Hosee'i 13:2 - Kafa Linguistics Project

² Andoo axaaxoon woddii woddii shuuneheete. Boonoshi birewoon ukkiꞌi, boonoshi qellich shahalleenaꞌon shuuneheete. Ashi ariyoona shuuneeti, misileenaꞌon shuuneheete. Bulliyona shuunee ariyechochi shuuneenaꞌone. Boonoshiyoo ishichiyeete: “Eboshich deejjoon giddii beetinaꞌo maamochi shahalloon shumbeete” iyeete.

Hosee'i 13:2 ပူးပေါင်းရင်းမြစ်များ

1 Taateenaꞌo 19:18

Tawoo Israꞌeeleenaꞌo daggoochee shabaatte hume asheenaꞌon taach echiyemmo taane. Eboshi bulliyoo Baꞌaaloyich goyinneyaani, boonoshi noonoonoo Baꞌaaloochi shahalloon shumaani asheenaꞌone” iye.

2 Kiinoo 28:13

“Ebi keceenaꞌon no waan deebaahote; axaaxoon shuunaꞌa Doono Yeerin no xuꞌona, bi kaaree shiixxoo no toommooch bi kindemmoyich tuniito noone. Andoo xuꞌoon daakki no shuunemmoyich qaawii beetote?” iyeete.

2 Kiinoo 33:23

Bi nihoo Minaasi bi qelloon bi giishiyoommon, Doono Yeeri aafooch bi qelloon giishiyaanoone. Axaaxoon shuunoona beshii beshii qeyiye.

Shoddo 2:12

Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Isiyaasi 1:5

Hukkoon andoo daakkii shuunoona, wochinnoon ittoshi sheereebeeto amoyichiye? Ittoshi ikkikkoona ittoshi qello mayetone; ittoshi mulloo baallitone.

Isiyaasi 30:1

Doono Yeeri ishichiye: “Hukkechi bushiisheenaꞌoyich woowo! Ta waanee tuneyaani gaboona hammiyeete; axaaxee toommooch axaaxoon daakkoyich, ta ayaanoochee tuneyaani wogoon giyiyeete.

Isiyaasi 44:11

Ebiyoommi misiloyich goyinneebeeto bulli yeelle ceellemmone; shahalloon shuunee beetinaꞌo asheenaꞌone; eke boonoshi bulli ikkooch kiceeree neexebeete; bulliyona keqqemminaꞌone; ikkittinoona yeelleminaꞌone.

Isiyaasi 45:20

“Aageteenaꞌoochee muriccitinaꞌote, wobote; ikkooch kiceeree giddebote. Mixoochee shuuneeti shahalloon shaaggii beetinaꞌoyich, wodiyoon hakkaaneenaꞌo waan corootii beetinaꞌoyich, mullo aalloone.

Isiyaasi 46:6

Asheenaꞌo aachoon boonoshi kolloochee tebbeheete; birewoonoo machoona qocciyeete; aachee ukkechon boonoshi kiraayaa, nuggishoon tuniiꞌi shuunehe; boonoshiyoo guufeꞌi biich goyinneheete.

Isiyaasi 46:8

“Hini axaaxechinaꞌote, ebin gabibote; shalligishoo getote; ittoshi mulloochoo gedote.

Erimiyaasi 10:4

Birewoonaa aachoona macecikkiyeete; bi shuuraachemmoyich modooshoonaa misimaaroona xaaqqiyeete.

Erimiyaasi 10:8

Mullaalleenaꞌonaa dookkeenaꞌona tuneꞌinalli, shahalloochee amo doyoo hakkeyehe?

Erimiyaasi 8:5

Ishigaata hini Yerusaalemi asheenaꞌo amoyich gubb wotteꞌi qappooch hammiyeete? Xumme mooyon shunnitinaꞌone; ta waan wottemmonoo qajjitinaꞌone.

Hosee'i 10:1

Israꞌeeleenaꞌo wodde aafoon aafeti, bi aafo shushiti woyinee qomboomminaꞌone. Woddii boonoshi aafemmi haddoona meeti deejjee gudeenaꞌon shuuneheete. Boonoshi showoo gaanneti haddoona goyinnee xaqqee giimbeenaꞌon macecikkiꞌi shuuneheete.

