Hiziqeeli 7:26 - Kafa Linguistics Project

²⁶ Naxee toommooch naxo woyemmone; woree hilloochoo woroo woyemmone; keemechinaꞌo waanee yaaꞌoon qaawemminaꞌone; tunebaani sheeroo qeesheenaꞌo waanee, ciico geeneenaꞌo waanee aallemmone.

Hiziqeeli 7:26 ပူးပေါင်းရင်းမြစ်များ

Shoddo 74:9

Worganikkiti malletoon beego echetone; echeti keemecho aalloone; ebi aati wottoon tune bi beeyemmo gaata, ariibeeto no daggooch aalloone.

Isiyaasi 47:11

Ne qaaxoona wokkiyoon ne hakkaani gonde mooyo, ne toommooch woyemmone; bayon ne hakkaani aallo ne toommooch shaggemmone; amoonolla ne ariyaan beetaa, diqqoona aallo neech shaggemmone.

Erimiyaasi 18:18

Boonoshiyoo “Sheeroo qeeshoo waan, ciico ariyechinaꞌo waan, qaaro keemechinaꞌo waan aalleyaachemmo bi tunetoyich, ittoshi waataa Erimiyaasi toommooch koceebone; ittoshi waataa heciyoona biin yexone; bi qaaroonoo waayaayone” itinaꞌone.

Erimiyaasi 37:17

Aroochee taatoo Sedeqiyaasi wochii Erimiyaasin deebiꞌi, bi taatee kexoochaa aashoona “Doono Yeeri neech gettiti qaaro beete?” iꞌi echehe. Erimiyaasiyoo “Eeha, beetone; Baabloonee taatoo kishooch beshiitaa ichemmo neene” iye.

Erimiyaasi 4:20

Naxee hillooch naxo dabbiye; showoo bulli tiishee aallehe; ta duukkaanoo diqqoona, ta maccillaatoo qillifee yexx bedaan beetaa, aalletone.

Shoosho 2:9

Uxeree kelleenaꞌo showee dechiich giyiyeete; tuggeenaꞌonoo tiichii aalliihe; taatoonaa bi iraasheenaꞌona boonoshi beeto, kecooch, aageteenaꞌo showoochiye; illa sheeroon doyoo echetone; keemechinaꞌoo Doono Yeer waanee yaaꞌoon beegaachemminaꞌone.

Hiziqeeli 11:2

Doono Yeeriyoo taach ishichiye: “Ashi bushoocho, ebi asheenaꞌo gonde mooyon yamii beetinaꞌone; hini katemee asheenaꞌoyichoo gonde mooyon koccii beetinaꞌonane.

Hiziqeeli 12:22

“Ashi bushoocho, Israꞌeelee showeechon, ‘Yemeeno genjetone; yaaꞌoo bulli naayitone’ ittoshi ii beeti ebi shaahiyee yibbaatoo amoone?

Hiziqeeli 14:1

Israꞌeelee geeneenaꞌoochee asheenaꞌo waaꞌi ta aafooch koteheete.

Hiziqeeli 21:7

‘Amoyichiye ne tuummaabeeto?’ boonoshi getiyooba, ‘Waabeeti woree naboonane; ebi woroo waayeehooba mullo bulli muujjemmone; mochoo bulli taahemmone; kasho bulli niremmone; giidoo bulli aacochoommon ufemmone. Ebiyoo waa beetone; ceenonoo ceennemmone, iye Nuggishoo Doono Yeeri’ gete” iye.

Hiziqeeli 22:26

Bi qeesheenaꞌo ta sheeroon shaaddeheete; ta yaafee kechi mooyinaꞌon eeꞌiiheete; yaafeetonaa yaafeyaanoonon bariyaacheete; xalloonaa eeꞌoonochi daggooch beeti barbarittinoon dojjaacheete; ta shambetoon qallayiyeete; ebina boonoshi daggoochaa qallayehoye.

Hiziqeeli 33:31

Bulli aaboon boonoshi tunii beetoommon ta macceenaꞌo waaree ne aafooch kotemminaꞌone; ne gettaa beeton waayemminaꞌone; tunebaani tuniyaachemminaꞌone; boonoshi noonoona wodde shunoon bekkiiheete; tunebaani boono mulloona boono gaacoon dabbiyeete.

Hiziqeeli 8:1

Kecaa no hammeti shirittinnee natooba, shirittinnee agenee uuchinnee qemooba, ta kexooch kotaꞌa ta beetaa, Yihudee geeneenaꞌo ta aafooch koteꞌi boonoshi beetaa Nuggishoo Doono Yeerichi giidoo ta toommooch kindiye.

Leweenaꞌo 26:18

Ebi bulli mooyo ittoshi toommooch bi tunetoyee gubb, andoo ta qaaroon waayo ittoshi qayigaata, ittoshi axaaxoyich shabaatte kishoon maggiiree ittoshin naxemmo taane.

Leweenaꞌo 26:21

“ ‘Taan shixxii, ta qaaroon waayoon ittoshi qayigaata, ittoshi axaaxee naboona shabaatte kishoon maggeti naxoon ittoshi toommooch deebemmo taane.

Leweenaꞌo 26:24

tawoo ittoshin shixxemmo taane; ittoshi axaaxoyich shabaatte kishoon maggiiree ittoshin naxemmo taane.

Leweenaꞌo 26:28

tawoo ittoshin kaareree shixxemmo taane; ittoshi axaaxoyich shabaatte kishoon maggiiree ittoshin naxemmo taane.

Mikiyaasi 3:6

Ebich, yaaꞌoo boonoshich bekkeyaachemmi xumo, mooyo boonoshich gaxxeyaachemmi manderoo woyemmone. Ebi keemechinaꞌoyich aabo giyemmone; showoo shitirippimi manderemmone” iye.

Milikiyaasi 2:7

“Qeesheenaꞌo Beshe Mawe Doono Yeeri ta wocheyechinaꞌo boonoshi tunetoyich, boonoshi noonooch ariyoon kotiyoo boonoshich qaawiihe. Asheenaꞌoo boonoshi noonoochee doyoon qaawoo boonoshich qaawiihe.

Milikiyaasi 2:9

Ta gommona hamo ittoshi qajjitoyich, ta asheenaꞌon heppaanoon tachiꞌi dojjoo ittoshi qajjitoyich, ta wotta asho bulli aafoochaa hoxeetonaa cooneetonon ittoshin tuniyemmo taane” iye.

Yibbaatoo 32:23

“ ‘Gonde mooyon ittoshi toommooch gutemmo taane; ta shangoon ittoshi toommooch awure ciichemmo taane.

1 Saameeli 3:1

Bushoo Saameeli Eeliyee desh tuneꞌi Doono Yeerich maddee beehe. Aroobee yemeenooch Doono Yeerichi qaaro oogeti aaxxoone. Wodde kaalloon yaaꞌoo bekkeyaanoone.