Hosee'i 1:5 - Kafa Linguistics Project

⁵ Ebiyooba Yezireeli bamboochaa Israꞌeeleenaꞌochi maꞌoon tiichemmo taane” iye.

Hosee'i 1:5 ပူးပေါင်းရင်းမြစ်များ

2 Taateenaꞌo 15:29

Israꞌeelee taatoo Feqaahichi taatee yemeenooch Asooree taatoo Tigilaat Fileseeri waaꞌi, Iyooni, Abeel Beet Maꞌaki, Yanoohi, Qedeeshinaa Hatsoorina getteebeeti katemeenaꞌon, Gilaadee showoon, Galiilee showoonaa Nifitaalee showoo bullinon yechiye; asheenaꞌonoo kecciꞌi, Asooree showooch daammiye.

Shoddo 37:15

Tunebaani boonoshi goraado boonoshi mullooch kochemmone; boonoshi maꞌo tiishemmone.

Shoddo 46:9

Koyoon showee toommo bulliichee wokkiihe; maꞌoon tiichiye; ginoonoo tiichii aalliihe; gaachoonoo qaaqqoona michiye.

Erimiyaasi 51:56

Aalliyecho Baablooni toommooch bi waatoyich, bi ginee naayinaꞌo kecceheete; boonoshi maꞌoo tiishehe; ebiyoo Doono Yeeri nichoon kichiibeeti, tatoonoo qocciibeeti Nuggishoo bi tunetoyichiye.

Hiziqeeli 39:3

Ne yooche kishoochee maꞌoon yexxemmo taane; ne qanne kishoochee shangoon holliyemmo taane.

Hosee'i 2:18

“Arooba, boonoshicha geti kubbi cooxona tookki, shimaajji kafoonaa yuummere halleenaꞌona tookki wogoon giyemmo taane. Bulliyona diggoona boonoshi beeyemmoyich, koyee qiico bullin, maꞌoonaa goraadoonon showee toommoochee aalliyemmo taane.

Yaasi 17:16

Yooseefi yoodo wochiꞌi, “Geppechi showoo nooch bedaache; ebiyeenoo wotta Beet Sheꞌaani katemoonaa bi guudoona beeti gafeenaꞌonooch, wotta Yezireeli bamboochoo beeti Kanaaneenaꞌo bullich xuuroochee shuuneeti ogooge gaari beetone” iye.

Woraaferasheenaꞌo 6:33

Aroochee Miidiyameenaꞌo bulli, Amaleeqeenaꞌonaa aabi-keyo waani asheenaꞌona bulloshi ikkottee Yoordaanoosin kimmii waaꞌi, Yezireeli bambooch kaamboon geddii koteheete.