Hiziqeeli 7:23 - Kafa Linguistics Project

²³ “Showoo damoon ukkoona, katemoo hukkoona bi ceennitoyich, sansalatoon qanniibe!

Hiziqeeli 7:23 ပူးပေါင်းရင်းမြစ်များ

2 Taateenaꞌo 21:16

Minaasi Yihudee asheenaꞌon axaaxoo bi shuuniitaa Doono Yeeri aafooch gonde mooyon boonoshi shuunetoyee baroo wotta, dofee xalle ashi damoon ukkoona Yerusaalemin hachi gocoochee okki gocooch beddaahaa, tajjitone.

2 Taateenaꞌo 24:4

Ebiyee baroo wotta, Minaasi xalle ashi damoon bi ukkee naboonane; Yerusaalemin xalle ashi damoona tajjitone. Ebich Doono Yeeri biin maaroyich daaggaanoone.

Isiyaasi 1:15

“Corootiya ittoshi kishoon ittoshi yaggigaata, ta aafoon ittoshi waanee badd wochemmo taane; woddiiꞌi ittoshi corootitaanona waayeyaachemmo taane; ittoshi kishoo damoona wooretone.

Isiyaasi 59:3

Ittoshi kisheenaꞌo damoona, ittoshi yaphereenaꞌoo axaaxoona wooretinaꞌone; ittoshi noonoo kootoon, ittoshi heciyoo gonde mooyon yibbaatetone.

Isiyaasi 59:7

Boonoshi baatoo gondooch wocciye; xalle damoon ukkoyich afaafineheete; boonoshi gaboo gonde gaboone; aalliyoonaa happoona boonoshi gommooch beetone.

Erimiyaasi 2:34

Gaajjii boonoshi beetaa ne daneyaani, xalleenaꞌo tuneti girechinaꞌochi damoo ne tahoochee danetone. “Ebi bullin tuniichaa,

Erimiyaasi 22:17

“Tunebaani ne mulloonaa ne aafoona tooqqito, tateyaani gommona gaacoon danoyich, xalle damoon ukkoyich, hukkoonaa xuꞌee shuunoonooch baachiye” iye.

Erimiyaasi 27:2

“Waanjoon qannii shachoon gedi ne qettooch xandibe.

Erimiyaasi 40:1

Yerusaaleminaa Yihudee showoonoochee Baabloonee showooch kecaa hammii beetinaꞌona tookkii sansalatoona biin cuchii bi daamiyooba, quyee naayinaꞌochi iraashoo Naabuzaridaani Raamaa Erimiyaasin bi biichitoyee gubb, Doono Yeeri bi qaaroona Erimiyaasich gettiye.

Erimiyaasi 6:7

Oppo aacon bi xuuphiyoommon gondoon xuuphiihane; xuꞌoonaa aallee cookoona bi waanee waayeehe; biiyoonaa mayona bulli aabooch ta aafoochiye.

Erimiyaasi 7:6

dallaawoon, nihaalloonaa xuumeenon xuꞌo ittoshi qayigaata, hini xaaꞌoochaa xalle damoon ukkoo ittoshi qayigaata, ittoshich aalloon deebemmi bare nuggishoon dabboo ittoshi qayigaata,

Shoosho 3:7

Ta muricaachemmoyich uxeroon uxerehe; magge sansalatoona taan cuchiye.

Hiziqeeli 11:6

Hini katemooch ashi dubenoon meechito ittoshine; bi gomminaꞌoochoo dubenoon ceechito ittoshine.

Hiziqeeli 12:19

Showee toommeexi macceenaꞌoyich ishichibe: ‘Nuggishoo Doono Yeeri Israꞌeelee showee daggooch, Yerusaalem beetinaꞌoyich ishichii beetone: “Arooch beetinaꞌochi xuꞌee naboona showoo shokko echemmo bi tunetoyich, boonoshi maayoon shatona maayemminaꞌone; aaconoo xuuxoona uchemminaꞌone.

