Hiziqeeli 8:11 - Kafa Linguistics Project

¹¹ eboshi aafooch Israꞌeelee macceenaꞌoochee ogooge shabe doonjeenaꞌo neexeꞌi beeteete; boonoshi daggoochoo Shafaanichi bushoo Yazaniyi neexeꞌi beete; ebi Israꞌeelee ogoogeenaꞌo boonoshi ikkikkoona ixaano shookkeebeeti qiicoon yechitinaꞌone; ebi qiicoochee ixaanee cufoo cufii beehe.

Hiziqeeli 8:11 ပူးပေါင်းရင်းမြစ်များ

2 Taateenaꞌo 22:12

Biyoo qeeshoo Hiliqiyich, Shafaani bushoo Ahiqaamich, Mikiyaasi bushoo Akiboorich, koorechi Shafaaninaa bi naayo Asayaahinoyich ishichiꞌi gettiye:

2 Taateenaꞌo 22:14

Ebich qeeshoo Hiliqiyi, Ahiqaami, Akiboori, Shafaaninaa Asayaahina Yerusaalemichi guttinnee kuxooch beeti, keemechi Hulidaah waan echeya hammiyeete. Bi keno, Harihaasi bushoo Tiqiwaahi bushoo tuneti Shaluumi yaafee kechi tahee ukkiroone. Boonoshiyoo ebi mooyon keemechich gettiyeete.

2 Taateenaꞌo 22:3

Taatoo Yosiyaasi bi taateti aaraa shimittinnee natooba, Meshulaami bushoo Atsaliyaahi bushoo, taatoochi koorechi Shafaanin Doono Yeerichi yaafee kexooch ishichiꞌi wochee daachiihe:

2 Taateenaꞌo 22:8

Aroochee qeeshee guudo Hiliqiyi koorechi Shafaanich: “Sheeree Macaafoon Doono Yeerichi yaafee kexoochee daneto taane” iye. Hiliqiyi macaafoon Shafaanich immiye. Shafaaniyoo ebi macaafoon shemmehe.

2 Taateenaꞌo 25:22

Baabloonee taatoo Nabukadinatsori Shafaani bushoo, Ahiqaami bushoo Gedaliyin kecaanoon, Yihudee showooch echeti asheenaꞌo toommooch iraashiihe.

2 Kiinoo 26:16

Tunebaani Uziyaahi kupphe taatoo bi tunetoyee gubb, geeciye. Ebi bi geecoo bi dihoyich naboo tunehe. Biyoo bi Nuggishoo Doono Yeerin xuqqiye. Ixaanee deejjee gudoochaa ixaanoon shookka Doono Yeerichi yaafee kexooch giyiye.

2 Kiinoo 26:19

Ixaanoon shookka, ixaano shookkeebeeti qiicoon yechiꞌi neexeti Uziyaahi qeesheenaꞌo toommooch oogichii kaarehe. Qeesheenaꞌon bi kaaremmona, qeesheenaꞌo aafooch Doono Yeerichi yaafee kechi ixaanee deejjee gudee gaꞌooch neexeꞌi bi beetaa, bi barooch qeddee shaddee biiyo kechiye.

2 Kiinoo 34:20

Biyoo Hiliqiyich, Shafaani bushoo Ahiqaamich, Miki bushoo Abidoonich, koorechi Shafaaninaa bi naayo Asayaahinoyich ishichiꞌi gettiye:

Keyo 24:1

Doono Yeeri Muusich ishichiye: “Ne, Harooni, Nadaabi, Abiihinaa shabe Israꞌeelee ukkireenaꞌona ta waan keyote. Wohooch tuneechi, taach goyinnebote.

Keyo 24:9

Muusi, Harooni, Nadaabi, Abiihinaa shabe Israꞌeelee ukkireenaꞌona guudi toommooch kechiyeete;

Isiyaasi 44:13

Anaaxoo mixon woderoona qeellehe; koppoona kooriꞌi boꞌoon kichiye; tachee qiicoona tachiye; ashi shaahoonaa ashi malletoommona tuniiꞌi kexooch kotiihe.

Erimiyaasi 19:1

Doono Yeeri taach ishichiye: “Hamiree nuuqqee hachecho waanee qondoon kemebe; asheenaꞌo daggoochee qaabbeenaꞌonaa qeesheenaꞌo daggoochee geenetinaꞌonon neenna tookki daambe.

Erimiyaasi 19:4

Taan qajjiꞌi boonoshinaa boonoshi qaabbechinaꞌona, wottoo Yihudee taateenaꞌo ariyaani bare nuggisheenaꞌoyich ixaanoon shoohona hini xaaꞌoon boonoshi eeꞌitoyich, hini xaaꞌoon xalle ashi damoona boonoshi ceechitoyich,

Erimiyaasi 26:22

Taatoo Yoyaqiimi Akiboori bushoo Elinaataanin bare asheenaꞌona tookkii Gibits daachiihe.

Erimiyaasi 26:24

Tunebaani Shafaanichi bushoo Ahiqaami Erimiyaasin gaachee bi beetoyich asheenaꞌo biin wuxemmoyich icheyaanoone.

