Hiziqeeli 6:9 - Kafa Linguistics Project

⁹ Ebi muriccii woditinaꞌo, tayee wokkiti yahechi boonoshi mulloonaa shahalloo waan wotteti yahechi boonoshi aafoona am shaahoon taan boonoshi ayinikkito gaata aagetee showooch beechi shalligemminaꞌone; boonoshi shuuneti gonde mooyonaa ciigiiti mooyonoochee tiyitona boonoshi qelloon hoxemminaꞌone.

Hiziqeeli 6:9 ပူးပေါင်းရင်းမြစ်များ

2 Taateenaꞌo 16:10

Taatoo Akaazi Asooree taatoo Tigilaat Fileseerina daneya Damaasiqa bi hamiyooba, arooch beeti deejjee gudoon beeggiye. Aroommi deejjee gudo shuuneyemmoyich bi misiloon qeeshoo Uuriyich deejjiye.

Iyoobi 42:6

Ebich ta qelloon wochaa hoxaabeeto taane; tulloonaa buttoonooch kotaachaa ta gondoon aannaabeeto taane” iye.

Shoddo 137:1

Baablooni aacinaꞌochi gaꞌooch kotehone; Tsiyoonin gabaachaa eeppehone.

Shoddo 78:40

Meeti aaboon barahoochaa bi toommooch tiyiyeete; barahoochaa biin ayinikkiyeete.

Isiyaasi 43:24

Gaawe cinnechi ixaanoon gijjoona taach kemeyaano neene; ne deejjee awuyona taan michiyaano neene; tunebaani ne axaaxoona taach shaagoon tunehine; ne xuꞌoonoo taan taahiihine.

Isiyaasi 63:10

Tunebaani boonoshi bi toommooch hukkoon shuuneꞌi bi Yaafe Ayaanoon ayinikkiyeete; ebich wotteꞌi boonoshich ettoon tunehe; bi qelloona bi, boonoshin kochiye.

Isiyaasi 64:6

No bulliyona axaaxoona eeꞌeto noone; no deꞌittino dupphoona wooreti qoreddoommone; mocee waamochoommon shoollito noone; no axaaxoo yongoochoommon noon hidii daammitone.

Isiyaasi 7:13

Isiyaasiyoo ishichiye: “Daawitichi yareenaꞌote, waayebote. Ashoon ittoshi taahiito giishetaa wotta ta Nuggishoon taahiiya iyote?

Erimiyaasi 3:13

‘Ne Nuggishoo Doono Yeeri toommooch hukkoon tiijjoona ne gondeti gondoon, waajjechi michi baatoo bulliichaa dallaawe nuggisheenaꞌoyich goyinnoona shunee ne mamon, ta qaaroonoo waayee ne qayon, ebi ne gondoon baach ariibe’ iye Doono Yeeri.

Erimiyaasi 3:6

Taatoo Yosiyaasichi taatee yemeenooch Doono Yeeri taach ishichiye: “Gibeneyaani Israꞌeeli tuniiton beeggetine? Ooge geppoo bullinaa waajjechi michi baatoo bullinooch hammaꞌa aroochaa shunoo maahane.

Erimiyaasi 51:50

Goraadoochee muriccitinaꞌote, hambote; neexeyaahote; wohoochaa Doono Yeerin gabibote; Yerusaaleminoo ittoshi mulloona gabibote.

Hiziqeeli 12:16

Tunebaani boonoshi hammiti aageteenaꞌo daggoochaa ciigiiti boonoshi mooyichon boonoshi shalligemmoyich, boonoshi daggoochee giishecheenaꞌon goraadoochee, shaacoonaa biiyoonoochee quye echiyemmo taane; ebiyooba Doono Yeeri ta tunoon ariyemminaꞌone” iye.

Hiziqeeli 16:43

“ ‘Ne bushittinee gooroon gaboo ne qajjetoyich, ne shuuneti mooyo bullinoo taan ne ippiitoyich, ne shuunetoommon neech shuunemmo taane; bare ciigiiti ne mooyo bulli toommooch yahoon meechaane neene? iye Nuggishoo Doono Yeeri.

Hiziqeeli 16:61

Ne qaabbe maneenaa ne guuche maneenon bushiishoochoommon neech ta imiyooba ne gommon gabiree yeellemmi neene; boonoshin neech ta immemmo neenna tookkii ta giyeti wogoommon toonoone.

