Hiziqeeli 8:3 - Kafa Linguistics Project

³ Biyoo kishoommi mooyon yaggiꞌi ta qelli eexon yechiye; Ayaano showoonaa shimaayoona gutte daggooch kaama taan tiijjiye; aroochee Yerusaalem, qanaatoon tiijjiibeeti shahalloo neexetooch, maaci addibaabooch giyeebeeti dambi-waanee yaafee kechi kellooch Yeerichi yaaꞌoona taan daammiye.

Hiziqeeli 8:3 ပူးပေါင်းရင်းမြစ်များ

1 Taateenaꞌo 18:12

Neyee giishechoon ta wokkemmona, Doono Yeerichi Ayaano ta ariyaani xaaꞌooch neen daammemmone. Ebina hammaa Akaabich ta getaa, neen bi muccegaata, taan wuxemmone. Ne guuno ta, ta bushittinoochee tiijjaꞌa Doono Yeerin shattaabeeto taane.

2 Taateenaꞌo 16:14

Doono Yeeri aafooch beeti gooshee deejjee gudoon yaafee kechi aafoochee, bi shuuniiti deejjee gudoonaa Doono Yeerichi yaafee kexonochi gutte daggoochee wokkiiꞌi, bi shuuniiti deejjee gudoyee dambi-waan kotiihe.

2 Taateenaꞌo 2:16

Boonoshiyoo biich, “Ebiyoche, aache kupphe asho ne guuno noonna tookkii hiniich beetone. Diqqich Doono Yeerichi Ayaano ne doonon daammii, guudi toommooch woyee bambooch dufi beeyemmone. Eke hamiree boonoshi qaawemmoyich ne daaggemmoyich neen qollehone” iyeete. Biyoo boonoshich, “Daachiyaahote” iye.

2 Taateenaꞌo 21:7

Doono Yeeri Daawitinaa bi bushoo Solomooninoyich, “Hini yaafee kexo, hini Yerusaalemi ta shigo bulli yemeenoon bi beeyemmoyich, Israꞌeelee yoodeenaꞌo showoo bulliichee ta kaacceti xaaꞌoone. Israꞌeeleenaꞌo boonoshich ta getteti mooyo bullin boonoshi quyegaata, ta guuno Muusi boonoshich gettiti sheeroo bullin boonoshi ceechi gaatoo, boonoshi qaabbechinaꞌoyich ta immeti hini showoochee waaxeree boonoshi yallyallimemmoyich tuniyaachemmo taane” iꞌi bi gettiti yaafee kexooch, nuggishee Asheeri misiloon qiicii shuuneꞌi, deebii neechiye.

Shoddo 78:58

Geppeexi boonoshi goyinnee xaaꞌoona biin ippiiheete; boonoshi shahalleenaꞌona bi qanaatemmoyich tuniiheete.

Keyo 20:4

“Damba shimaayooch, desh showooch, showoyee deshi aacoochoo beeti mooyoochee amee shaahoonona shuuneeti shahalloon neech shuuneyaahine.

Keyo 20:5

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.

Keyo 34:14

Ta shigo Qanaatecho getteehe. Doono Yeeri ta, qanaatechi Nuggishoo ta tunetoyich, bare nuggishoyich goyinneyaahine.

Erimiyaasi 32:34

Ta shigo ceekketi ta yaafee kexon eeꞌiyoyich, ciigiiti boonoshi nuggisheenaꞌochi shahalloon kotiiheete.

Erimiyaasi 7:30

“Yihudee asheenaꞌo ta aafooch gonde mooyon tuniitinaꞌone, iye Doono Yeeri. Ta shigo ceekketi kexon eeꞌiyoyich boonoshi ciigiiti mooyon arooch kotiitinaꞌone.

Hiziqeeli 1:1

Shaashinnee natooba, awuddinnee agenee uuchinnee qemooba Kebaari aachi gashooch, keccetinaꞌo daggooch ta beetaa shimaayoo qecheetaa Yeerichi yaaꞌoon beeggeho.

Hiziqeeli 10:3

Uro bi giyaahaa kiruubeenaꞌo yaafee kechi deshi-waan neexeꞌi beeteete; maaci addibaaboochoo qubo ceenniye.

Hiziqeeli 11:1

Ayaano kaama taan tiijjiye; aroochee Doono Yeerichi yaafee kechi aabi-keyo waani kellooch taan deebiye; tawoo uxeree kellooch beeti hiyaa uuche asheenaꞌon beeggeho; boonoshi daggoochoo macceenaꞌochi ukkireenaꞌo tuneti Azuurichi bushoo Yazaniyinaa Beenayichi bushoo Felaaxiyina beemon beeggeho.

Hiziqeeli 11:24

Ebi taach bekketi yaaꞌoona Yeerichi Ayaano taan kaama tiijjiꞌi Baabloonee showooch beeti keceenaꞌo waan deebiye. Aroochee ta beeggeti yaaꞌoo ta waanee kuxehe.

Hiziqeeli 2:9

Tawoo qoddeti macaafoon yechiti kishoo ta waan yaggeeton beeggeho.