Hiziqeeli 18:12

girechonaa iritechonon neexxii bi hajjigaata, bi bogigaata, yechiyoon wochoo bi qayigaata, shahalleenaꞌoch bi goyinnegaata, ciigiiti mooyon bi tuniigaata,

Hiziqeeli 22:13

“ ‘Daboona ne daneti gaacoonaa ne daggooch ufeti damoonoyich ta kishoon qahemmo taane.

Hiziqeeli 22:27

Bi daggooch beeti iraasheenaꞌo bi wuxiton yangixxiibeeti okeroomminaꞌone. Tateyaani gommona gaace danoyich ashi damoon ukkii beetinaꞌone.

Hiziqeeli 22:9

Ashi damoon ukkiyoyich koottii beetinaꞌo ne daggooch beetinaꞌone; guudi toommoochaa deejjeeton maa beetinaꞌonaa yahechinaꞌona ne daggooch beetinaꞌone.

Hiziqeeli 45:9

Nuggishoo Doono Yeeri ishichiye: “Israꞌeelee iraasheenaꞌote, illa beddiye. Xuꞌoonaa neexxii hajjoonon neechibote; tatoonaa kaamoona tuneti mooyon tuniibote; ta asheenaꞌon boonoshi iristoochee yooho ebiyee bekk beddiye. Ebin Nuggishoo Doono Yeeri ta getteto taane.

Hiziqeeli 8:16

Aroochee taan Doono Yeerichi yaafee kechi maaci addibaabooch deebiye; ebiyoche Doono Yeerichi yaafee kechi godooch, gaaddaafoonaa deejjee gudoonochi gutte daggooch hiyaa uucha bede asheenaꞌo beeteete; boonoshi gubboon Doono Yeerichi yaafee kexo waan, boonoshi aafoonoo aabi-keyo waan wochiꞌi aabeyich guufee goyinnee beeteete.

Hiziqeeli 8:17

Biyoo taach ishichiye: “Ashi bushoocho, ebin beeggaa beetine? Hiniichaa boonoshi tuniibeeti ebi eeꞌe mooyon tuniyoo Yihudee macceenaꞌoyich ebi kette mooyona? Showoon xuꞌoona ceechoona daakkiꞌi taan ippii beetinaꞌone; ebiyoche boonoshi naagoona taan ippiyoyich boonoshi tuniibeeti mooyo bullin beege.

Hiziqeeli 9:9

Aroochee taach ishichiye: “Israꞌeelee macceenaꞌonaa Yihudee macceenaꞌonochi xuꞌo oogichii woddetone; showoo damoona wooretone; katemoochoo hukkoo woddetone; ‘Doono Yeeri showoon duppitone; biyoo wottee ciinaanoone’ itinaꞌone.

Hosee'i 4:2

Ufo, kooto, wuxoo, gaayonaa yahoona woddee hammiye. Damee ukkoo beshii beshii qeyiye.

Mikiyaasi 2:2

Ashi budon boonoshi qaatigaata, boggii deqqiyeete; ashi kexon boonoshi qaawigaata, boonoshicho tuniiheete. Ashi yaaphoon, bi kechi asheenaꞌonoo boggii daammiyeete.

Mikiyaasi 7:2

Yeer asho showee toommooch aalletone; ashi daggoochoo kaamoo tuneti asho aalloone. Asho bulli ashi damoon ukkoyich ottii quyee beetone; bi manoon dabboona dabbe yecha ii beetone.

Naahoomi 3:10

Tunebaani Tebeesee asheenaꞌo kecaa hammiyeete; boonoshi showoochee kechiyeete; gommi addibaaboochaa, boonoshi gaggereenaꞌo ceqqetaa qitiyeete; aricheti boonoshi asheenaꞌo qoqqaannoona cucheheete; woraafa getteeti boonoshi asheenaꞌon ixoona qoodeeheete.