Hosee'i 1:10 - Kafa Linguistics Project

¹⁰ “Israꞌeeleenaꞌo haddaa woyee qeelletaa ciyaani baharee gasheexi qacoochoommon meettemminaꞌone. ‘Ta asho toono ittoshine’ boonoshi getteeti ebi xaaꞌoochaa ‘Beeyechi Nuggishoo Yeerichi bushiisheenaꞌo’ getteyemminaꞌone.

Hosee'i 1:10 ပူးပေါင်းရင်းမြစ်များ

Halloo 13:16

Ne shiijjereenaꞌonoo showee toommeexi qacoochoommon meechemmo taane. Koniyoona showee toommeexi qacoon haddii ciichoon hakkaanoone. Ebiyoommon ne shiijjereenaꞌo haddaa ciyaaneenaꞌo tunemminaꞌone.

Halloo 22:17

iberoon neen diiremmo taane; ne shiijjereenaꞌonoo shimaajji xojjenoochoommon, baharee gasheexi qacoochoommonoo meechemmo taane. Ne shiijjereenaꞌo boonoshi etteenaꞌochi katemeenaꞌon koyi yeshiree hajjemminaꞌone.

Halloo 32:12

Tunebaani ne taan ‘Neech gaawe mooyon tuniyemmo taane; ne shiijjereenaꞌon haddaa ciyaani baharee gasheexi qacoochoommon meechemmo taane’ ito neene” iye.

2 Saameeli 7:24

Ne asheenaꞌo tuneti Israꞌeeleenaꞌon bulli yemeenoon ne hajjee asheenaꞌo boonoshi tunemmoyich manjiito neene. Doono Yeero, newoo boonoshich Nuggishoon tunehine.

Isiyaasi 43:6

Ta anaami bushiishoonaa ta maache bushiishoona wohi showoochee, showee toommo bulliichee boonoshi woyemmoyich, dambi-waani showee asheenaꞌon, gawukkibote, deshi-waani showee asheenaꞌonoo bajjaahote, gettemmo taane.

Isiyaasi 48:19

Ne shiijjeroo haddaa ciireyaani, baharee gasheexi qacoommon tuneshone; boonoshi shigo ciroona ta aafoochee, kuxeree aalleyaacheshone” iye.

Isiyaasi 63:16

Abrahami noon ariyoo bi qajjitaa, Yaaqobi noon shalligoo bi qajjitaa, ne nooch Nihoo neene; Doono Yeero, ne nooch Nihoo neene; wonna beddaahaa noon Biishecho ne shigoone.

Isiyaasi 64:8

Tunetaa Doono Yeero, ne, no Nihoo neene; no, nuuqqoo noone; newoo noon hacheto neene; no bulli ne kishee shuunoo noone.

Isiyaasi 65:1

Doono Yeeri ishichiye: “Taan echeyaaneenaꞌoyich bekkehoye; taan qaawaaneenaꞌoyich danehoye; ta shigoon ceegaani aageteenaꞌoyich ‘Hini tawoche, hini tawoche!’ iyoye.

Isiyaasi 66:20

Doono Yeerich giddeebeeti buuroochoommon, ittoshi maneenaꞌon aagetoo bulliichee, haresheenaꞌona, baribare gaarinaꞌona, bicereenaꞌona, gaaleenaꞌona, yaafeeti ta guudo Yerusaalem deebemminaꞌone. Ebiyoo Israꞌeeleenaꞌo maayi buuroon xalle qiicoona Doono Yeeri taach yaafee kexooch boonoshi deeboommoniye” iye Doono Yeeri.

Erimiyaasi 33:22

Ta guuno Daawitichi yaroonaa taach maddeebeeti Leweenaꞌo tuneti qeesheenaꞌonon haddaa hakkeyaani xojjenoomminaꞌonaa qeellee hakkeyaani baharee gasheexi qacoomminaꞌonon tuniyemmo taane” iye.

Daaneeli 6:26

Ta taatee showoo bullichi daggooch beeti asho bulli Daaneelichi Nuggishoo Yeerin bi shattemmonaa bi oogiyemmonoyich awaajjoon kichito taane. “Biyoo bulli yemeenoon beeti, beeyechi Nuggishoone; bi taatittinoon koniyoona ciroona aalliyoon hakkaanoone; bi hajjiibeetoo ciirooch beddaahaane.

Hosee'i 1:9

Aroochee Doono Yeeri “Ta asheenaꞌo tuno ittoshi qajjitoyich, tawoo ittoshi Nuggishoo tuno ta qajjetoyich, bushoon Lo Ami geti shigiibe!

Yowannisi 1:12

Tunebaani Yeer waanee bi womon iberiiꞌi boonoshi mulloon bi toommooch tooꞌiitinaꞌo bullich Yeerichi bushiishoo tunee hakkoon immiye.

Roomi 8:19

Halleenaꞌo bulli Yeerichi bushiisheenaꞌo bekkoon sharaateebee quyee beetinaꞌone.

2 Qorontoosi 6:18

Ittoshichoo Nihoo tunemmo taane; ittoshiyoo taach anaami bushiishoonaa maache bushiishoonon tunemmo ittoshine, iye Beshe Hakkechi Doono Yeeri.”

Hibireena'o 11:12

Ebich wotta qititoommi asho shaahiti ikke uro Abraham waanee boonoshi haddoo shimaajji xojjenoommo, haddee ciyaani baharee gasheexi qacoommo tuneti asheenaꞌo shiijjeheete.