanoon shookkiyeete.

Hosee'i 13:1

Efreemi yoodo yibbaatemmona bare yoodeenaꞌo shattii qewee beeheete. Biyoo Israꞌeelee showooch arichetone. Tunebaani Baꞌaaloyich goyinnoona xuꞌecho tuneꞌi qitiye.

Hosee'i 13:6

Ittoshich ta maanjaa, michiyote; maa michiꞌinoo geeciyote; taanoo battehote.

Hosee'i 2:5

Boonoshin xifaa shiyeti boonoshi indee yeellaalli shunimaayeene. Areyoo ‘Koshonaa aaconon, bagee eexoochee shuuneeti tahoon, muttee tuppoochee shippeti tahoon, zayitoonaa uyoonon taach immiti ta shunechinaꞌon dabbi hammemmi taane’ iyane.

Hosee'i 2:7

Bi shunechinaꞌon dabbi hammemmine; tunebaani yeshaachemmine; boonoshin qaawemmine; tunebaani daneyaachemmine. Aroochee biyoo ‘Aafi ta keno waan wottehoye; halla aafi ta beemo andichoyee beshiye’ gettemmine.

Hosee'i 4:13

Guudinaꞌo toommoochaa deejjiyeete; geppeenaꞌo toommoochaa, boonoshi yiiroo gaaweto bi tunetoyich, wodde waajjechi ogooge mixinaꞌochi baatoochaanoo deejjii cufiiheete. Ebich boonoshi maache bushiisheenaꞌo yahechinaꞌo, boonoshi naamecheenaꞌo shunimaayeenaꞌo tunemminaꞌone.

Hosee'i 4:6

Ta asheenaꞌo ariyee muccoochee tiyitona aalletinaꞌone. Ariyoon qaawoo ittoshi qajjitoyich, tawoo taach qeeshoo ittoshi tuneyaachemmoyich ittoshin qajjoye. Ittoshi Nuggishoo ta sheeroon ittoshi battetoyich tawoo wotta ittoshi bushiisheenaꞌon battemmo taane.

Hosee'i 8:14

“Israꞌeeleenaꞌo boonoshin Halliton battetinaꞌone; taatee kexinaꞌonoo shuunetinaꞌone. Yihudee asheenaꞌoo meeti manje katemeenaꞌon shuunetinaꞌone. Tunebaani ta, boonoshi manje katemeenaꞌooch qaaqqoon deejjemmo taane. Ebi qaaqqoo boonoshi mishigeenaꞌon michemmone” iye.

Hosee'i 9:7

Sheeree aabo waatone; nichoo kichee aaboo shaggitone. Israꞌeeleenaꞌo ebin ariibeete. Ittoshi axaaxoo woddetoyich, taanoo ittoshi shixxitoyich, keemecho tuushoo, ayaanechi ashoo geyecho tuniitaa ciichetone.

Amootsi 8:10

Ittoshi emiree baaroon eefooch, ittoshi duubonoo shooshooch wochemmo taane. Qelloon cakkeree dookoon ittoshi tahemmoyich tuniyemmo taane. Ikke mixxe boonoshi bushoyich nihoonaa indeena eefoommon eeppeebeeti aabo tunemmone. Ebi arooba mooyo bulli ciirooch beddaahaa, caammito tunemmone” itone.

Yibbaatoo 32:18

Neen halliti ne Deeboon qajjehine; neen shiyiti ne Nuggishoon battehine.

Yibbaatoo 6:12

guuno tunaꞌa beebee ne echeti Gibitsee neen kichii deebiti Doono Yeerin ne batteyaachemmoyich ne qelloon ariibe!

Woraaferasheenaꞌo 10:6

Israꞌeeleenaꞌo wochinnoon Doono Yeeri aafooch axaaxoon shuuneheete. Baꞌaaleenaꞌonaa Ashitarooteenaꞌonoyich, wotta Sooriyee showee nuggisheenaꞌoyich, Sidoonee showee nuggisheenaꞌoyich, Moꞌabee showee nuggisheenaꞌoyich, Amoonee showee nuggisheenaꞌonaa Filsixeemee showee nuggisheenaꞌonoyich goyinnee maddeheete. Doono Yeerin qajjiꞌi biich goyinnee maddoon neechiyeete.

Woraaferasheenaꞌo 3:7

Israꞌeeleenaꞌo Doono Yeeri aafooch axaaxoon shuuneheete. Boonoshi Nuggishoo Doono Yeerin batteꞌi Baꞌaaloonaa Asheerinochi shahalloon goyinnee maddeheete.

1 Saameeli 12:9

“Tunebaani asheenaꞌo boonoshi Nuggishoo tuneti Doono Yeerin batteheete. Biyoo boonoshin Hatsooree ginee iraashoo Siseerichi kishooch, Filsixeemeenaꞌo kishooch, wotta Moꞌabee taatoo kishooch beshiiꞌi immiye. Ittoshi qaabbechinaꞌon kochiyeete.