Hosee'i 10:8 - Kafa Linguistics Project

⁸ Israꞌeelich axaaxoo tuneti Aweeni geppee toommeexi goyinnee xaaꞌeenaꞌo happeyemminaꞌone. Angixonaa guccinona keyiree boonoshi deejjee gudeenaꞌon bullemmone. Ebiyooba guudinaꞌon “Noon qeribote,” geppeenaꞌonoo “No toommooch dihibote” gettemminaꞌone.

Hosee'i 10:8 ပူးပေါင်းရင်းမြစ်များ

Halloo 3:8

Showoo xumemmona, Nuggishoo Doono Yeeri becheeti michi daggooch shaꞌeebeeti, bi shaꞌee qaaroon waayeheete. Ebich Addaaminaa bi mecheena Nuggishoo Doono Yeeri aafoochee becheeti michi daggooch aasheheete.

1 Taateenaꞌo 13:2

Ebi uro Doono Yeeri biich gettitoommon deejjee gudee toommooch bunneꞌi ishichiye: “Hini deejjee gudoocho, hini deejjee gudoocho, Doono Yeeri ishichiye: ‘Yosiyaasi getteebeeti bushoo Daawiti yaroochee shiijjemmone. Biyoo ne toommooch deejjoon deejjiibeeti, guudi toommeexi goyinnee xaaꞌee qeesheenaꞌon ne toommoochaa deejjemmone; asheenaꞌochi shaawushoonoo ne toommoochaa michemmone’ itone” iye.

1 Taateenaꞌo 13:34

Ebi axaaxoo Yeroboꞌami kexo happeyemmonaa showee toommoochee bi aallemmonoyich naboo tunehe.

1 Taateenaꞌo 14:16

Yeroboꞌami shuuneti axaaxoonaa Israꞌeeleenaꞌon bi shuuniiti axaaxoonoyich, Israꞌeeleenaꞌon qajjemmone” iye.

2 Taateenaꞌo 23:15

Ebiyee wotta Israꞌeeleenaꞌon axaaxoo shuuniiti, Nebaaxi bushoo Yeroboꞌami Beeteel shuuniiti, guudi toommeexi goyinnee xaaꞌoon Yosiyaasi happiye; deejjee gudoonoo waaxxiꞌi bi shuuneeti xaqqoon tiichiye; buttee qaddochii qacichiye; Asheeri misileenaꞌonoo qaaqqoona michiye.

2 Kiinoo 31:1

Ebi bulli tunetoyee gubb, arooch beeti Israꞌeeleenaꞌo Yihudee showooch beeti katemeenaꞌooch hammiꞌi, bullinolla boonoshi aalliimmi wottoon goyinnee xaqqee giimbeenaꞌon tiichiyeete; Asheeri misiloon kuxxiyeete. Yihudichi, Biiniyaamichi, Efreeminaa Minaasinochi showooch beeti guudi toommeexi goyinnee xaaꞌeenaꞌonaa deejjee gudeenaꞌonon happiyeete. Ebiyee gubb, Israꞌeeleenaꞌo boonoshi katemeenaꞌooch, boonoshi kexi kexooch wotteheete.

Isiyaasi 2:19

Doono Yeeri showoon shuurikkiya bi tiyiyooba, bi shattiyoonaa bi oogee yiiroonoochee tiyitona asheenaꞌo xaqqee gogginonaa showee oppoonooch giyemminaꞌone.

Isiyaasi 2:21

Doono Yeeri showoon shuurikkiya bi tiyiyooba, bi shattiyoonaa bi oogee yiiroonoochee tiyitona asheenaꞌo xaqqee gofoonaa gogginonooch giyemminaꞌone.

Isiyaasi 32:13

Angixonaa guccinona ta asheenaꞌo showooch colletone; asheenaꞌo emiroona beebee echeti kexinaꞌonaa emiroona beebee echeti ebi katemoonoyich eefote.

Isiyaasi 34:13

Boonoshi taatee kexooch angixo, boonoshi mishigoochoo shimbirikkoonaa guccinona collemmone. Boqqelloonaa shaakkeenoyich beemi xaaꞌoo tunemmone;

Hosee'i 10:2

Dawushechi mullechinaꞌone. Ebich boonoshi xuꞌee gatiyoon deqqemminaꞌone. Doono Yeeri boonoshi deejjee gudeenaꞌon tiichemmone. Boonoshi goyinnee xaqqee giimbeenaꞌon aalliyemmone.

Hosee'i 10:5

Shamaari katemee asheenaꞌo Beet Aween beeti maanji shahalloon shati qewemminaꞌone. Bi oogo shoottetoyich asheenaꞌo ebi maanji shahalloyich eeppemminaꞌone. Shahalloochi qeesheenaꞌo shooshemminaꞌone.

Hosee'i 10:9

Doono Yeeri ishichiye: “Israꞌeeleenaꞌo Gibaahaa axaaxoon boonoshi shuunetoochee tiijjiꞌi, axaaxoon shuunoona taan ayinikkoochee wotteyaaneenaꞌone. Ebich Gibaahaa gino boonoshi toommooch tiyemmone.

Hosee'i 2:6

“Ebich bi gommon angixona kaccemmo taane; kechaa kelloon mucciiree xaqqoona uxeremmo taane.

