Hosee'i 14:9 - Kafa Linguistics Project

⁹ Ariyechi asho ebi mooyinaꞌon shalligibe. Shalligechoo ebi mooyinaꞌon ariibe. Doono Yeerichi gommo kaamoone; cadiqeenaꞌo aroona hammemminaꞌone; tunebaani axaaxechinaꞌo tepheeree dihemminaꞌone.

Hosee'i 14:9 ပူးပေါင်းရင်းမြစ်များ

Halloo 18:25

Ebiyoommi gaboo ne waanee wohe! Cadiqe ashoon axaaxechona tookkii wuxoo, cadiqe ashoonaa axaaxechonochi toommooch ikkochii nalloo, ebiyoommi shuunoo ne waanee wohe! Showee toommooch beetinaꞌo bullichi Nallechi ne, dayinnetaalloon nallenne?” iye.

Iyoobi 17:9

Tunebaani cadiqe asho murici dihaachemmone; bi kishoo xalloo tuneti asho kupphe kupphe hammemmone.

Shoddo 107:43

Ariyecho tuneto bulli ebi mooyon gabibe; Doono Yeerichi shoodoon shalligibe.

Shoddo 119:128

Ebich ne geteenaꞌo bullin dabbiyoye; koote gommo bullinoo shixxehoye.

Shoddo 119:75

Doono Yeero, ne dayinneto tato bi tunoon ariyaabeeto taane; taan ne sheerito gibeneeto ne tunetoyichiye.

Shoddo 84:5

Boonoshi giidoo neen tuniitinaꞌo, damba Tsiyooni boochoon boonoshi mulloona gabii beetinaꞌo, diireetinaꞌone.

Shoddo 84:7

Boonoshiyoo giide giide hammemminaꞌone; nuggisheenaꞌochi Nuggishoo Tsiyoonaa bekkemmone.

Shaahiyoo 10:29

Doono Yeeri kaameenaꞌoyich deeboone; tunebaani gondeenaꞌon aalliyemmone.

Shaahiyoo 16:21

Mullechi asho shalligecho getteyemmone; shaawi yibbaatoo ariyoon daakkiye.

Shaahiyoo 4:18

Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Isiyaasi 1:28

Tunebaani hukkechinaꞌonaa axaaxechinaꞌona ikkittinoona buricemminaꞌone; Doono Yeerinoo qajjii beetinaꞌoo aallemminaꞌone.

Isiyaasi 17:8

Boonoshi kishee shuunoo tuneti deejjee gudeenaꞌon gibeneyaachemminaꞌone; boonoshi yaphereenaꞌo shuuneton, Asheeri misiloon woyee ixaanee deejjee gudoon gibeneyaachemminaꞌone.

Isiyaasi 26:7

Cadiqeenaꞌochi gommo naqqoone. Kaamoocho, cadiqeenaꞌochi boochoon tachihine.

Erimiyaasi 29:12

Ittoshiyoo taan ceeggemmo ittoshine; waaree ta waan corootemmo ittoshine; tawoo ittoshin waayemmo taane.

Erimiyaasi 9:12

Ebin shalligoyich ariyechi asho konine? Ebin bi awaajjemmoyich, Doono Yeeri gettito konichiye? Asho besheyaachemmoyich showoo amoyich duubehe? Shuuꞌi showoochoommon amoyich shuuqqiye?

Hiziqeeli 11:18

“Arooch boonoshi waahooba ciigiitonaa eeꞌoona tuneti mooyon bi daggoochee wokkiyemminaꞌone.

Hiziqeeli 18:25

“Tunebaani ittoshi ‘Yeerichi gommo kaamoo toonoone’ iyote. Israꞌeelee macceenaꞌote, waayebote: Iberoochaa ta gommo kaamoo toone? Kaameyaano ittoshi gommo toone?

Hiziqeeli 36:25

Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.

