Hosee'i 10:12 - Kafa Linguistics Project

¹² Ittoshi qellich cadiqoon shoohote; shoodeyee aafoon qecote; gocheyaani showoon goyote. Ebiyoo ta waaꞌa cadiqoon ittoshi toommooch amiyochoommon ta dichimmi wottoon Doono Yeeri ta waan ittoshi wottemmi aabo bi tunetoyichiye.

Hosee'i 10:12 ပူးပေါင်းရင်းမြစ်များ

Shoddo 105:4

Doono Yeerin, bi kupphiyoonoo qaawibote; bulli aaboon biin qaawibote.

Shoddo 72:6

Taatoo, mocoo gacceeti gaddooch dihiibeeti amiyoommon, showoon shuxiibeeti amichi kuchoommon, tunebe.

Shaahiyoo 11:18

Gonde asho daneebeeti mooyo gaacaalloone; tunebaani deꞌe mooyon tuniibeeto, gaawe gatiyoon danehe.

Shaahiyoo 18:21

Qitoonaa wodoona heciyee kishoochiye; yibbaatoon shunniibeeto, bi yibbaatee aafoon maayemmone.

Dojjecho 11:6

Maaddoona ne yaroon shoohe; womikkoo shoohaanoon kasheyaahine. Ebiyoo guttiyona gaawichi collemmo bi tunoon, woyee gutteexi ikkoo beshoon gaawemmo bi tunoon, ariyaano ne tunetoyichiye.

Isiyaasi 30:23

Showooch ittoshi shookkiti yaroyich amiyon dichemmone; showoochee daneebeeti aafo gaawetonaa beshaa beshoona tunemmone; ebiyooba ittoshi gijjeenaꞌo gamini gaddooch maayemminaꞌone.

Isiyaasi 31:1

Israꞌeelee Yaafoo waan ciinon, Doono Yeerin echoon qajjiichii, haresheenaꞌon gibenee beetinaꞌoyich, boonoshi gaarinaꞌo meetinaꞌo, boonoshi hareshechinaꞌoo giidechinaꞌo tunoon gibeneꞌi, gaachoon danoyich Gibits kindii beetinaꞌoyich woowo!

Isiyaasi 32:20

aachi gashooch yaroon shookkiibeeti ittoshi, gatteenaꞌonaa kureenaꞌonon mocechi gaddooch gashee maanjiibeeti ittoshi, diireeto ittoshine.

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Isiyaasi 45:8

“Shimaayeenaꞌote, cadiqoon dambee kindiibote; gumeenaꞌo amiyochoommon dichibeete; showoo qecheebe; wodoonaa cadiqoona collebe; Doono Yeeri ta ebin hallito taane.

Isiyaasi 48:18

Ta geteenaꞌon ne waayeto gaata, ne diggoo tahaani aacoommon, ne cadiqittinoo baharee aachi aayoommon tuneshone.

Isiyaasi 5:6

Shokkoon echiyemmo taane; qepheyaachemmone; showoo ucheyaachemmone; guccinonaa angixona collemmone; amiyo dihaachemmoyich qubeenaꞌoyich gettemmo taane.

Isiyaasi 54:14

Cadiqittinoona hecceyemmi neene; neexxii hajjoo ne waanee wokkemmone; ebich shataachemmi neene; keqqoo ne waan katinaachemmone.

Isiyaasi 55:6

Bi danee beehooba Doono Yeerin qaawibote; bi katinnii beehooboo biin ceegote.

Erimiyaasi 50:4

Doono Yeeri ishichiye: “Ebiyoobee yemeenoonaa ebiyoobee aaboonooch Israꞌeelee asheenaꞌonaa Yihudee asheenaꞌona tookki woyemminaꞌone; eefibee woyemminaꞌone; boonoshi Nuggishoo Doono Yeer waan wottemminaꞌone.

Hiziqeeli 34:26

Boonoshinaa ta geppee guudooch beeti xaaꞌeenaꞌonon diiremmo taane; amiyon bi goori gooroona dichemmo taane; ebiyoo diiree amiyon boonoshich tunemmone.

Hosee'i 12:6

Ebich ne Nuggishoo Yeer waan wottebe; shunechonaa dayinnetechonon tunebe! Bulli aaboon ne Nuggishoon gibenebe!

Hosee'i 14:1

Israꞌeeleenaꞌote, ittoshi axaaxee naboona ittoshi dihitoyich ittoshi Nuggishoo Doono Yeer waan wottebote!

Hosee'i 6:3

Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.

Hosee'i 8:7

Boonoshiyoo yongoon shoohiree yuboon qeccemminaꞌone. Shaggiti maayooch yuulloo aalletoyich manjeyemmi maayo aroochee daneyaachemmone. Bi danetaanona maayemminaꞌo dallaaweenaꞌone.

Amootsi 5:15

Gonde mooyon shixote; deꞌe mooyon shunote; nallee gabberoochaa dayinneto dabaachemmoyich tuniibote; diqqich Beshe Mawe Nuggishoo Doono Yeeri curo tuneꞌi echeti Israꞌeelee asheenaꞌoyich ariqqo qayaachemmone.

Amootsi 5:4

Doono Yeeri Israꞌeeleenaꞌoyich ishichiye: “Ta waan wottebote; kashoona beeyemmo ittoshine.

Amootsi 5:6

Doono Yeer waan wottebote; kashoona beeyemmo ittoshine; ebi tuno qayigaata, Doono Yeeri qaaqqoo aaxxoommon aaxxeree Israꞌeeleenaꞌo toommooch kindemmone; Beeteeli asheenaꞌonoo michi aalliyemmone; ebi qaaqqoon koniyoona takkaachemmone.

Amootsi 5:8

Fileyadeesinaa Oriyoonina getteebeeti xojjeneenaꞌon hallito, dunne manderoon hariibeeto, hariton xumiibeeto, baharee aacon wochiꞌi, showee toommona bi taheyemmoyich tuniibeeto, giidechinaꞌo toommooch aalloon deebiꞌi, boonoshi mishigoon happii aalliibeeto, bi shigo Doono Yeerine.

Luqaasi 13:24

“Xebbe kelloona gimoyich qiiccebote. Ittoshich gettoye: Meetinaꞌo gimoyich qaawemminaꞌone; tunebaani hakkaacheete.

Mishiraachechinaꞌo 2:18

Aroobee yemeenooch ta guuninaꞌonaa gonneenaꞌonochi toommooch ta Ayaanoon woniyemmo taane; keemoonoo keemmemminaꞌone.

2 Qorontoosi 9:10

Shookkii beetoyich yaroon, mamoyich maayoon immiibeeti Yeeri ittoshi shookkemmi yaroon woddiiree ittoshich immemmone, abbetiyemmone, ittoshi cadiqee aafoon ittoshich woddiyemmone.

Yaaqobi 3:18

Ashoonaa ashoonon shunii beetinaꞌo diggoon halliya shookketi yaroochee boonoshi maciibeeto cadiqee aafooniye.