Hiziqeeli 9:2 - Kafa Linguistics Project

² Dambi-waan wotteti dambee kelloochee aalliyechi ginee qiiceenaꞌon yechiti shiritte asheenaꞌo waaheete; boonoshi daggoochoo muttee tuppoochee shippeti tahoon taheti, kooree qiicoon bi naabooch yechiti ikke asho beetone; boonoshi bulliyoo giyiꞌi gooshee deejjee gudee gaꞌooch neexeheete.

Hiziqeeli 9:2 ပူးပေါင်းရင်းမြစ်များ

2 Taateenaꞌo 15:35

Tunebaani guudi toommeexi goyinnee xaaꞌeenaꞌo aalleyaaneenaꞌone. Asheenaꞌoo are xaaꞌeenaꞌoochaa andoo deejjoon giddii, ixaanoonoo shookkii beeheete. Biyoo Doono Yeerichi yaafee kechi xaqqee uxeree dambee kelloon shuunehe.

2 Kiinoo 27:3

Yotaami Doono Yeerichi yaafee kechi dambee kelloon shuunehe. Ofeeli geppeexi uxerooch wodde shuunoon shuunehe.

2 Kiinoo 4:1

Taatoo Solomooni, bi gidoo hiye hiroo, bi maaco hiye hiroo, bi neexo aashire hiroo tuneti gooshee deejjee gudoon shuuniihe.

Keyo 40:29

Micciibeeti deejjoo giddeebeeti deejjee gudoon danee duukkaanee kellee ciinooch kotiihe; aree toommooch micciibeeti deejjoonaa maayi deejjoonon deejjiye. Ebi bullin Doono Yeeri biich gettitoommon tuniiꞌi, shuunehe.

Erimiyaasi 1:15

Ebiyoche ta, dambi-waan beeti taatee gumbeenaꞌo bullin ceeggemmo taane; bulliyona waaree Yerusaalem giyeebeeti kellooch, uxeree guudo bulliich, Yihudee katemoo bulliich boonoshi taatee qeenon kotiyemminaꞌone.

Erimiyaasi 25:9

dambi-waan beeti yoodo bullinaa ta guuno biyoo Baabloonee taatoo Nabukadinatsorinon deejjemmo taane; hini showoonaa arooch beetinaꞌonon, bi guudoona beeti asho bullin boonoshi kochemmoyich deebemmo taane; ciroona boonoshin aalliyemmo taane; wuche boonoshi getteyemmoyich, boonoshi toommooch bi shokkeyemmoyich, bulli aaboochoo boonoshi aallemmonoyich tuniyemmo taane.

Erimiyaasi 26:10

Yihudee ukkireenaꞌo ebin waayeꞌi, taatee kexoochee Doono Yeerichi yaafee kexooch hammiyeete. Hammiꞌi Doono Yeerichi yaafee kechi Andire Kellooch koteheete.

Erimiyaasi 4:6

Dambi-waanee gonde mooyonaa oogeti aalloonon deebemmo ta tunetoyich, Tsiyoon waan malletoon tiijjiree mallibote; wocote; yagiyaahote!

Hiziqeeli 10:2

Doono Yeeri, muttee tuppoochee shippeti tahoon taheti ashoyich ishichiye: “Kiruubeenaꞌochi dechiich beeti gengeenaꞌochi daggooch hamiree, boonoshi gutte daggooch beeti qaaqqee bunoochee ne kishee ceenon ushe; katemee toommoochoo shace” iye. Uroo ta ciinnaa beetaa hammiye.

Hiziqeeli 8:3

Biyoo kishoommi mooyon yaggiꞌi ta qelli eexon yechiye; Ayaano showoonaa shimaayoona gutte daggooch kaama taan tiijjiye; aroochee Yerusaalem, qanaatoon tiijjiibeeti shahalloo neexetooch, maaci addibaabooch giyeebeeti dambi-waanee yaafee kechi kellooch Yeerichi yaaꞌoona taan daammiye.

Hiziqeeli 9:11

Aroochee muttee tuppoochee shippeti tahoon taheti, kooree qiicoon bi naabooch yechiti asho wottaa waaꞌi, “Ne gettetoommon tuniito taane” iye.

Hiziqeeli 9:3

Aroochee Israꞌeelee Nuggishoo Yeerichi oogee yiiroo bi beeti kiruubeenaꞌo toommoochee tiyiꞌi yaafee kechi kellooch hammiye; Doono Yeeriyoo muttee tuppoochee shippeti tahoon taheti, wottoo kooree qiicoon bi naabooch yechiti ashoon ceeggiꞌi,

Daaneeli 10:5

Ta aafoon kaachii ciinnaꞌa, muttee tuppoochee shippeti tahoon taheꞌi, bi shimetooch xalle aachoochee shuuneeti shachoon cuyeti ikke uroon beeggeho.

Daaneeli 12:6

Boonoshi daggoochee ikkoo ebi aacoyee tookk beeti, muttee tuppoochee shippeti tahoon taheti maraakoon, “Ebi gaakkechi shuunoo ceennemmoyich, ambiche yemeenoone echeto?” iꞌi echehe.

Leweenaꞌo 16:4

Yaafe Xaaꞌeexi Yaafooch bi gimoyee shiichiree, muttee tuppoochee shippeti, yaafeeti taheenaꞌon tahebe. Biyoo yaafeeti qamisoon tahebe; shuroon eddebe; buroon cuyebe; bi qelloochoo caacoon caace. Bi qeddoon macheree ebi taheenaꞌo bullin tahebe.

Amootsi 9:1

Doonon yaaꞌoona, deejjee gudee gaꞌooch neexeꞌi bi beetaa, beeggeho. Biyoo ishichiye: “Kechi koto bulli shuurimmi wottoon yaafee kechi guummon qice! Tiishi ne getaa, aree daggooch beeti asheenaꞌo bulli toommooch shekirebe. Aroochee echeton ta, goraadoona qecce wuxemmo taane. Boonoshi daggoochee koniyoona aashe echeyaachemmone; koniyoona muricaachemmone.

Yaaꞌoo 15:6

Shabaatte naxeenaꞌon yechiti shabaatte maraakeenaꞌo yaafee kexoochee kechiyeete; boonoshiyoo muttee tuppoochee shippeti, wacciibeeti xalle tahoon taheꞌi, boonoshi getoon aachoochee shuuneeti cuyoona cuyetinaꞌone.