Hosee'i 10:11 - Kafa Linguistics Project

¹¹ “Efreemi, maayoon busho shunnaabeeti, doyiti gidereyoommone. Tunebaani ta, qaane bi qettooch waanjoon xandemmo taane. Efreemin xandemmo taane. Yihudi gochemmone; Yaaqobiyoo showoon niriyemmone.

Hosee'i 10:11 ပူးပေါင်းရင်းမြစ်များ

Isiyaasi 28:24

Gochecho maayoon shoohoyich wochii wochii gochii beetone? Dugoon buricoyich bi budon wochii wochii qofii beetone?

Erimiyaasi 28:14

Baabloonee taatoo Nabukadinatsorich boonoshi hajjeyemmoyich ebi aageteenaꞌo bullichi qettooch xuuree waanjoon haxxemmo taane; boonoshiyoo biich hajjeyemminaꞌone; kubbi cooxinaꞌolla biich hajjeyemmoyich tuniyemmo taane; Israꞌeelee Nuggishoo Beshe Mawe Doono Yeeri ta ebin getteto taane itone’ gete” iye.

Erimiyaasi 46:20

“Gibitsi gaawe gidereene; tunebaani dambi-waanee gamoo bi toommooch woyemmone.

Erimiyaasi 50:11

Doono ishichii beetone: “Ta hajjoon boggii beetinaꞌote, ittoshi emiritoyich, emiroona ittoshi wucwuccitoyich, gaddooch beeti gidereen ittoshi shaahitoyich, ittoshi coonderetoyich, giidechi hareshoochoommon ittoshi gashigishitoyich,

Hosee'i 11:4

Asho ariqqoommon ariqqaꞌa woderoona, shunee woderoonoo boonoshin ta waan yaabiyoye; boonoshi waanjoon kettiihoye; yittaꞌaanoo boonoshich maanjiyoye.

Hosee'i 2:5

Boonoshin xifaa shiyeti boonoshi indee yeellaalli shunimaayeene. Areyoo ‘Koshonaa aaconon, bagee eexoochee shuuneeti tahoon, muttee tuppoochee shippeti tahoon, zayitoonaa uyoonon taach immiti ta shunechinaꞌon dabbi hammemmi taane’ iyane.

Hosee'i 3:1

Doono Yeeri taach ishichiye: “Israꞌeeleenaꞌo bare nuggisheenaꞌo waan boonoshi wottetaanona, woyinee aafee nuuphon giddiyoon boonoshi shunnitaanona Doono Yeeri ta, andoo boonoshin shunnaabeeto taane. Newoo ebiyoommon bare ashoon shunneti shunimaayee waan hamiree biin shune” iye.

Hosee'i 4:16

Israꞌeeleenaꞌo babbere gidereyoomminaꞌone. Ishigaata, Doono Yeeri boonoshin bagee baaddeenaꞌochoommon gamini gaddooch bi quyemmo aabichireeshiye?

Hosee'i 9:1

Israꞌeeleenaꞌote, ittoshi Nuggishoyich gibeneeto tuno ittoshi qajjitoyich, emiriyaahote; bare aageteenaꞌochoommon oogichi emiriyaahote! Maayi buchi xaaꞌoo bulliichaa yahechich qocheebeeti gatiyoon shunnito ittoshine.

Mikiyaasi 4:13

Doono Yeeri ishichiye: “Yerusaalemi asheenaꞌote, tiyiree ittoshi etteenaꞌon maayo bushoommon bushote! Bi qaro xuuroo, bi shanekkoo gooshoo tuneti gattoochoommon ittoshin kupphiyemmo taane; meeti aageteenaꞌon yiikkemmo ittoshine; ashoon xuꞌona boonoshi kiciti boonoshi gaannoon showoo bullichi Doono tuneti Doono Yeeri taach giddiyemmo ittoshine” iye.

Roomi 16:18

Ebiyoommi asheenaꞌo boonoshi maacoyich baachalli no Doono Yesuus Kiristoosich hajjeyaaneenaꞌone; gaaweto shaahii beetonaa maanjee yibbaatoona diqqe asheenaꞌochi mulloon dachii beetinaꞌone.

Yibbaatoo 25:4

“Maayoon buchiibeeti gattoochi noonoon cuchaahine.