Hosee'i 12:7 - Kafa Linguistics Project

⁷ Doono Yeeri ishichiye: “Israꞌeeleenaꞌo koote machoona qocciibeeti Kanaanee asheenaꞌon shaahitinaꞌone. Tuushiyoonoo shunniyeete.

Hosee'i 12:7 ပူးပေါင်းရင်းမြစ်များ

Halloo 49:18

“Doono Yeero, taan ne wodiyemmoyich quyaabeeto taane.

Shaahiyoo 11:1

Doono Yeeri machee qiicoona yubiyoon ciigehe; tunebaani machee qiicoona tachii qocona emiriye.

Shaahiyoo 16:11

Tate machoonaa qeellee qiicoona Doono Yeerichone; mollexxeexi qeellee qiiceenaꞌo bulli bi shuuneenaꞌone.

Isiyaasi 3:5

Asho biinnaa biinna ikkoo baroon neexi hajjemmone; asho bulli bi nuuchoo toommooch, asho bulli biinoommi bi manoo toommooch tiyemmone; bushoo oogoon hoxemmone; gaacaalli asho moogeeti ashi toommooch tiyemmone.

Isiyaasi 56:1

Doono Yeeri ishichiye: “Ittoshin ta shiwe wodiyemmi aabo katinnito bi tunetoyich, dayinnetoon quyebote; tate mooyon tuniibote.

Hiziqeeli 16:3

‘Yerusaalemich, Nuggishoo Doono Yeeri ishichiye: Ne yaroonaa ne shiijje showoona Kanaaniye; ne nihoo Amooree ashoone; ne indee Hitee asheene.

Hiziqeeli 22:29

Showee asheenaꞌo xuqqiyeete; boggiyeete; girechinaꞌonaa iritechinaꞌonon xuuxiiheete; shiqqoon xuqqiyeete.

Hiziqeeli 28:5

Giixoona oogeti ariyecho ne tunetoyich, woddii gaanneto neene; ne gaannee naboona ne mullo geecitone.

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Yoꞌeeli 2:12

Doono Yeeri ishichiye: “Andoo tunetaa coomoona, eefona, muushenoona, ceeni ittoshi mulloona ta waan wottebote” iye.

Amootsi 2:7

Girechinaꞌon buttooch dichiichii boonoshi qellooch qappiyeete; gitteenaꞌonoo gommoochee xuqqii wochiyeete. Bushoonaa nihoona ikke gonneen qeyiyeete; ebich yaafe ta shigo eeꞌehe.

Amootsi 3:9

Ashidoodee showoonaa Gibitsinooch beeti taatee kexinaꞌooch beetinaꞌoyich awaajjibote; boonoshich ishichibote: “Shamaari geppeenaꞌooch waaree, katemee daggooch beeti xuꞌoonaa oogeti dulloonon beegote” getote!

Amootsi 4:1

Bashaani beeti, shiimetaa yecheti miiminaꞌo aangoommon aangiti Shamaari genneenaꞌote, ebin waayebote! Ittoshi, hakka guutoon xuqqiyote; girechonoo giishiihote. Ittoshi keneenaꞌon “Uyoon nooch ittoshi deebaa uyone” iyote.

Amootsi 5:11

Girechinaꞌon neexxii hajjiyote; boonoshi maayoon giidoona boggiyote. Ebich, xaqqoon xarii kexinaꞌon ittoshi haggitaa, arooch beetaachemmo ittoshine; woyinoon gaawe xaaꞌooch bechito ittoshine; tunebaani aroochee woyinee uyoon uyaachemmo ittoshine.

Mikiyaasi 2:1

Gondoon shuunoyich kichii kindiibee, tokketaalli aafoona qeyii beetinaꞌoyich woowo! Hakkoo boonoshich bi beetoyich, ebi aroon showoo harimmona tuniiheete.

Mikiyaasi 7:2

Yeer asho showee toommooch aalletone; ashi daggoochoo kaamoo tuneti asho aalloone. Asho bulli ashi damoon ukkoyich ottii quyee beetone; bi manoon dabboona dabbe yecha ii beetone.

Zakaariyaasi 14:21

Yihudee showoonaa Yerusaaleminooch beeti gubeenaꞌo bulli, Beshe Mawe Doono Yeerich yaafeetinaꞌo tunemminaꞌone. Deejjoon giddiyoyich waa beetinaꞌo bulli shexxeenaꞌon daamiree deejjee maayoon kachiyemminaꞌone. Ebiyooba Beshe Mawe Doono Yeerichi yaafee kexooch giixeebeeti asho koniyoona daneyaachemmone.

Zakaariyaasi 5:8

Maraakoo taach “Ebi ure gondeechi shaahiyeene” iye. Aroochee mokkee maacooch ureen xuqqii giijjiye. Xuuree guufoonoo mokkee toommooch wochii guuppiye.

Zakaariyaasi 7:9

“Beshe Mawe Doono Yeeri ta, ta asheenaꞌoyich ishichiyoye: ‘Ibere nalloon nallibote; ittoshinaa ittoshina ariqqeebote; shoodeeshoo getote.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Yowannisi 2:16

Uggoon kemmii beetinaꞌon “Ittoshi uggoon hiniichee kichibote! Ta Nihoo kexon giixee kexon tuniyaahote!” iye.

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.

1 Saameeli 12:3

And ittoshi aafooch neexeto taane. Illa Doono Yeerinaa bi huuttitonochi aafoochaa ta toommooch miixebote; koni gattooniye ta deqqeto? Koni kurooniye ta deqqeto? Koniniye ta dawushito? Wotta koniniye ta xuqqeto? Beeggaabee beegaanoon shaahaꞌa koni waaneeniye xuccoon ta maato? Ebiichee ikkoonolla tuniito ta tunegaata, ittoshich wochemmo taane” iye.