Erimiyaasi 29:3

Erimiyaasi ebi koorichoon bi daachiito, Yihudee taatoo Sedeqiyaasi Baabloonee taatoo Nabukadinatsor waan, Baabloonee showooch bi wocheti Shafaanichi bushoo Elasaahinaa Hiliqiyichi bushoo Gemaariyinochi kishoonane. Koorichoo ishichii beetone:

Erimiyaasi 36:10

Baaruukiyoo Erimiyaasi gettiti qaaroon, Doono Yeerichi yaafee kexeexi damba qachi addibaaboochaa, Doono Yeerichi yaafee kexooch giyeebeeti Andire Kellooch beeti koorechi Shafaanichi bushoo Gemaariyichi gatoochaa asho bullich qoddeti macaafoon shemmehe.

Erimiyaasi 44:21

“Ittoshinaa ittoshi qaabbechinaꞌona, ittoshi taateenaꞌonaa ittoshi ukkireenaꞌona, showee asheenaꞌoo, Yihudee katemeenaꞌonaa Yerusaalemi gomminaꞌonoochaa ixaanoon ittoshi shookkiton, Doono Yeeri gabaachehe? Woyee bi mullooch tiphimaachehe?

Erimiyaasi 5:5

Ogoogeenaꞌo waan hamiree, boonoshich gettemmo taane; Doono Yeerichi gommon, boonoshi Nuggishoochi sheeroonoo, ariyemminaꞌone” iyo. Tunebaani boonoshi bulliyoo kicaa ikkeenaꞌone; boonoshiyoo waanjoon tiichitinaꞌone; cuyoonoo kuxxitinaꞌone.

Erimiyaasi 52:27

Baabloonee taatoo Hamaatee showooch beeti Ribili katemoochaa boonoshin wuxiye. Ebiyoommon Yihudee asheenaꞌo boonoshi showoochee kecaa hammiyeete.

Erimiyaasi 7:9

Gaajjiyote; wuxiyote; shaddiyote; kootoon wogehote; Baꞌaaloyich ixaanoon shookkiyote; ittoshi ariyaani bare nuggisheenaꞌon dabbiyote;

Hiziqeeli 20:1

Kecee no hammeti shabaattinnee natooba, uuchinnee agenee aashirinnee qemooba Israꞌeelee geeneenaꞌoochee asheenaꞌo Doono Yeer waanee echii waayoyich ta waan waaꞌi ta aafooch koteheete.

Hiziqeeli 8:10

Ebich maac giyaꞌa ciinneho; xaqqee uxeree guudo bulliich shicheeti, yuummere halleenaꞌo bullichi misilo, eeꞌe cooxinaꞌochi misiloonaa Israꞌeelee macceenaꞌochi shahalloo bullina arooch beete;

Hiziqeeli 9:6

Geenoon tuneba gurimaashoon, gidiideenaꞌon tuneba bushiisheenaꞌon, maacheenaꞌonoo wuxibote; tunebaani boonoshi toommooch malletoo geddetinaꞌochi achooch shaggaahote. Ta yaafee kexoochee wonnibote” iye. Ebich yaafee kechi aafooch beeti ogoogeenaꞌoochee tiijjiꞌi wuxooch giyiyeete.

Daaneeli 9:8

Doono Yeero, noonnaa no taateenaꞌona, no iraasheenaꞌonaa no qaabbechinaꞌona ne toommooch axaaxoon shuunoona neen no xuqqetoyich, yeelleto noone.

Haddoo 11:16

Doono Yeeri Muusich ishichiye: “Israꞌeelee geeneenaꞌo daggoochee asheenaꞌon qociyechinaꞌonaa ukkireenaꞌona boonoshi tunemmoyich, ne ariibeeti shabe Israꞌeelee geeneenaꞌon taach kicibe. Boonoshinoo danee duukkaanooch ne deebaa, neenna tookki neexebeete.

Haddoo 11:25

Aroochee Doono Yeeri quboona kindiꞌi biich yibbaatehe; bi toommooch beeti Ayaanoochee daammiꞌi shabe geeneenaꞌo toommooch kotiihe. Ayaano boonoshi toommooch kottehooba, keemoon keemmiyeete; tunebaani ebiyee gubb keemaaneenaꞌone.

Haddoo 16:17

Ittoshi ikkikkoona ixaano shookkeebeeti gutte ballaa aache ittoshi qiicoon deebote; ixaanoon arooch gediree, Doono Yeeri aafooch giddiibote. Neennaa Harooninoo wotta ixaano shookkeebeeti ittoshi qiicoon deebote” iye.

Haddoo 16:35

Qaaqqoo Doono Yeer waanee kindiꞌi, ixaanoon shookkiibeeti gutte ballaa aache asheenaꞌon maahe.

Haddoo 7:50

ixaano ceenniti, aashire sheqeelee aachoochee shuuneeti ikke shaatoo,

Luqaasi 10:1

Ebiyee gubb, Doono Yesuusi aaraa gutte bi dabbeenaꞌoyee bare shabaa gutteenaꞌon ukkiriihe; gutti guttoo tuniiꞌi, bi hammemmi katemoonaa gafoo bullinooch biyee shiichiree boonoshi shaggemmoyich daachiihe.