Daaneeli 12:10

Meeti asheenaꞌo boonoshi qelloon xalliyemminaꞌone; haattee kechitinaꞌonaa muricaalleenaꞌona tunemminaꞌone. Tunebaani gondeenaꞌo ebi mooyon shalligaaneenaꞌon tuneree, gondoon shuune beeyemminaꞌone. Tunetaa yiiteenaꞌo baach shalligemminaꞌone.

Sofoniyaasi 3:5

Cadiqo tuneti Doono Yeeri ebi Yerusaalemi daggooch beetone. Biyoo tateyaani mooyon tuniyaache. Qemi qemona kuxaanoon dayinnetoona nallii beetone. Tunebaani gonde asheenaꞌo yeellaalleenaꞌone.

Zakaariyaasi 10:6

“Yihudee asheenaꞌon kupphiyemmo taane. Yooseefi yareenaꞌon wodiyemmo taane. Boonoshich ta ariqqetoyich, boonoshi xaaꞌooch wochi deebemmo taane. Boonoshin ta dufaani asheenaꞌoommon tunemminaꞌone. Ta, boonoshi Nuggishoo Doono Yeeri ta tunetoyich, boonoshi corootoon waayemmo taane.

Maatiyoosi 11:19

Ashi Bushoo maabee, uchiibee bi waataa, boonoshi ‘Hini maayoonaa uyoonochi buujjoone; wotta gabiyee guudeenaꞌonaa axaaxechinaꞌonochi shunechone’ iyeete. Tunetaa shalligoo tate bi shuunoona arichehe” iye.

Luqaasi 2:34

Simooniyoo boonoshin diiriye. Gaggeroochi indee Maariyamichoo ishichiye: “Hini bushoo meetinaꞌochi maaceexi mooyon bi gaxxemmoyich, Israꞌeelee showeexi meetinaꞌon Yeeri aafoochee wokkiyoonaa katichoonoyich, asheenaꞌo biin boonoshi coonemmi malletoo bi tunemmoyich, Yeeri biin kaaccitone; ne kasheyoo wotta goraadoona kocheyemmine” iye.

Luqaasi 7:23

Ta mooyona axiraacheyaano bulli diireetone” iye.

Yowannisi 15:24

Asho koniyoona shuuneyaani shuunoon boonoshi daggooch ta shuuneyaan gaata, boonoshich axaaxoo tuneyaacheshone; tunebaani and hini ta shuuneto bullin beeggitinaꞌone; taanoo ta Nihoonoo shixxitinaꞌone.

Yowannisi 18:37

Phelaaxoosi “Ishigaata, taatoo neene?” iye. Yesuusi wochiꞌi, “Taatoo ta tunoon newolla gettaa beetine. Ta, ibereechon miixeya ebich shiijjeto taane, alemoochoo waato taane. Iberoochee tuneto bulli ta qaaroon waayemmone” iye.

Yowannisi 8:47

Yeericho tuneto, Yeerichi qaaroon waayehe; tunebaani Yeericho ittoshi tuno qajjitoyich, bi qaaroon waayeyaachote” iye.

Yowannisi 9:39

Yesuusiyoo “Ciinaaneenaꞌo ciinaa, ciinnii beetinaꞌo doogaa, nalloona boonoshi barbaremmoyich, ta hini alemooch waato taane” iye.

Mishiraachechinaꞌo 13:10

“Aconaa gonde mooyona ne mullooch ceenniti hini daabiloosichi bushoochoo, tato tuneti mooyon shunaanoocho, kaamoo tuneti, Doono Yesuusichi gommon xummiyoochee kasheyaachenne?

Roomi 7:12

Ebich Yeerichi sheeroo yaafoone; sheeroo gettiibeeti mooyoo yaafoone; kaamoonaa gaawetonane.

Yibbaatoo 32:4

Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.

Yaaꞌoo 15:3

Yeerichi maddechi Muusichi shoddoonaa Bagoochi shoddoonon ishichii shoddeheete: “Beshe Hakkechi Nuggishoo Doono Yeero! Ne shuunoo am shaahe worganikkiti ooge shuunoone! Aageteenaꞌochi Taatoocho! Ne gommo am shaahe cadiqe, ibere gommone!