Hiziqeeli 3:12

Aroochee Yeerichi Ayaano kaama taan tiijjiye; ta gubbaanoo “Doono Yeerichi oogo bi xaaꞌoochaa diireebe” iibee gigeebeeti qaaroon waayeho.

Hiziqeeli 3:14

Ayaano taan kaama tiijjiꞌi daammiye; tawoo caammeyoona, ippee gaameyoonoo hammo; Doono Yeerichi giidoo ta toommooch kupphehe.

Hiziqeeli 37:1

Doono Yeerichi giidoo ta toommooch waahe; bi Ayaano daammiꞌi shaawushoona ceennit bambee daggooch taan kotiihe.

Hiziqeeli 40:2

Yeerichi yaaꞌoona Israꞌeelee showooch deebiꞌi, ooge guudi toommooch taan kotiihe; aroochoo meeti kexinaꞌo shuuneeti katemoommi mooyon deshi-waanee ciinneho.

Hiziqeeli 43:5

Areegaata Ayaano taan tiijjii maaci addibaabooch daammiye; Doono Yeerichi oogee yiiroo yaafee kexooch ceennitone.

Hiziqeeli 43:8

Boonoshi kelloon ta kellee gaꞌooch, boonoshi shaaqqee qoomoon ta shaaqqee qoomee gaꞌooch boonoshi gedditoyich, boonoshichonaa taachonochi daggooch ikke daabbo baachiye beeto; boonoshi shuuneti ciigiiti mooyona yaafe ta shigoon boonoshi eeꞌitoyich ta kaaroona boonoshin aalliihoye.

Hiziqeeli 5:11

“Ebich beeyecho ta tunoona wogaꞌa Nuggishoo Doono Yeeri ta ishichiyoye: Ciigiiti ne mooyona, ne eeꞌoonoo ta yaafee kexon ne eeꞌitoyich, neen giishiyemmo taane; neech ayini ariqqeyaachemmo taane.

Hiziqeeli 7:20

Gaawe boonoshi aachoonaa birewoona geecitinaꞌone; ebi aroona shixxii ciigiiti shahalloon shuuneheete; ebich ebi shashoon boonoshich eeꞌo tuniito taane.

Hiziqeeli 8:5

Yeeriyoo “Ashi bushoocho, dambi-waan ciine” iye; ebiyoche deejjee gudee kellooch, dambi-waan gimi kellooch ciinnaa ta iyaa, ebi qanaatoon tiijjiibeeti shahalloo beete.

Hiziqeeli 9:2

Dambi-waan wotteti dambee kelloochee aalliyechi ginee qiiceenaꞌon yechiti shiritte asheenaꞌo waaheete; boonoshi daggoochoo muttee tuppoochee shippeti tahoon taheti, kooree qiicoon bi naabooch yechiti ikke asho beetone; boonoshi bulliyoo giyiꞌi gooshee deejjee gudee gaꞌooch neexeheete.

Daaneeli 10:10

Aroochee ikke kishoo taan yechiꞌi, ta kishoon showooch matiree, ta gutenoona ta neexemmoyich tuniihe; andoo qewaaniye ta beeto.

Daaneeli 10:18

Wochinnoon ebi ashoon shaahiibeeto taan yechiꞌi ta kupphemmoyich tuniihe.

Daaneeli 5:5

Diqqoona areegaata, ashi kishee yaphero bekkeꞌi, maqirajjee aaxxo gaawichiꞌi bekkeebeeti, tachaa dikkeeti taatee kechi daabbooch kooriye. Taatoo ebi kishoon koorii bi beetaa beeggiye.

Mishiraachechinaꞌo 8:39

Aacoochee boonoshi kechimmona, Doonochi Ayaano Filipphoosin diqqoona tiijjiꞌi daammiye. Uroo guttinnoon biin beegaanoone; emiriibee bi gommon yechiye.

Yibbaatoo 32:16

Bare nuggisheenaꞌoyich goyinnoona bi qanaatemmoyich tuniihote; ciigiiti ittoshi shuunoona bi ippemmoyich tuniihote.

Yibbaatoo 32:21

Nuggishoo tuneyaani gaacaalleenaꞌoyich goyinnehote; qanaateree ta kaaremmoyichoo tuniihote. Ebich gaacaalli aagetoona ittoshin qanaatiyemmo taane; shalligaalli aagetoona ittoshin ippiyemmo taane.

Yibbaatoo 4:24

Ebiyoo ittoshi Nuggishoo Doono Yeeri michii aalliibeeti qaaqqoommo bi tunetoyichiye; biyoo qanaatechi Nuggishoone.

Yibbaatoo 5:9

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon keejjinnee shiijjeroonaa awuddinnee shiijjeroonooch beddaahaa, niheenaꞌo shuuneti axaaxee naboyich naxemmo taane.

Yaasi 24:19

Yaasiyoo asheenaꞌoyich ishichiye: “Doono Yeeri yaafe Nuggishoonaa qanaatechi Nuggishoona bi tunetoyich, biich maddoon hakkaachote. Ittoshi xuꞌoonaa axaaxoonon maaraachemmone.