Hosee'i 11:10 - Kafa Linguistics Project

¹⁰ “Doono Yeeri taan dabbemminaꞌone. Tawoo daaheroochoommon gigemmo taane. Ta gigemmona ta bushiisheenaꞌo aabi-gimo waanee qewebee woyemminaꞌone.

Hosee'i 11:10 ပူးပေါင်းရင်းမြစ်များ

Iyoobi 37:1

“Ebi amichi yuppuppoyich ta mullo qewehe; bi kote xaaꞌoochee capphiye.

Shoddo 119:120

Ta ashittino neen shatona qewehe; ne dayinnetoon beeggaꞌa shattehoye.

Shoddo 2:11

Doono Yeerin shatona maddebote; qewebeeshoo biich hajjeebote.

Isiyaasi 11:11

Arooba Doono wochinnoon bi kishoon yaggiree, curo tunee echeti bi asheenaꞌon Asooree showoochee, Gibitsee showoochee, Phaxiroosee showoochee, Topphiyee showoochee, Elaamee showoochee, Baabloonee showoochee, Hamaatee showoochee, baharee gashoonaa buure showoonoochee kicemmone.

Isiyaasi 2:5

Yaaqobichi yareenaꞌote, ittoshi waataa, Doono Yeerichi bekkoona shaꞌebone.

Isiyaasi 31:4

Doono Yeeri taach ishichiye; “Daaheroo woyee more daaheroo gijjoon yechiichii gigee bi beetaa, meeti qiddeenaꞌo ceegeeꞌi bi waan boonoshi waataanolla, boonoshi cookoo biin shattii keqqichaache; ebiyoommon Beshe Mawe Doono Yeeri ta, Tsiyooni guudonaa bi geppoonoochaa koyeya kindemmo taane.

Isiyaasi 42:13

Doono Yeeri ginee anaamochoommon kechemmone; ginee anaamochoommon kaaroona shiixxii tiyitone; cookemmone; bi qaaroon oogichi bunnemmone; bi etteenaꞌo toommooch sharemmone.

Isiyaasi 49:10

Shaacoonaa shachewoona boonoshin yeshaachemmone; gaame yongo woyee aabee michoo boonoshin yexaachemmone; boonoshich ariqqeebeeto boonoshin yaabemmone; aachi xuupho waan boonoshin daammemmone.

Isiyaasi 64:2

Qaaqqoo mixon bi maataa gecho aacon bi gufiyoommon, aageteenaꞌo ne aafoochaa boonoshi qewemmoyich, kindiree ne shigo ne etteenaꞌoyich bi arichemmoyich tuniibe.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Isiyaasi 66:5

Doono Yeerichi qaaroon shattii beetinaꞌote, bi qaaroon waayebote: “Ittoshin shixxiibeeti, ta shigoyich ittoshin yookkiibeeti ittoshi maneenaꞌo ‘Ittoshi emiroon no beeggemmoyich, eke Doono Yeeri bi oogoon bekkiibe’ itinaꞌone; tunebaani yeellemminaꞌo boonoshi qelloona boonoshine.

Erimiyaasi 2:2

“Hamiree Yerusaalemi asheenaꞌochi waamooch awaajjibe; Doono Yeeri ishichiye gete: ‘Bushaa ne beehooba gibeneeti ne tunoon, woꞌee shunoommi ne shunoon, barahoochaa, amoonolla shakkiyaani showoochaa, taan ne dabboon shalligiyoye.

Erimiyaasi 25:30

“Ebich ne hini qaaro bullin boonoshi toommooch keembe; boonoshich ishichibe: ‘Doono Yeeri dambaa cookii beetone; yaafe bi beeyi xaaꞌoochaa bi qaaroon waayii beetone; bi bageenaꞌo toommooch oogichii cookii beetone; woyinoon hiiccii beetinaꞌochoommon, showooch beetinaꞌo bulli toommooch cookii beetone.

Erimiyaasi 31:9

Eefona woyemminaꞌone; boonoshin goggiyoona yaabemmo taane; aachi gashoona, boonoshi tephaachemmi kaame gommona, boonoshi hammemmoyich tuniyemmo taane; ebiyoo Israꞌeelich nihoo ta tunetoyich, Efreemiyoo taach gutenee bushoo bi tunetonoyichiye.

Erimiyaasi 33:9

Yerusaalemi, biich ta tuniyemmi gaawe mooyo bullin waayemmi, showee toommeexi aageteenaꞌo bulli aafooch, taach oogee yiiroon, galletoonaa oogoonon tunemmine; ebi are aageteenaꞌo biich ta qanniiti gaawe mooyo bullinaa diggoo bullinochi naboona shattemminaꞌone, qeweshoo gettemminaꞌone” iye.

