Hosee'i 13:9 - Kafa Linguistics Project

⁹ “Israꞌeeleenaꞌote, ittoshin gaachaabeeti ta toommooch ittoshi tiyitoyich, aallemmo ittoshine.

Hosee'i 13:9 ပူးပေါင်းရင်းမြစ်များ

2 Kiinoo 28:23

Biyoo “Sooriyee taateenaꞌochi nuggisheenaꞌo Sooriyeenaꞌon boonoshi gaachetoyich, boonoshich deejjoon ta deejjigaata, taanoo gaachemminaꞌone” iꞌi biin kochii wochiti Sooriyee nuggisheenaꞌoyich deejjoon deejjiye. Tunebaani ebi, biinnaa Israꞌeelee showoonoyich aalloon deebiye.

Shoddo 146:5

Yaaqobichi Nuggishoon bi gaachoo, bi Nuggishoo Doono Yeerinoo bi gibeno, tuniito diireetone.

Shoddo 33:20

Doono Yeerin gibenehone; bi noon gaacheebeeti deeboone.

Shoddo 46:1

Yeeri nooch deeboonaa giidoonane; xuuxee aabo bulliichoo no gaachoone.

Shaahiyoo 6:32

Tunebaani shaddiibeeti asho qellaalli ashoone; ebin tuniibeeto bi kashoon aalliyemmone.

Shaahiyoo 8:36

Tunebaani taan mucceto bi qellich gondiihe; taan shixxiibeeto bulli, qitoon shunniye” iyane.

Isiyaasi 3:11

Boonoshi shuunetoommo boonoshich shuuneyemmo bi tunetoyich xuꞌechinaꞌoyich woowo! Aallo boonoshich woyemmone.

Isiyaasi 3:9

Boonoshi aafoochee bekkeebeeti mooyo boonoshi toommooch miixee beetone; boonoshi axaaxoon aachaanoon, Sodoomee asheenaꞌochoommon axaaxoon xalla shuunee beetinaꞌone; boonoshi toommooch gonde mooyon boonoshi deebii beetoyich boonoshich woowo!

Erimiyaasi 2:17

Ebin ne toommooch ne deebeto, gommona neen yaabiibeeti, ne Nuggishoo Doono Yeerin qayona toone?

Erimiyaasi 2:19

Ne gondo wochi neen sheeremmone; taan ne qayo wochi neen qallayemmone; ne Nuggishoo Doono Yeeri taan ne qayo, taachoo shaton ne qayo, neech gondoonaa caamoona bi tunoon ariibe” iye Beshe Mawe Nuggishoo Doono Yeeri.

Erimiyaasi 4:18

“Ne shaaddoonaa ne shuunoona ebin ne toommooch shakkiitone; ebi ne gondo mulloon tiichemmi oogeti magge caame mooyon ne toommooch deebitone” iye.

Erimiyaasi 5:25

Eboshin ittoshi xuꞌo ittoshi waanee echiitone; ittoshi axaaxoo ebi deꞌe mooyinaꞌon ittoshich mucciitone.

Hosee'i 13:4

Doono Yeeri ishichiye: “Tunebaani ta, Gibitsee ittoshin kichiti, ittoshi Nuggishoo Doono Yeeri taane. Tayee besh bare nuggishoo ittoshich aalloone. Tayee besh wodiyecho baroo aalloone.

Hosee'i 14:1

Israꞌeeleenaꞌote, ittoshi axaaxee naboona ittoshi dihitoyich ittoshi Nuggishoo Doono Yeer waan wottebote!

Hosee'i 7:14

Mulloochee tiijjiꞌi ta waan cookaacheete. Tunebaani boonoshi qeenoochaa eeppiyeete. Boonoshi kiceebeeto maayoonaa woyinee uyoonoyichiye. Ta toommoochoo hukkoon tiijjiyeete.

Hosee'i 7:15

Boonoshin dojjiyoye; kupphiinoo iyoye. Tunebaani boonoshi ta toommooch koceeheete.

Milikiyaasi 1:12

“Tunebaani ittoshi ‘Doono Yeerichi madoo eeꞌoone; bi maayo hoxeetone’ getona ta shigoon kettiihote.

Milikiyaasi 1:13

‘Ebi shewiiti mooyone’ iibee hoxehote. Bogaa waaton, baata sheqqe gijjoonaa biiyechi gijjoonon deejjoo tuniiꞌi giddiihote. Iberoochaa ebin ittoshi kishoochee deqqehote?” iye Beshe Mawe Doono Yeeri.

Milikiyaasi 1:9

“Qeesheenaꞌote, ebiyoommi wojjoon Yeerich giddiichi, eke ittoshich bi ariqqemmoyich qollebote. Ebi wojjoon ittoshi kishoochee deꞌiree ittoshi qolloon waayemmo ittoshich shaahii beete?” iye Beshe Mawe Doono Yeeri.

Yibbaatoo 33:26

“Israꞌeeleenaꞌote, ittoshin gaachoyich shimaayoona, bi oogee yiiroona quboon yebbeꞌi shaꞌeebeeti, ittoshi Nuggishoommi nuggishoo aalloone.

Yibbaatoo 33:29

Israꞌeelo, diireeto neene; Doono Yeerina woditi asho neenoommo, konine? Gaachoochoommon bi neen quyee beetone; goraadoochoommon ne etteenaꞌon qeccee beetone. Ne etteenaꞌo maaroon qollebee ne waan woyemminaꞌone; tunebaani ne boonoshi shimetoon neexxemmo neene” iye.