Hiziqeeli 8:6 - Kafa Linguistics Project

⁶ Biyoo “Ashi bushoocho, boonoshi tunii beeton, ta yaafee kexoochee taan wokkiyoyich Israꞌeelee macceenaꞌo hiniichaa tuniibeeti oogeton ciigiiti mooyon beeggaa beetine? Andoo ebiyee beshi oogeton ciigiiti mooyon beeggemmo neene” iye.

Hiziqeeli 8:6 ပူးပေါင်းရင်းမြစ်များ

2 Kiinoo 29:5

ishichiye: “Leweenaꞌote, hach ellebote; yaafeebote; ittoshi qaabbechinaꞌochi Nuggishoo Doono Yeerichi yaafee kexon yaafibote; eeꞌe mooyo bullinoo yaafee kexoochee kichibote.

Shoddo 78:60

Asheenaꞌo daggooch bi kotiiti bi duukkaanoon, Shilooha beeti bi beeyi xaaꞌoon, qajjiye.

Shaahiyoo 5:14

Ebich iitoo kiceetoochaa waacha aallehote” gettemmo neene.

Erimiyaasi 11:18

Doono Yeeri ebin ta ariyemmoyich tuniihe; tawoo ariiho; boonoshi gonde mooyonoo taach bekkiihe.

Erimiyaasi 23:11

“Keemechinaꞌonaa qeesheenaꞌona taach qeyaaneenaꞌo tunetinaꞌone; boonoshi gondoon ta kechi maacooch beddaahaa daneto taane” iye Doono Yeeri.

Erimiyaasi 26:6

Shiloohi toommooch ta tuniitoommon, hini yaafee kechi toommooch tuniyemmo taane; hini katemoonoo showee toommeexi aagetoo bulliich ufon tuniyemmo taane’ itone gete” iye.

Erimiyaasi 3:6

Taatoo Yosiyaasichi taatee yemeenooch Doono Yeeri taach ishichiye: “Gibeneyaani Israꞌeeli tuniiton beeggetine? Ooge geppoo bullinaa waajjechi michi baatoo bullinooch hammaꞌa aroochaa shunoo maahane.

Erimiyaasi 32:34

Ta shigo ceekketi ta yaafee kexon eeꞌiyoyich, ciigiiti boonoshi nuggisheenaꞌochi shahalloon kotiiheete.

Erimiyaasi 7:17

Yihudee katemeenaꞌonaa Yerusaalemi katemee addibaaboonoochaa boonoshi tunii beeton beegaano neene?

Erimiyaasi 7:30

“Yihudee asheenaꞌo ta aafooch gonde mooyon tuniitinaꞌone, iye Doono Yeeri. Ta shigo ceekketi kexon eeꞌiyoyich boonoshi ciigiiti mooyon arooch kotiitinaꞌone.

Hiziqeeli 10:18

Doono Yeerichi oogee yiiroo yaafee kechi kelloochee tiyiꞌi, kiruubeenaꞌo tookk neexehe.

Hiziqeeli 10:19

Ebin ta ciinnaa beetaa, kiruubeenaꞌo boonoshi qoshoon yaggiꞌi, showoochee tiyii hammiyeete; gengeenaꞌoo tookkii tiyii hammiyeete; Doono Yeerichi yaafee kechi uxeree aabi-keyo waani kellooch neexeheete; Israꞌeelee Nuggishoochi oogee yiiroo boonoshi tookk beetone.

Hiziqeeli 11:22

Aroochee kiruubeenaꞌo boonoshi qoshoon yaggiyeete; gengeenaꞌoo boonoshi gaꞌooch beetinaꞌone; Israꞌeelee Nuggishoochi oogee yiiroo boonoshi tookk beetone.

Hiziqeeli 11:23

Doono Yeerichi oogee yiiroo katemee daggoochee tiyii hammiꞌi, katemee aabi-keyo waan beeti guudi toommooch kotehe.

Hiziqeeli 14:6

“Ebich Israꞌeelee macceenaꞌoyich ishichibe: Nuggishoo Doono Yeeri ishichiye: ‘Shahalleenaꞌoyich goyinnoon qayiichi ta waan wottebote; ciigiiti ittoshi mooyinaꞌon qayiichi hach guudote’ gete.

Hiziqeeli 18:12

girechonaa iritechonon neexxii bi hajjigaata, bi bogigaata, yechiyoon wochoo bi qayigaata, shahalleenaꞌoch bi goyinnegaata, ciigiiti mooyon bi tuniigaata,

Hiziqeeli 43:8

Boonoshi kelloon ta kellee gaꞌooch, boonoshi shaaqqee qoomoon ta shaaqqee qoomee gaꞌooch boonoshi gedditoyich, boonoshichonaa taachonochi daggooch ikke daabbo baachiye beeto; boonoshi shuuneti ciigiiti mooyona yaafe ta shigoon boonoshi eeꞌitoyich ta kaaroona boonoshin aalliihoye.

Hiziqeeli 47:6

Uroo taach “Ashi bushoocho, ebin beeggetine?” iye. Aroochee taan aachi gaagemooch wochii deebiye.

Hiziqeeli 5:11

“Ebich beeyecho ta tunoona wogaꞌa Nuggishoo Doono Yeeri ta ishichiyoye: Ciigiiti ne mooyona, ne eeꞌoonoo ta yaafee kexon ne eeꞌitoyich, neen giishiyemmo taane; neech ayini ariqqeyaachemmo taane.

Hiziqeeli 8:13

Wottoo taach ishichiye: “Andoo boonoshi tuniibeeti ebiyee beshe oogichii ciigiiti mooyon beeggemmo neene” iye.

Hiziqeeli 8:14

Aroochee dambi-waan, Doono Yeerichi yaafee kechi kellooch taan daammiye; ebiyoche Tamuuzi getteebeeti shahalloyich eeppii goppiibeeti maacheenaꞌo arooch beeteete.

Hiziqeeli 8:7

Biyoo addibaabee kellooch taan deebiye; ciinnaa ta iyaa, ebiyoche xaqqee uxerooch aaho beete.

Hiziqeeli 8:9

Andoo taach ishichiye: “Giyiree aroochaa boonoshi tuniibeeti shixxii ciigiiti mooyon beege” iye.

Hosee'i 5:6

Doono Yeer waan wottoyich, boonoshi bageenaꞌonaa miiminaꞌonon gasheree hammemminaꞌone. Tunebaani bi, boonoshiyee bi baritoyich daneyaachemminaꞌone.