Hosee'i 4:13

Guudinaꞌo toommoochaa deejjiyeete; geppeenaꞌo toommoochaa, boonoshi yiiroo gaaweto bi tunetoyich, wodde waajjechi ogooge mixinaꞌochi baatoochaanoo deejjii cufiiheete. Ebich boonoshi maache bushiisheenaꞌo yahechinaꞌo, boonoshi naamecheenaꞌo shunimaayeenaꞌo tunemminaꞌone.

Hosee'i 4:15

“Israꞌeeleenaꞌote, ittoshi shaddi gaatoona Yihudee asheenaꞌo ebiyoommi mooyon tuniyoona boonoshi xuqqemmoyich tuniyaahote; Galigala hammaahote; Beet Aweenoo kechaahote; ‘Beeyechi Doono Yeeri beege’ getishoo wogeyaahote.

Hosee'i 5:8

“Gibaahaa tiroon (waaringoon), Raamaa shametoon hugote! Beet Aweenaa, ‘Biiniyaamo, ne hillooch shaggitinaꞌone’ getibee bunnebote!

Hosee'i 8:5

Shamaaree asheenaꞌochi maanji shahalloon tiyaareto taane. Ta kaaro boonoshi toommooch qaaqqoo aaxxoommon aaxxemmone. Xalleyaanoon boonoshi beeyemmo aati wottooniye?

Hosee'i 9:6

Aalloochee muricca boonoshi woci beetaa Gibitseenaꞌo boonoshin kicemminaꞌone. Memifisi katemoo boonoshin duukkemmone. Boonoshi birewee aaxxe qiicoon kubbo bullemmone. Boonoshi duukkaanoochoo angixo collemmone.

Amootsi 1:5

Damaasiqi katemee uxeree kellee tuggoon tiichemmo taane; Aweeni bamboochee taatoon, Beet Edenee taatee gumbo yechiton aalliyemmo taane. Sooriyeenaꞌo Qiiree showooch kecaa hammemminaꞌone” iye Doono Yeeri.

Amootsi 3:14

“Israꞌeeleenaꞌon boonoshi axaaxoyich ta naxehooba, Beeteeli beeti deejjee gudoon happi aalliyemmo taane; deejjee gudee qareenaꞌo tiisheree showooch hollemminaꞌone.

Amootsi 7:9

Guudi toommooch beeti Yisaaqi shiijjereenaꞌochi goyinnee xaaꞌeenaꞌo aallemminaꞌone. Israꞌeelee showeexi yaafe xaaꞌeenaꞌo happee aallemminaꞌone. Yeroboꞌami shiijjereenaꞌo toommooch tiyiree goraadoona boonoshin aalliyemmo taane” iye.

Amootsi 8:14

Shamaaree showee nuggishee Ashiimi shigoona wogee beetinaꞌo, ‘Beeyechi Daani nuggishoona’ iꞌi wogee beetinaꞌonaa ‘Beeyechi Beershaabi nuggishoona’ iꞌi wogee beetinaꞌona dihemminaꞌone; boonoshi dihitoochee wochinnoon tiyaachemminaꞌone” itone.

Mikiyaasi 1:13

Lakishi katemee asheenaꞌote, ittoshi gaarinaꞌochi haresheenaꞌon xandibote! Israꞌeeleenaꞌo shuunetoommi gondoon shuuneto ittoshine; Yerusaalemi asheenaꞌo shuunemmoyichoo tuniito ittoshine.

Mikiyaasi 1:5

Ebi bullichi naboo, Israꞌeeleenaꞌo shuuneti axaaxoonaa hukkoonane. Israꞌeeleenaꞌo shuuneti hukkoyich echeyemmo konine? Shamaari katemoo toone? Yihudee asheenaꞌo shahalloyich goyinnoona axaaxoon boonoshi shuunemmoyich tuniito konine? Yerusaalem toone?

Naahoomi 3:11

Ittoshiyoo ebiyoommon, masheree shaaweyemmo ittoshine; ittoshi etteenaꞌo waanee aashe ittoshi wodemmi xaaꞌoon qaawemmo ittoshine.

Luqaasi 23:30

Arooba asheenaꞌo, ‘Guudinaꞌote, no toommooch dihibote! Hini geppeenaꞌote, noon qeribote’ gettemminaꞌone.

Yibbaatoo 9:21

Ebi aroon shuunoona Doono Yeeri toommooch axaaxoon ittoshi shuuneti, maanji misiloon daammaꞌa qaaqqoona michiyo. Aroonoo tiichaꞌa, buddino bi tunemmi wottoon, yiikkaa qacichiyoye. Ebi buddino tuneton daammaa guudoochee kindiibeeti woce aacooch shacceho.

Yaaꞌoo 6:16

Geppeenaꞌonaa xaqqee guudinaꞌonon “No toommooch dihibote! Taatee qeenooch koteto aafoochee, Bagoochi kaaree shiixxoocheenoo noon aachibote!

Yaaꞌoo 9:6

Aroobee yemeenooba asheenaꞌo qitoon qaawemminaꞌone; tunebaani daneyaacheete; qitiya qaatemminaꞌone; tunetaa qitoo boonoshiyee wokkemmone.