Hiziqeeli 8:12 - Kafa Linguistics Project

¹² Yeeriyoo taach ishichiye: “Ashi bushoocho, Israꞌeelee maccee qaabbeenaꞌo boonoshi shahalli shahallee kexoochaa manderoochaa boonoshi tunii beeton beeggetine? Boonoshiyoo ‘Doono Yeeri noon beegaanoone; Doono Yeeri hini showoon qajjitone’ itinaꞌone” iye.

Hiziqeeli 8:12 ပူးပေါင်းရင်းမြစ်များ

2 Taateenaꞌo 17:9

Israꞌeeleenaꞌo boonoshi Nuggishoo Doono Yeerichi qaaroon xummiyoona kaamoo tuneyaanee mooyon aashoona shuuneꞌi biin xuqqiyeete. Qiddeenaꞌochi dilaaloochee tiijjii, xaqqee uxerechi ooge boonoshi katemooch beddaahaa, boonoshi katemeenaꞌo bulliich boonoshi qellich guudi toommeexi goyinnee xaaꞌeenaꞌon shuuneheete.

Shoddo 10:11

Biyoo bi mulloona, “Doono Yeeri battetone; bi aafoon bi qeritoyich, ciinaachemmone” iye.

Shoddo 14:1

Mullaalli asheenaꞌo boonoshi mulloona “Yeeri aalloone” iyeete; ebi asheenaꞌo duubetinaꞌone; boonoshi shuunoo ciigeetone; gaawe mooyon tuniibeeto ikkolla aalloone.

Shoddo 73:11

“Halla Beshoo Yeerich ariyoo beete? Yeeri ariyemmo aabichireeshiye?” iyeete.

Isiyaasi 29:15

Boonoshi yameti yamoon Doono Yeer waanee aachiya qaawii beetinaꞌoyich, “Noon beeggesho konine? No shuunaa beeton ariyesho konine?” getona manderoon deebeꞌi aashoona shuunee beetinaꞌoyich, woowo!

Isiyaasi 47:10

Ne gonde shuunoon gibeneti neene; ‘Koniyoona taan beegaanoone’ iti neene; ne aconaa ne ariyoona neen muriciitone; ne mulloonoo ‘Tayee besho koniyoona aalloone’ iti neene.

Hiziqeeli 14:1

Israꞌeelee geeneenaꞌoochee asheenaꞌo waaꞌi ta aafooch koteheete.

Hiziqeeli 20:1

Kecee no hammeti shabaattinnee natooba, uuchinnee agenee aashirinnee qemooba Israꞌeelee geeneenaꞌoochee asheenaꞌo Doono Yeer waanee echii waayoyich ta waan waaꞌi ta aafooch koteheete.

Hiziqeeli 8:11

eboshi aafooch Israꞌeelee macceenaꞌoochee ogooge shabe doonjeenaꞌo neexeꞌi beeteete; boonoshi daggoochoo Shafaanichi bushoo Yazaniyi neexeꞌi beete; ebi Israꞌeelee ogoogeenaꞌo boonoshi ikkikkoona ixaano shookkeebeeti qiicoon yechitinaꞌone; ebi qiicoochee ixaanee cufoo cufii beehe.

Hiziqeeli 8:13

Wottoo taach ishichiye: “Andoo boonoshi tuniibeeti ebiyee beshe oogichii ciigiiti mooyon beeggemmo neene” iye.

Hiziqeeli 8:15

Aroochee taach ishichiye: “Ashi bushoocho, ebin beeggaa beetine? Andoo ebiyee beshe oogichii ciigiiti mooyon beeggemmo neene” iye.

Hiziqeeli 8:17

Biyoo taach ishichiye: “Ashi bushoocho, ebin beeggaa beetine? Hiniichaa boonoshi tuniibeeti ebi eeꞌe mooyon tuniyoo Yihudee macceenaꞌoyich ebi kette mooyona? Showoon xuꞌoona ceechoona daakkiꞌi taan ippii beetinaꞌone; ebiyoche boonoshi naagoona taan ippiyoyich boonoshi tuniibeeti mooyo bullin beege.

Hiziqeeli 9:9

Aroochee taach ishichiye: “Israꞌeelee macceenaꞌonaa Yihudee macceenaꞌonochi xuꞌo oogichii woddetone; showoo damoona wooretone; katemoochoo hukkoo woddetone; ‘Doono Yeeri showoon duppitone; biyoo wottee ciinaanoone’ itinaꞌone.

Sofoniyaasi 1:12

Arooba, ceechoon yeshiree Yerusaalemin boshemmo taane. Michii beetinaꞌon, boonoshi qelloon gibenee beetinaꞌon, boonoshi mulloonoo ‘Doono Yeeri gondoon tuneba deꞌe mooyon tuniyaache’ ii gabii beetinaꞌon naxemmo taane.

Efesooni 5:12

Yeerich deꞌa getaani asheenaꞌo aashoona boonoshi tuniibeeti mooyon yibbaatolla yeellii beetone.

Yibbaatoo 27:15

“ ‘Ariyechi ashi kishoona shuuneeti, Doono Yeeri aafoochaa shicheti, xaqqoochee, mixoochee woyee xuuroochee shahalloon shuuneꞌi aashoona goyinneebeeto uppeton tunebe’ geteete. “Asheenaꞌo bulliyoo ‘Ameena’ geteete.