Erimiyaasi 50:4

Doono Yeeri ishichiye: “Ebiyoobee yemeenoonaa ebiyoobee aaboonooch Israꞌeelee asheenaꞌonaa Yihudee asheenaꞌona tookki woyemminaꞌone; eefibee woyemminaꞌone; boonoshi Nuggishoo Doono Yeer waan wottemminaꞌone.

Erimiyaasi 7:6

dallaawoon, nihaalloonaa xuumeenon xuꞌo ittoshi qayigaata, hini xaaꞌoochaa xalle damoon ukkoo ittoshi qayigaata, ittoshich aalloon deebemmi bare nuggishoon dabboo ittoshi qayigaata,

Erimiyaasi 7:9

Gaajjiyote; wuxiyote; shaddiyote; kootoon wogehote; Baꞌaaloyich ixaanoon shookkiyote; ittoshi ariyaani bare nuggisheenaꞌon dabbiyote;

Hiziqeeli 26:16

Baharee gasheexi taateenaꞌo boonoshi taatee qeenoochee kindemminaꞌone; toommeexi boonoshi tahoonoo shoottemminaꞌone; shashechi boonoshi tahoon kichemminaꞌone; boonoshi qellich keqqoon taheree showooch kotemminaꞌone; kuxaanoon qewebee ne toommooch shaggitona geewemminaꞌone.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Yoꞌeeli 3:16

Doono Yeeri Tsiyoonaa ciddiye; bi qaaroon oogichiꞌi cookiye. Yerusaalemaanoo gigehe. Shimaayoo, showoo shuuriye. Tunebaani Doono Yeeri bi asheenaꞌoyich shoobi xaaꞌoo tunemmone; Israꞌeeleenaꞌoyichoo mishigo tunemmone.

Amootsi 1:2

Amootsiyoo ishichiye: “Doono Yeeri Tsiyooni guudi toommoochaa daaheroochoommon ciddii beetone; Yerusaalemaa gigeebee bi qaaroon waayii beetone. Gijjoo quyeebeeti gaddeexi mocoo shoollitone; Qermeloosi guudi toommeexi mocoo shuuqqitone” iye.

Amootsi 3:4

Daaheroo bi yechemmi mooyo aalloon baad cikki kubbi daggoochaa gigehe? More daaheroo bi maayemmi mooyon yeshaanoon bi beeyi xaaꞌoochaa baad cikki cookehe?

Amootsi 3:8

Daaheroo ciddiye; keqqaachemmo konine? Nuggishoo Doono Yeeri yibbaatehe; keemo keemaachemmo konine?

Mikiyaasi 4:5

Aageteenaꞌo bulli boonoshi ikkikkoona boonoshi nuggisheenaꞌoyich goyinne maddemminaꞌone; tunebaani no, no Nuggishoo Doono Yeerich bulli yemeenoon goyinne maddemmo noone.

Imbaaqoomi 3:16

Tawoo ebi bullin waayaꞌa qewehoye; shatona ta noonoo tippehe. Ta shaawusho shekirehe; ta tingoo qewehe. No etteenaꞌon Doono Yeeri naxemmi aaboon, cikki quye beeyemmo taane.

Zakaariyaasi 10:10

Gibitsee boonoshin wochi deebemmo taane; Asooree showoocheenoo boonoshin kicemmo taane. Gilaadee showoonaa Libanoosee showoonooch boonoshin deebemmo taane; showoo boonoshich bedaachemmone.

Zakaariyaasi 10:12

Doono Yeeri ta, boonoshin kupphiyemmo taane; ta shigoonoo giyi kechemminaꞌone” iye Doono Yeeri.

Zakaariyaasi 8:7

Beshe Mawe Doono Yeeri ishichiye: “Ta asheenaꞌon aabi-keyo waani showoonaa aabi-gimo waani showoonoochee biishemmo taane.

Yowannisi 8:12

Wotta Yesuusi asheenaꞌoyich “Ta alemee bekko taane; taan dabbimmoyich kashoon immemmi bekko bekkehalli, cir manderoona shaꞌeyaachemmone” iꞌi gettiye.

Mishiraachechinaꞌo 24:25

Biyoo cadiqeechonaa qellee ariyeechonon, wotta woyemmi nallaa galleechon bi getaa Filikisi waayeꞌi shattiye. Ishichiinoo iye: “And hambe; taach gaawehooba, neen ceekkiyemmo taane” iꞌi gettiye.

Roomi 8:1

Illa Kiristoos Yesuusina beetinaꞌo toommooch and Yeerichi naxo kindaache.

Yaaꞌoo 10:3

Daaheroochoommon oogeti qaaroona ciddiye; bi ciddimmona, shabaatte xeeyo xeejjiye.