Hosee'i 10:2 - Kafa Linguistics Project

² Dawushechi mullechinaꞌone. Ebich boonoshi xuꞌee gatiyoon deqqemminaꞌone. Doono Yeeri boonoshi deejjee gudeenaꞌon tiichemmone. Boonoshi goyinnee xaqqee giimbeenaꞌon aalliyemmone.

Hosee'i 10:2 ပူးပေါင်းရင်းမြစ်များ

1 Taateenaꞌo 18:21

Eliyaasi asheenaꞌo aafooch waaꞌi, “Mulloon guttiyoona shaami ittoshi beeyemmo, aati wottooniye? Nuggishoo, Doono Yeeri gaata, Doono Yeerich goyinne maddebote. Baꞌaalo gaata, Baꞌaaloyich goyinne maddebote” iye. Tunebaani asheenaꞌo ikke qaaroonona biich wochaaneenaꞌone.

Keyo 23:24

Boonoshi nuggisheenaꞌoyich goyinne maddeyaahine. Boonoshi tuniibeeti doyoon dabbiyaahine. Boonoshi nuggisheenaꞌochi misiloon happi aalliibe. Boonoshi goyinneebeeti xaqqee giimboon tiishi burice.

Shaahiyoo 11:18

Gonde asho daneebeeti mooyo gaacaalloone; tunebaani deꞌe mooyon tuniibeeto, gaawe gatiyoon danehe.

Isiyaasi 44:18

Ebiyoommi asheenaꞌo shalligaalli mullaalleenaꞌone; boonoshi aafo kaappetone; ebich beegon hakkaacheete; boonoshi mulloo kaappetone; ebich gaboon hakkaacheete.

Erimiyaasi 43:13

Gibits beeti Heliyopolisi katemeexi xaqqee giimbeenaꞌon tiichemmone; Gibitsee nuggisheenaꞌo kexinaꞌooch qaaqqoon tuchemmone’ itone gete” iye.

Hiziqeeli 14:5

Ebiyoo shahallee naboona boonoshi mulloon ta waanee bariiti, Israꞌeelee maccoo bullichi mulloon ta waan wochoyichiye.

Hosee'i 12:11

Gilaadee showooch axaaxoo beetone. Ebi aroochaa boonoshiyoo duubemminaꞌone. Galigalaa gubbeneenaꞌon deejjoon giddiitinaꞌone. Boonoshi deejjee gudeenaꞌo goyee budooch beeti xaqqee gutoon tunemminaꞌone” iye.

Hosee'i 13:16

Shamaaree asheenaꞌo boonoshi xuqqiti xuꞌoyich echeyemminaꞌone. Boonoshi Nuggishoo toommooch boonoshi tiyitoyich goraadoona dihemminaꞌone. Boonoshi nallefeenaꞌo ceqqetaa qitemminaꞌone. Boonoshi maacheenaꞌochi yeqqefoo goheyemmone” iye.

Hosee'i 3:4

Ebiyoo Israꞌeeleenaꞌo taataalloon, ukkiraalloon, deejjaalloon, goyinnee xaqqee giimbaalloon, efoodaalloon, shahalleenaꞌochi terafimaalloon, wodde aaboon kotemminaꞌo boonoshi tunetoyichiye.

Hosee'i 7:8

Doono Yeeri ishichiye: “Efreemi aageteenaꞌona tookkii bacceetone. Gaꞌo wocheyaani koshonoo tunetone.

Leweenaꞌo 26:30

Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.

Mikiyaasi 5:13

Qiicaa shuuneeti ittoshi shahalleenaꞌon, ittoshi goyinnee xaqqee giimboonoo aalliyemmo taane; ebiyee gubb, ittoshi kishoona ittoshi shuuneti mooyoyich goyinneyaachemmo ittoshine.

Sofoniyaasi 1:5

Kechi toommooch kechiichii aabeyich, ageneenaa xojjenoonoyich goyinnee beetinaꞌon aalliyemmo taane. Doono Yeeri taach goyinnee ta shigoona wogeechii, hammii Milikoomi getteebeeti nuggishoochi shigoona wogee beetinaꞌonoo aalliyemmo taane.

Zakaariyaasi 13:2

Beshe Mawe Doono Yeeri ishichiye: “Ebiyooba shahalleenaꞌochi shigoon showee toommoochee aalliyemmo taane. Aroyee gubb, ciroona shalligeyaachemminaꞌone. Koote keemechinaꞌonaa gonde ayaaneenaꞌonon showoochee aalliyemmo taane.

Maatiyoosi 6:24

“Wotta gutte doonoyich hajjeyoon hakkemmo koniyoona aalloone. Ikkoon bi shunigaata, baroon shixxemmone; woyee ikkoon bi oogiigaata baroon hoxemmone. Ebich gijjoyich hajjeebeeti asho Yeerich hajjeyoon, wotta Yeerich hajjeebeeti asho gijjoyich hajjeyoon hakkaache.

Luqaasi 16:13

“Wotta gutte doonoyich hajjeyoon hakkemmi aafee bushoo aalloone. Ikkoon bi shunigaata, baroon shixxemmone; woyee ikkoon bi oogiigaata baroon hoxemmone. Ebich gijjoyich hajjeebeeti asho Yeerich hajjeyoon, wotta Yeerich hajjeebeeti asho gijjoyich hajjeyoon hakkaache” iye.

Yaaqobi 4:4

Yeerich gibeneyaaneenaꞌote! Hini alemoon shuno Yeerin shixo bi tunoon ariyaachote? Illa alemoon shuno Yeerina shixecho tunoone.

1 Yowannisi 2:15

Illa alemoonaa alemooch beeto bullinon hiriggiyaahote. Alemooch beeti mooyo bulli, aroo ashi meeno qaatiibeeti mooyo, bi aafoona ciinniꞌi bi dakiibeeti mooyonaa geecoona bi yebeneebeeti mooyonane; eboshi bulli alemeexinaꞌoani Nihoo Yeer waanee waa beetinaꞌo tooneenaꞌone. Ebich koniyoona alemooch beeton bi shunigaata, Nihoo Yeerin shunaanoone.

1 Saameeli 5:4

Bi dechara maaddoona tiyiꞌi ciinniꞌi, Daagooni andoo Doono Yeerichi taabootee aafooch, showooch guufeꞌi beeton beeggiyeete. Bi qelloonaa bi gutte kishoona kuxeꞌi kellee gaakkooch holliichaa, echeto bi duboo baachiye.