Hiziqeeli 8:16 - Kafa Linguistics Project

¹⁶ Aroochee taan Doono Yeerichi yaafee kechi maaci addibaabooch deebiye; ebiyoche Doono Yeerichi yaafee kechi godooch, gaaddaafoonaa deejjee gudoonochi gutte daggooch hiyaa uucha bede asheenaꞌo beeteete; boonoshi gubboon Doono Yeerichi yaafee kexo waan, boonoshi aafoonoo aabi-keyo waan wochiꞌi aabeyich guufee goyinnee beeteete.

Hiziqeeli 8:16 ပူးပေါင်းရင်းမြစ်များ

1 Taateenaꞌo 8:29

‘Arooch ta shigo beeyemmone’ ne iti, hini kexon xumoonaa areddoonon manjii ciine; ne guuno ta hini xaaꞌoochaa ta corootaabeeti corootoon elle waayebe.

2 Taateenaꞌo 16:14

Doono Yeeri aafooch beeti gooshee deejjee gudoon yaafee kechi aafoochee, bi shuuniiti deejjee gudoonaa Doono Yeerichi yaafee kexonochi gutte daggoochee wokkiiꞌi, bi shuuniiti deejjee gudoyee dambi-waan kotiihe.

2 Taateenaꞌo 21:5

Yaafee kechi gutte addibaabooch xojjeneenaꞌo bullich goyinneyemmi deejjee gudeenaꞌon shuunehe.

2 Taateenaꞌo 23:11

Yihudee taateenaꞌo Doono Yeerichi yaafee kexooch giyeebeeti kelloochaa aabeyich goyinnoyich boonoshi kichiti haresheenaꞌon aroochee tiijjiye. Ebi haresheenaꞌo beeto, ukkiroo Naataan Meleeki kechi gaꞌooch beeti addibaaboochiye. Aroocheenoo Yosiyaasi aabeyich kechiti gaarinaꞌon qaaqqoona michiye.

2 Taateenaꞌo 23:5

Yihudee katemeenaꞌonaa Yerusaalemi guudoonooch beeti guudi toommeexi goyinnee xaaꞌeenaꞌooch ixaanoon boonoshi shookkemmoyich, Yihudee taateenaꞌo ukkiriiti, qeesheenaꞌo bullin shuunoochee yookkiye. Wotta Baꞌaaloyich, aabeyich, ageneyich, xojjeneenaꞌo bullinaa shimaayooch beeti halleenaꞌonoyich ixaanoon shoohona maddeebeeti qeesheenaꞌo bullin kindiihe.

2 Kiinoo 29:6

No qaabbechinaꞌo gibeneyoo qajjitinaꞌone; Doono Yeeri aafoochaa gonde mooyon tuniitinaꞌone; biin qajjitinaꞌone; boonoshi aafoon Doono Yeerichi qemi xaaꞌoochee badd wochitinaꞌone; gubboonoo bi waan wochitinaꞌone.

2 Kiinoo 7:7

Solomooni Doono Yeerichi yaafee kechi ciinooch beeti, addibaabee daggeexi xaaꞌoon yaafiye. Aroochaa micciibeeti deejjoon, ikkittinee deejjee awuyonoo giddiihe. Ebin bi tuniitoo, gooshoochee bi shuuniiti deejjee gudo micciibeeti deejjoon, maayi buuroonaa awuyonon deejjoyich bi giishetoyichiye.

Erimiyaasi 2:27

Mixon ‘Ne, ta nihoo neene’ xaqqoonoo ‘Taan shiyeto neene’ iyeete. Boonoshi aafoon tuneyaanoon boonoshi gubboon ta waan wochiyeete. Tunebaani boonoshi iritee aabooba ‘Tiyiree noon wodiibe’ iyeete.

Erimiyaasi 32:33

Boonoshi aafoon tuneyaanoon boonoshi gubboon ta waan wochiyeete; wochii wochii boonoshin ta dojjaa, ta sheeroon deꞌoyich waayemmon qajjiyeete.

Erimiyaasi 44:17

Tunebaani noonnaa no qaabbechinaꞌona, no taateenaꞌonaa no ukkireenaꞌona, Yihudee katemeenaꞌonaa Yerusaaleminoochaa tuniyaabee no echetoommon, shimaajji taateyich, ixaanoon shoohonaa uyee buuroon ukkoonoyich, no noonoochee kechiti qaaro bullin tuniyemmo noone; ebin no tunii beehooba koshon michaa beemmo noone; noochoo gaawee beehe; gonde mooyon beegaano noone.

