Hosee'i 13:14 - Kafa Linguistics Project

¹⁴ Maash hamoochee boonoshin biishe echiyehote? Qitee giidoochee boonoshin shiwe wodiyehote? Qitoocho, ne naxeenaꞌon yeshi wobe! Maashoocho, ne aalliyoon yeshi wobe! Ebiyee bekk boonoshich ariqqeyaachemmo taane.

Hosee'i 13:14 ပူးပေါင်းရင်းမြစ်များ

Iyoobi 33:24

ebi are maraakoo biich ariqqeree Yeerich, ‘Maash bi hammemmoyich tuniyaahine; ta biin biisheree wodiyemmo taane’ bi getigaata,

Iyoobi 41:22

Bi giidoo beeto bi qettee gajjoochiye; biinna danemmi ashi tingo qewee beetone.

Shoddo 16:10

Taan maash qayaachemmo neene; gibeneeti ne guuno taan oppooch daachiyaachemmo neene.

Shoddo 30:3

Doono Yeero, ta kasheen shiweroochee kichihine; maash ta kindaachemmoyich taan wodiihine.

Shoddo 49:15

Tunebaani Yeeri ta kasheen qitee kishoochee shiweree, bi waan daammemmone.

Shoddo 49:16

Asho gaannegaata, bi oogo beshii hamigaata, shattaahine.

Shoddo 71:20

Meeti xuuxoonaa iritoonon ta beeggemmoyich ne tuniitaanona wochinnoon kasho ta wochemmoyich tuniyemmo neene; showee duchoochee wochinnoon taan kichemmo neene.

Shoddo 86:13

Ebiyoo ne shoodo taach oogeto bi tunetoyichiye; maash hamoocheenoo taan ne wodiitoyichiye.

Isiyaasi 25:8

Biyoo qitoon bulli yemeenooch aalliyemmone; Nuggishoo Doono Yeeri, asheenaꞌo bulli aafoochee acimoon hidemmone; bi asheenaꞌo naakkeyoonoo showee toommo bulliichee aalliyemmone; Doono Yeeri ebin gettitone.

Isiyaasi 26:19

Qititi ne asheenaꞌo kashechinaꞌon tunemminaꞌone; boonoshi dubeno qitoochee tiyemmone; showee daggooch beetinaꞌote, tibote; emiroonoo shoddebote. Wacciibeeti keetoo showoon bi shuxiyoommon, qitii yagitinaꞌo tiyiree, kashoona beeyemmoyich Doono Yeeri tuniyemmone.

Erimiyaasi 15:6

Taan qajjito ittoshine, iye Doono Yeeri. Gubb wottee hammito ittoshine; ebich ta mochoon ittoshi toommooch tiijjiree ittoshin aalliyemmo taane; maariibee taahito taane.

Erimiyaasi 20:16

Are asho Doono Yeeri ariqqeyaanoon guuppiti katemoommon tunebe; maaddi eefon, womikka cookoon waayebe.

Erimiyaasi 31:35

Areddoyich aaboon tuniito, xumoyich ageneenaa xojjenoonon qociito, baharee aayinaꞌo buugemmoyich baharoon shuurikkiibeeto, bi shigo Beshe Mawe Doono Yeeri ishichii beetone:

Hiziqeeli 37:9

Aroochee Yeeri taach ishichiye: “Ashi bushoocho, keemoon keembe; yongoyich keemoon keembe: ‘Nuggishoo Doono Yeeri ishichiye: Yongoocho, awudde kaattoochee wobe; ebi dubeneenaꞌo kashoona beeyemmoyich, eboshi toommooch yongebe’ gete” iye.

Hosee'i 6:2

Gutte qemoyee gubb noon wodiyemmone. Bi aafooch kashoona no beeyemmoyich keejjinnee qemooba noon tiijjemmone.

Hosee'i 7:10

Boonoshi geecoo Israꞌeeleenaꞌo toommooch wochii miixee beetone. Ebi bulli tunetaanoona boonoshi Nuggishoo Doono Yeeri ta waan wotteyaaneenaꞌone; taanoo qaawaaneenaꞌone.

Milikiyaasi 3:6

Beshe Mawe Doono Yeeri ishichiye: “Doono Yeeri ta, shaddeyaachemmo taane. Yaaqobichi yareenaꞌote, ebich aalleyaano ittoshine.

Haddoo 23:19

Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

Roomi 11:15

Duppee boonoshi echo alemoon Yeerina tookki bi shunemmoyich tuniibeeto bi tunegaata, Yeer waan boonoshi wotto qitoochee tiyiꞌi kashoona beemoommone!

Roomi 11:29

Yeeri ashoon bi waan ceeggiꞌi bi wojjoon bi immitoyee gubb, “Aakkiya ebin tuniitote?” getaache.

2 Qorontoosi 5:4

Iberoon bashoommi hini no meenona beechaa, no meeno noon maggetaa gaashillaabeeto noone; and hini no taheti meenon shootteyoon shunnaabeeto toono noone; tunebaani qitemmi no meeno bulli yemeenee kashoona bi shaddeetaa shimaajji ashittinoon taheya qaawaabeeto noone.

Filipphisiyoosi 3:21

Biyoo hini yiingaalli, qitemmi no ashittinoon shaddiree, worganikkiti oogee yiirechi bi ashittinoon shaahiyemmone. Ebin bi tuniyemmo bullin bi oogee dechiich tuniyoon bi hakkemmi giidoonane.

1 Tasaloonqi 4:14

Yesuusi qitoonaa qitoochee bi timonon iberiito noone; ebiyoommon wotta boonoshi mulloon Kiristoosi toommooch tooꞌiichii qititinaꞌon Yeeri Yesuusina tookki bi waan daammemmo bi tunoon iberiibeeto noone.

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.

Yaaꞌoo 20:13

Baharo bi daggooch beeti qititinaꞌon aapphiye; qitoonaa Siꞌooloona boonoshi waan beeti qititinaꞌon aapphiyeete; aroochee bi ikkikkoyich bi shuuni shuunoommona bi toommooch nalleehe.

Yaaꞌoo 21:4

Biyoo acimo bullin boonoshi aafoochee hidemmone; aafi mooyinaꞌo boonoshi beshetoyich, ebiyee bekk qitoo aalloone; muusheno tuneba eefo tuneba biiyo tuneba aalloone” iꞌi bi getaa waayeho.

Yaaꞌoo 6:8

Beeggaanoo iyo; areegaata daashe hareshoon beeggeho; aroon yebbetochi shigo Qitoo getteehe; Siꞌooloo biin dabbiye. Showee toommooch beeti asheenaꞌo daggoochee awudde beeroochee ikke beeroon ginoona, shaacoona, naxoonaa ashoon maabeeti kubbi cooxinaꞌona boonoshi wuxemmoyich hakkoo boonoshich ichehe.

1 Saameeli 15:29

Israꞌeeleenaꞌochi oogee yiiroo tuneti Yeeri kootaache; bi gaboonoo shaddaache. Bi gaboon bi shaddemmoyich, bi asho toonoone” iye.