Hiziqeeli 16:63

Ne tuniiti mooyo bullin echebe ta iyooba ne xuꞌo neech bi tipphiimmona yeellemmi neene; yeellee naboona wochinnoon noonoo wochaachemmi neene, iye Nuggishoo Doono Yeeri’ gete” iye.

Hiziqeeli 20:24

Ebiyoo ta qociyoona hamo boonoshi qajjitoyich, ta geteenaꞌon quyeyaaneenaꞌo boonoshi tunetoyich, ta shambeteenaꞌon boonoshi eeꞌitoyich, boonoshi qaabbechinaꞌochi shahalleenaꞌoyich boonoshi goyinnetoyichiye.

Hiziqeeli 20:28

Boonoshich imma ta wogeti showooch boonoshin deebeto taane; tunebaani boonoshi geppeenaꞌonaa waajjechi mixinaꞌonon beeggiꞌi aroochaa deejjooch giyiyeete; buuroon giddiyoona, gaawe cinnechi ixaanoon shoohona, uyee deejjoonoo taan ippiiheete.

Hiziqeeli 20:43

Aroochaa ittoshi eeꞌeti gomminaꞌonaa ittoshi shuunoo bullinon shalligemmo ittoshine; ittoshi shuuneti gondo bullich ittoshin wochi ciigemmo ittoshine.

Hiziqeeli 20:7

Tawoo boonoshich “Ittoshi ikkikkoona oogichii ittoshi shunniibeeti ciigiiti mooyinaꞌon ittoshi waanee wokkiibote; Gibitsee showeexi shahalleenaꞌona eeꞌeyaahote; ta ittoshi Nuggishoo Doono Yeeri taane” iyoye.

Hiziqeeli 23:30

ebi bulli ne toommooch woyemmoyich tuniitone; ebiyoo aageteenaꞌona tookkii ne shadditonaa boonoshi shahalleenaꞌona ne eeꞌetonoyichiye.

Hiziqeeli 5:13

“Ta kaaroon, ta neboonoo boonoshi toommooch kindiichi tooꞌi digaayemmo taane; ta kaaroon boonoshi toommooch ta kindiihooba Doono Yeeri ta, ta qanaatoona getteto ta tunoon ariyemminaꞌone.

Hiziqeeli 6:10

Boonoshiyoo ta, Doono Yeeri ta tunoon, ebi gonde mooyon boonoshi toommooch tuniyemmo taane ta ito duuboon tunee bi qayonoo ariyemminaꞌone, itone’ gete” iye.

Hiziqeeli 7:16

Muriccii woditinaꞌo guudi toommooch beechi bambeexi daabbichoommon boonoshi axaaxoyich shooshemminaꞌone.

Hosee'i 11:8

Efreemo, aabichiree neen duppehote? Israꞌeelo, aabichiree neen beshii immehote? Adiimaa ta tuniitoommon aabichiree ne toommooch tuniyehote? Tseboyimaa ta tuniitoommon aabichiree ne toommooch tuniyehote? Ta mullo ta maacoochaa qewetone; taanoo ariqqichitone.

Amootsi 2:13

Illa and maayo xaaneeti gaari neexxii pharixoommon ittoshin neexi pharixxemmo taane.

Mikiyaasi 5:13

Qiicaa shuuneeti ittoshi shahalleenaꞌon, ittoshi goyinnee xaqqee giimboonoo aalliyemmo taane; ebiyee gubb, ittoshi kishoona ittoshi shuuneti mooyoyich goyinneyaachemmo ittoshine.

Zakaariyaasi 10:9

Aageteenaꞌo daggooch boonoshin ta shaccetaanona wohi showooch beechi taan shalligemminaꞌone. Boonoshi bushiisheenaꞌona tookki kashoona beeree, boonoshi showooch wottemminaꞌone.

Haddoo 15:39

Ebi caappeenaꞌo shalligicheenaꞌo boonoshi tunetoyich, boonoshin ittoshi beegiyooba Doono Yeeri ta getoon shalligi quyemmo ittoshine. Ittoshi mullo qaatitonaa ittoshi aafo beeggitonon dabbi hamaachemmo ittoshine.

2 Pheexiroosi 2:14

Maacheen beeggii beshiiyaaneenaꞌone; beddiye iꞌi axaaxee shuunoochee wotteyaaneenaꞌone. Ikke gaboona manjaani asheenaꞌon dawushii beetinaꞌone; hiriggoon doyiti mullo boonoshich beetone; uppeti shiijjereenaꞌone.