Erimiyaasi 7:18

Shimaajji taateyich koshon kachiyoyich, boonoshi bushiisheenaꞌo mixon mittiyeete; niheenaꞌo qaaqqoon shookkiyeete; maacheenaꞌo buddinoon xiriqqiyeete. Taan ippiyoyich bare nuggisheenaꞌoyich uyee buuroon ukkiyeete.

Erimiyaasi 8:2

Boonoshi shunnii maddeti, boonoshi qaawii dabbiti, goyinneenoo iti aabeenaa ageneenochi, wotta shimaajji xojjeneenaꞌo aafooch boonoshin yachemminaꞌone; boonoshi shaawusho ikkooch kicaa duukkeyaachemmone; showee toommooch guudoochoommon qixeyemminaꞌone.

Hiziqeeli 10:3

Uro bi giyaahaa kiruubeenaꞌo yaafee kechi deshi-waan neexeꞌi beeteete; maaci addibaaboochoo qubo ceenniye.

Hiziqeeli 11:1

Ayaano kaama taan tiijjiye; aroochee Doono Yeerichi yaafee kechi aabi-keyo waani kellooch taan deebiye; tawoo uxeree kellooch beeti hiyaa uuche asheenaꞌon beeggeho; boonoshi daggoochoo macceenaꞌochi ukkireenaꞌo tuneti Azuurichi bushoo Yazaniyinaa Beenayichi bushoo Felaaxiyina beemon beeggeho.

Hiziqeeli 23:35

Ebich Nuggishoo Doono Yeeri ishichiye: “Taan ne battetoyich, ne gubboon taach ne immetoyich, ne qocee gondoonaa ne yahoonoyich naxeyemmi neene” iye.

Hiziqeeli 23:39

Boonoshi bushiishoon shahalloyich boonoshi deejjiyooba, eeꞌiyoyich ta yaafee kexooch giyiyeete; ebiyoommi mooyon ta kexooch tuniiheete.

Hiziqeeli 40:28

Deshi-waanaa maaci addibaabooch taan daammiye; deshi-waani kelloon bi qeelletaa bareenaꞌona tato tunehe.

Hiziqeeli 40:6

Aroochee aabi-keyo waan wotteti kellooch hammiye; daqqelloon kechiꞌi shaaqqee shagoon bi qeelletaa ikke yaaboon tunehe.

Hiziqeeli 43:5

Areegaata Ayaano taan tiijjii maaci addibaabooch daammiye; Doono Yeerichi oogee yiiroo yaafee kexooch ceennitone.

Hiziqeeli 43:8

Boonoshi kelloon ta kellee gaꞌooch, boonoshi shaaqqee qoomoon ta shaaqqee qoomee gaꞌooch boonoshi gedditoyich, boonoshichonaa taachonochi daggooch ikke daabbo baachiye beeto; boonoshi shuuneti ciigiiti mooyona yaafe ta shigoon boonoshi eeꞌitoyich ta kaaroona boonoshin aalliihoye.

Hiziqeeli 45:19

Qeeshoo axaaxee deejjee damoochee daamiree yaafee kechi qoomeenaꞌooch, deejjee gudee degee awudde shuutoonaa maaci addibaabee kellee qoomeenaꞌonooch huute.

Hiziqeeli 46:1

Nuggishoo Doono Yeeri ishichiye: “Maaci addibaabooch giijjiibeeti, aabi-keyo waan wotteti kello, shuunee aabo tuneti shiritte qemo bulliich hicheree beebe; tunebaani shambetoobinaa agenee keyi baaroobina qecheebe.

Hiziqeeli 7:23

“Showoo damoon ukkoona, katemoo hukkoona bi ceennitoyich, sansalatoon qanniibe!

Hiziqeeli 8:15

Aroochee taach ishichiye: “Ashi bushoocho, ebin beeggaa beetine? Andoo ebiyee beshe oogichii ciigiiti mooyon beeggemmo neene” iye.

Yoꞌeeli 2:17

Doono Yeerich maddeebeeti qeesheenaꞌo, deejjee gudoonaa yaafee kechi godoonochi gutte daggoochaa eefeete! “Doono Yeero, ne hajjee asheenaꞌoyich ariqqebe. Aageteenaꞌo ‘Boonoshi Nuggishoo aaye?’ geti boonoshi coonemmonaa hoxemmonoyich tuniyaahine” geteete.

Yibbaatoo 4:19

Damba shimaayooch ciiniree, aabeen, ageneenaa xojjenoonoyich ne goyinne maddemmoyich ne mullo neen bi geechaachemmoyich, ne qelloon ariibe! Ne Nuggishoo Doono Yeeri eboshich boonoshi goyinne maddemmoyich showee toommo bulliich beeti asheenaꞌon beshiiꞌi immitone.