Hosee'i 1:4 - Kafa Linguistics Project

⁴ Aroochee Doono Yeeri Hoseeꞌich ishichiye: “Giisheche aaboyee gubb, Yezireeli katemoochaa Yehi ukkiti damee nichoon bi yareenaꞌo toommooch gaaccemmo taane; Israꞌeelee taatittinoonoo kuxxemmo taane. Ebich bushoochi shigoon Yezireeli geti shigiibe!

Hosee'i 1:4 ပူးပေါင်းရင်းမြစ်များ

2 Taateenaꞌo 10:1

Akaabich Shamaara shabe bushiisheenaꞌo beetinaꞌone. Ebich Yehi Yezireeli katemee ukkireenaꞌoyich, geeneenaꞌonaa Akaabi bushiisheenaꞌon dichechinaꞌonoyich Shamaara koorichoon kooriꞌi daachiihe. Bi daachiiti koorichoo ishichii beetone:

2 Taateenaꞌo 10:17

Shamaara shaggiꞌi, arooch beeti, Akaabichi xibeenaꞌoochee echeto bullin wuxiye. Doono Yeeri Eliyaasich gettiti qaaroommon ikkoonolla echiyaanoone.

2 Taateenaꞌo 15:29

Israꞌeelee taatoo Feqaahichi taatee yemeenooch Asooree taatoo Tigilaat Fileseeri waaꞌi, Iyooni, Abeel Beet Maꞌaki, Yanoohi, Qedeeshinaa Hatsoorina getteebeeti katemeenaꞌon, Gilaadee showoon, Galiilee showoonaa Nifitaalee showoo bullinon yechiye; asheenaꞌonoo kecciꞌi, Asooree showooch daammiye.

2 Taateenaꞌo 15:8

Yihudee taatoo Azariyaasi taateti shaashaa shimittinnee natooba, Yeroboꞌami bushoo Zakaariyaasi Shamaaraa Israꞌeeleenaꞌo toommooch taatehe; shiritte agenoon qeejjiye.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Isiyaasi 8:3

Tawoo keemechi waan shaggeho; biyoo xifaꞌa anaami bushoon shiyahan. Aroochee Doono Yeeri taach ishichiye: “Bi shigoon Maheer Shalal Hashibaaz getiree shigiibe.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 20:3

Bi decharooba, Fashuuri Erimiyaasin qoqqaanoochee kichiye; ebiyooba Erimiyaasi biich ishichiye: “Doono Yeeri ne shigoon Bulli Xaaꞌooch Keqqoo getishalli Fashuuri geti ceegaachemmone.

Erimiyaasi 23:2

Ebich Israꞌeelee Nuggishoo Doono Yeeri bi asheenaꞌon qiddeebeeti qiddeenaꞌoyich ishichiye: “Ta bageenaꞌon gaawichii quyoon qajjiichii shaccito ittoshine; yookkiinoo aalliito ittoshine; tawoo ebi ittoshi gondoyich ittoshin sheeremmo taane” iye Doono Yeeri.

Erimiyaasi 3:8

Ebi bi shunee mamo bullich biichi koorichoon immaꞌa, gibeneyaani Israꞌeelin ta biishon kootechi Yihudi beeggetine; ebi bi manee Yihudi shataaneene; areyoo hammaꞌa shunoo maahane.

Hiziqeeli 23:10

Boonoshiyoo bi tahoon shoottiꞌi hulloon echiiheete; bi anaami bushiishoonaa maache bushiishoonon keccii daammiyeete; biinoo goraadoona wuxiyeete. Bi toommoochoo nalloo kindiye; biyoo maacheenaꞌo daggooch tochoo tunaa echahan.

Hiziqeeli 23:31

Ne maneechi gommon dabbiti neene; ebich ne maneechi naxee xoofoon neech immemmo taane” iye.

Hosee'i 1:6

Gomeeri wochinnoon xifaꞌa maache busheen shiyahan. Doono Yeeriyoo Hoseeꞌich ishichiye: “Ebiyee bekk Israꞌeeleenaꞌon ariqqeyaachemmo, ciroonoo maaraachemmo ta tunetoyich bi shigoon Lo Ruhaami geti shigiibe!

Hosee'i 1:9

Aroochee Doono Yeeri “Ta asheenaꞌo tuno ittoshi qajjitoyich, tawoo ittoshi Nuggishoo tuno ta qajjetoyich, bushoon Lo Ami geti shigiibe!

Hosee'i 2:13

Taan battaachaa bi shashoon shashaꞌa bi shunechinaꞌon bi dabbitoyich, wotta Baꞌaaleenaꞌoyich ixaanoon bi shookketi baaree aabeenaꞌoyich, biin naxemmo taane” iye Doono Yeeri.

Hosee'i 9:17

Bi getaa waayeyaache boonoshi itoyich ta Nuggishoo boonoshin duppemmone. Aageteenaꞌo daggooch yallyallimii beetinaꞌon tunemminaꞌone.

Amootsi 9:8

“Nuggishoo Doono Yeeri ta, axaaxechi taatittinee showoon manjii ciinnaabeeto taane. Ebi aroon showee toommoochee aalliyemmo taane. Tunebaani Yaaqobichi shiijjeroon ciroona aalliyaachemmo taane. Doono Yeeri ta, ebin getteto taane.

Maatiyoosi 1:21

Anaami bushoon shiyemmine; aroo bi asheenaꞌon boonoshi axaaxoochee wodiyemmo bi tunetoyich, bi shigoon Yesuusi getiree shigiyemmo neene” iye.

Luqaasi 1:13

Tunebaani are maraakoo ishichiye: “Zakaariyaaso, shattaahine; Yeeri ne corootiti corootoon waayetone. Ne mechee Elsabeexi anaami bushoon neech shiyemmine; bi shigoonoo Yowannisi getiree shigiyemmo neene.

Luqaasi 1:31

Yeqqeferee anaami bushoon shiyemmi neene; bi shigoonoo Yesuusi getiree shigiyemmi neene.

Luqaasi 1:63

Bi kooremmi kooree qiicoon boonoshi immemmoyich echeꞌi “Bi shigo Yowannisine” ii kooriye. Ebich boonoshi bulli worganeheete.

Yowannisi 1:42

Aroochee Indiriyaasi Simoonin Yesuus waan deebiye. Yesuusiyoo beeggiꞌi, “Ne Yooni bushoo Simooni neene; and Keefi getaa ceekkemmo neene” iye. Keefi geto “Pheexiroosi” woyee “Xaqqo” getone.