Hosee'i 10:5

Shamaari katemee asheenaꞌo Beet Aween beeti maanji shahalloon shati qewemminaꞌone. Bi oogo shoottetoyich asheenaꞌo ebi maanji shahalloyich eeppemminaꞌone. Shahalloochi qeesheenaꞌo shooshemminaꞌone.

Hosee'i 11:2

Tunebaani Israꞌeeli woddii ta ceeggemmona, woddiiꞌi ta waanee wokkiye. Ta asheenaꞌoo Baꞌaaloyich deejjoon deejjiyeete; shahalleenaꞌoyichoo ixaanoon shookkiyeete.

Hosee'i 11:6

Boonoshi katemeenaꞌooch gino woyemmone; katemee kellee tuggeenaꞌonoo aalliyemmone; boonoshi gonde gaboochee tiyitona boonoshin maayemmone.

Hosee'i 14:3

Asooreenaꞌo noon wodiyoon hakkaacheete; ginee haresheenaꞌonoo yebbeyaachone. Ebiyee bekk no hajjee kishoona no shuunetinaꞌon, ‘No nuggisheenaꞌote’ getaachone. Nihaalleenaꞌo ne waanee ariqqoon danee beetinaꞌone” getote.

Hosee'i 2:8

Aree, maayoon, woyinee uyoonaa zayitoonon biich immeto, Baꞌaaloyich bi kichiibeeti aachoonaa birewoonon biich woddiito ta tunoon ariyaaneene.

Hosee'i 4:17

Efreemi shahalloona tookkii yeshecho bi tunetoyich, ittoshi qayaa bi gaba hambe.

Hosee'i 8:4

“Ta daaggaalloon taateenaꞌon taatiiheete. Taan echeyaanoon ukkireenaꞌon ukkiriiheete. Boonoshi aallemmoyich naboo tunemmi shahalloon, boonoshi birewoonaa aachoonoochee shaahii shuuneheete.

Hosee'i 8:5

Shamaaree asheenaꞌochi maanji shahalloon tiyaareto taane. Ta kaaro boonoshi toommooch qaaqqoo aaxxoommon aaxxemmone. Xalleyaanoon boonoshi beeyemmo aati wottooniye?

Hosee'i 8:6

Ebiyoo Israꞌeeleenaꞌo daggooch tunehe. Shuunee ariyecho shuuneti ebi maanji shahalloo nuggishoo toonoone. Ebi Shamaari katemeexi maanji shahalloo tiishe buricemmone.

Haddoo 32:14

“Hini axaaxechinaꞌochi shiijjereenaꞌote. Doono Yeeri kaaroon Israꞌeeleenaꞌo toommooch woddiyoyich ittoshi niheenaꞌochi xaaꞌooch kereeto ittoshine.

Roomi 11:4

Tunebaani Yeeri ama iiniye bi wochito? “Baꞌaaloyich goyinneyaani shabaatte hume asheenaꞌon taach echiito taane” iye.

Roomi 2:5

Tunebaani “Axaaxee gommoochee Yeer waan wotteyaache” ii beeti mulli manjoo ne tunetoommon, Yeeri kaamittinee nalloon bi bekkiyehoobinaa kaaree shiixxoon bi kindiyemmi aaboobinoyich kaaree shiixxoon ne toommooch kicaabeeto neene.

2 Ximootiyoosi 3:13

Tunebaani gondeenaꞌonaa dawushechinaꞌona boonoshi qelloona dawusheebee, ashoonoo dawushibee, gonde mooyona beshi beshiree hammemminaꞌone.

1 Saameeli 10:1

Aroochee Saameeli zayitoon yechiti qiicoon daammiꞌi Saaꞌooli shimbooch zayitoon ukkiye. Biin shummiichii ishichiye: “Doono Yeeri bi hajjee asheenaꞌo tuneti Israꞌeeleenaꞌo toommooch iraashoo ne tunemmoyich neen kaaccitone. [Yaabi qeejjibee, boonoshi guudoona beeti boonoshi etteenaꞌo kishoochee wodiyemmo neene. Bi asheenaꞌon yaabii qeejjecho ne tunemmoyich, Doono Yeeri neen bi kaacoyich ebi neech malletoo tunemmone.]