Hiziqeeli 7:19 - Kafa Linguistics Project

¹⁹ Boonoshi birewoon gommooch duppemminaꞌone; boonoshi aachoo eeꞌe mooyooch haddeyemmone; boonoshi birewoonaa aachoona Doono Yeerichi kaaree aabooba boonoshin wodiyaachemmone. Ebi boonoshich xugo bi tunetoyich boonoshi shaacoon wochaachemmone; woyee boonoshi maacoon michiyaachemmone.

Hiziqeeli 7:19 ပူးပေါင်းရင်းမြစ်များ

2 Taateenaꞌo 7:15

Ebich boonoshiyoo Yoordaanoosi aacooch beddaahaa hammiyeete. Ebiyoche, Sooriyeenaꞌo woceebee, boonoshi holliiti tahoonaa qiicoona gommo bulliich ceenniꞌi beehe. Wocheyechinaꞌo wotteꞌi, ebin taatoyich gettiyeete.

Shaahiyoo 10:2

Axaaxoona daneti gaanno gaacaalloone; tunebaani cadiqoo qitoochee wodiihe.

Shaahiyoo 11:4

Yeeri kaarehooba gaanno gaacaalloone; tunebaani cadiqo qitoochee wodiihe.

Dojjecho 5:10

Gijjoon shunniibeeto, gijjoon miyaachemmone; gaannoon shunniibeeto, shimon danoona digaayeyaachemmone; ebiyoo wotta duuboone.

Isiyaasi 2:20

Arooba asheenaꞌo, goyinneya boonoshi shuuneti birewoonaa aachoonoochee shuuneeti shahalleenaꞌon, ecceenaꞌonaa shakishakeenaꞌonoyich duppemminaꞌone.

Isiyaasi 30:22

Qiicaa shuuneeꞌi birewoona dikkeeti, wociitaa shuuneeꞌi aachoona dikkeeti ittoshi shahalleenaꞌon eeꞌe mooyochoommon “Okk wohote” getiree wokkii duppemmo ittoshine.

Isiyaasi 55:2

Maayo tuneyaani mooyoyich ittoshi gijjoon ittoshi shacciibeeto amoyichiye? Michiyaani mooyoyich ittoshi giidoon ittoshi ciichiibeeto amoyichiye? Ta waanee waayebote, waayebote! Gaawe mooyon mamote; awuyon mamona emiribote.

Shoosho 4:1

Yaafee kechi xaqqeenaꞌo gommo bulliich shaceheete; ye aachoo aabichiꞌi dooshirehe! Gaawe aachoo aabichiꞌi shaddeehe!

Hiziqeeli 13:5

Doono Yeerichi koyee aabooba manji bi neexemmoyich tiisheti uxerooch hammiꞌi Israꞌeelee macceenaꞌoyich uxeroon uxereyaano ittoshine.

Hiziqeeli 14:7

“Israꞌeelo tuneba Israꞌeelee daggooch beeti shiqqoo, tayee biin bariiti shahalloyich bi mulloon hajjiichii, ebi bi gonde shuunoon xugoon tuniiꞌi bi aafooch kotiichii, ta waanee echee waayoyich keemecho waan bi waagaata, ta qelloona Doono Yeeri ta biich wochemmo taane.

Hiziqeeli 30:3

Ebi aabo katinnitone; Doono Yeerichi aabo katinnitone; ebiyoo qubee aaboone; aageteenaꞌoyichoo aallee aaboone.

Hiziqeeli 44:12

Shahalleenaꞌoyich goyinneebeeti asheenaꞌoyich boonoshi maddetoyich, Israꞌeelee yareenaꞌoyichoo axaaxee xugo boonoshi tunetoyich, ‘Boonoshi axaaxoon shaaggemminaꞌone’ iyaꞌa wogeto taane, iye Nuggishoo Doono Yeeri.

Sofoniyaasi 1:18

Doono Yeerichi kaaree aabooba, boonoshi aachoonaa birewoona boonoshin wodiyoon hakkaachemmone. Qaaqqoo aaxxoommon aaxxeebeeti bi qanaatee kaaroona showoo bulli mici aallemmone. Showee toommooch beeti asheenaꞌo bulli toommooch diqqoona aalloon deebemmone.

Sofoniyaasi 1:3

Ashoonaa cooxonon, bahareexi haashoonaa shimaajji gacoonon showee toommoochee hidi aalliyemmo taane; gonde asheenaꞌon dichemmo taane; ashi yaroon showee toommoochee hidi aalliyemmo taane. Ebin gettaabeeto Doono Yeeri taane.

Maatiyoosi 16:26

Wotta asho showee toommooch beeto bullin biicho tuniichii bi kasheen bi muccegaata, amoon biich hallehe? Asho bi kasheen wochiꞌi danoyich amoon qoco hakkehe?

Roomi 11:9

Daawitiyoo ishichiꞌi kooritone: “Boonoshi maayi madoo boonoshich shaachoonaa olloonon tunebe; boonoshich xugo tunebe; boonoshi shuunetoommo boonoshi toommooch shuuneebe;