Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hiziqeeli 7:4 - Kafa Linguistics Project

4 Neech ayini ariqqeyaachemmo taane; tunebaani ne shaaddoonaa ne daggooch beeti ciigiiti mooyonoyich neen naxemmo taane; aroochee Doono Yeeri ta tunoon ariyemmi neene.

အခန်းကိုကြည့်ပါ။ ကော်ပီ




Hiziqeeli 7:4
24 ပူးပေါင်းရင်းမြစ်များ  

Ikkoonaa ikkoonon, niheenaꞌonaa bushiisheenaꞌonon qiciyemmo taane; boonoshin aalliishalli ta gettemmo ariqqeyaachemmo taane; aayinaachemmo taane; maaraachemmo taane’ itone Doono Yeeri, gete” iye.


Ta showoon ciigiiti, dubenoommi boonoshi nuggisheenaꞌona boonoshi eeꞌitoyich, ta iristoon eeꞌeti mooyona boonoshi ceechitoyich, boonoshi xuꞌoonaa boonoshi axaaxoonochi gutte kishoon boonoshich qoccemmo taane” iye.


Meeti aageteenaꞌonaa ogooge taateenaꞌona boonoshin hajjemminaꞌone; tawoo boonoshi tuniitoommonaa boonoshi kishee shuunoommonon boonoshich qoccemmo taane’ itone” iyo.


Tunebaani boonoshi mulloona ciigiitonaa eeꞌe mooyonon dabbitinaꞌon boonoshi shuunoommon boonoshich qoccemmo taane” iye Nuggishoo Doono Yeeri.


Asho beebee echeti katemeenaꞌo aalleminaꞌone; showoo shokkoon echemmone; ebiyooba Doono Yeeri ta tunoon ariyemmo ittoshine” itone’ gete” iye.


“ ‘Ne bushittinee gooroon gaboo ne qajjetoyich, ne shuuneti mooyo bullinoo taan ne ippiitoyich, ne shuunetoommon neech shuunemmo taane; bare ciigiiti ne mooyo bulli toommooch yahoon meechaane neene? iye Nuggishoo Doono Yeeri.


Ebich ta kaaroon boonoshi toommooch kindiihoye; ta nebee qaaqqoona boonoshin aalliihoye; boonoshi shuunetoommon boonoshich shuunehoye” iye Nuggishoo Doono Yeeri.


Ne maneechi gommon dabbiti neene; ebich ne maneechi naxee xoofoon neech immemmo taane” iye.


Ebi manaamaneenaꞌo ittoshi guttiyoo qocee gondee gatiyoon danemmo ittoshine; shahalloyich ittoshi goyinnetoyich naxeyemmo ittoshine; ebina Nuggishoo Doono Yeeri ta tunoon ariyemmo ittoshine” iye.


“Doono Yeeri ta getteto taane; ta tuniyemmi aabo katinnitone; gubb wotteyaachemmo taane; ariqqeyaachemmo taane; axireyaachemmo taane; ne gommoommona, ne shuunoommonoo ne toommooch nallemmo taane” iye Nuggishoo Doono Yeeri.


Boonoshi tuniiti ciigiiti mooyoyich showoon shokkaachoonaa amolla aalloonon ta tuniihooba, ta, Doono Yeeri ta tunoon ariyemminaꞌone’ itone gete.


“Ebich beeyecho ta tunoona wogaꞌa Nuggishoo Doono Yeeri ta ishichiyoye: Ciigiiti ne mooyona, ne eeꞌoonoo ta yaafee kexon ne eeꞌitoyich, neen giishiyemmo taane; neech ayini ariqqeyaachemmo taane.


Ta mochoon boonoshi toommooch tiijjiree boonoshi beeyi xaaꞌoon barahoochee tiijji Ribila beddaahaa showoon shokko echiyemmo taane; ebina boonoshiyoo Doono Yeeri ta tunoon ariyemminaꞌone” iye.


Wuxeetinaꞌo ittoshi daggooch dihemminaꞌone; ittoshiyoo Doono Yeeri ta tunoon ariyemmo ittoshine.


Taatoo eeppemmone; woraaferashoo gibenoon kuxxemmone; showee asheenaꞌochi kishoo keqqoona qewemmone; boonoshi gommi gommoommona boonoshi toommooch tuniyemmo taane; boonoshi nallitoommon boonoshi toommooch nallemmo taane; Doono Yeeri ta tunoon ariyemminaꞌone” iye.


Israꞌeele, and ne ciiro shaggitone; ta kaaroon ne toommooch deejjemmo taane; ne gommoommona ne toommooch nallemmo taane; ciigiiti ne qocoo bullich neen naxemmo taane.


Neech ayini ariqqeyaachemmo taane; tunebaani ne shaaddoonaa ne daggooch beeti ciigiiti mooyonoyich neen naxemmo taane; aroochee neen naxaabeeto Doono Yeeri ta tunoon ariyemmi neene.


Ebich ta, kaaroona boonoshi waan woyemmo taane; boonoshich ayini ariqqeyaachemmo taane; qaaroon oogichiꞌi ta waan boonoshi cookitaa waayeyaachemmo taane” iye.


Tawoo boonoshich ayini ariqqeyaachemmo taane; boonoshi tuniitoommon boonoshi toommooch tuniyemmo taane” iye.


Doono Yeeri Yihudee asheenaꞌo toommooch yaaqqiibeeti taggoo beetone. Yaaqobin bi gommoommona sheeremmone. Bi shuunoommonoo biich qoccemmone.


Sheeree aabo waatone; nichoo kichee aaboo shaggitone. Israꞌeeleenaꞌo ebin ariibeete. Ittoshi axaaxoo woddetoyich, taanoo ittoshi shixxitoyich, keemecho tuushoo, ayaanechi ashoo geyecho tuniitaa ciichetone.


Doono Yeeriyoo taach ishichiye: “Amootso! Ebi ne ciinnaabeeti mooyo amoone?” iye. Tawoo “Tumbine” iyo. Yeeriyoo ishichiye: “Ta asheenaꞌo tuneti Israꞌeeleenaꞌo gaꞌiitaa shuuneeti xaqqee uxeroomminaꞌo boonoshi tunoon bekkiyoyich, tumbin yaggaabeeto taane. Ebiyee gubb boonoshin maaraachemmo taane.


Doono Yeeri ishichiye: “Ebiyee bekk hini showooch beeti asheenaꞌoyich ariqqeyaachemmo taane. Asho bullin bi nuuchoonaa bi taatoonoyich beshiiree immemmo taane. Boonoshiyoo showoon duꞌiyemminaꞌone. Tawoo boonoshi kishoochee wodiyaachemmo taane” iye.


“Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon, ta boonoshin xuuxiyemmo taane” iton, ebiyee wotta “Doono Yeeri ta, ta asheenaꞌo toommooch nallemmo taane” iton ariibeeto noone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