Hiziqeeli 6:7 - Kafa Linguistics Project

⁷ Wuxeetinaꞌo ittoshi daggooch dihemminaꞌone; ittoshiyoo Doono Yeeri ta tunoon ariyemmo ittoshine.

Hiziqeeli 6:7 ပူးပေါင်းရင်းမြစ်များ

2 Taateenaꞌo 19:19

Andoo no Nuggishoo Doono Yeero, showee taateenaꞌo bulli Doono Yeeri ne ikkeeto baach Nuggishoo ne tunoon boonoshi ariyemmoyich, bi kishoochee noon ne wodiyemmoyich, neen qollehoye” iye.

Keyo 14:18

Farooni toommooch, bi gaarinaa hareshechinaꞌonochi toommoochoo ta oogoon ta bekkiihooba, Gibitseenaꞌo Doono Yeeri ta tunoon ariyemminaꞌone” iye.

Keyo 14:4

Tawoo Farooni mulloon ta muumiitaa, ittoshin yoohi dabbemmone. Tunebaani Farooninaa bi ginee naayo bullinochi toommooch ta oogo bekkemmone. Gibitseenaꞌo Doono Yeeri ta tunoon ariyemminaꞌone” iye. Israꞌeeleenaꞌo boonoshich getteetoommon tuniiheete.

Keyo 7:5

Giidechi ta mochoon Gibitseenaꞌo toommooch bekkiyaꞌa, Israꞌeeleenaꞌon boonoshi showoochee ta kichiyooba, Doono Yeeri ta tunoon Gibitseenaꞌo ariyemminaꞌone” iye.

Erimiyaasi 14:18

Gaddooch ta hammemmona, ebiyoche goraadoona qititinaꞌo beeteete; katemooch ta giyemmona, qitooch beddaahaa shaacetinaꞌo beeteete; keemechinaꞌonaa qeesheenaꞌona boonoshi ariyaanee showooch hammitinaꞌone’ itone gete” iye.

Erimiyaasi 18:21

Ebich boonoshi bushiisheenaꞌo shaacemmoyich tuniibe; ginooch beshiiree boonoshin imbe; boonoshi mecheenaꞌo bushaalleenaꞌonaa xuumeenaꞌonon tunebeete; boonoshi anaaminaꞌo qitoona aallebeete; boonoshi gurimaasheenaꞌo koyooba goraadoona aallebeete.

Erimiyaasi 25:33

Ebiyooba Doono Yeeri wuxitinaꞌo showee tuggoochee showee tuggooch beddaahaa yacheyemminaꞌone. Boonoshich eeppeyaachemmone; ikkooch kiceyaachemminaꞌone; dukkeyaachemminaꞌone; showee toommooch guudoochoommon qixeyemminaꞌone.

Shoosho 4:9

Shaacoona qititinaꞌoyee, goraadoona qititinaꞌoyich gaawiye; budoochee daneebeeti maayoon mucceꞌi, xambii aalletinaꞌone.

Hiziqeeli 11:10

Ginoona dihemmo ittoshine; Israꞌeelee showee daaroochaa ittoshi toommooch nallemmo taane; ebiyooba Doono Yeeri ta tunoon ariyemmo ittoshine.

Hiziqeeli 11:12

Ittoshi guudoona beeti aageteenaꞌo sheeroon quyehotalli ta qociyoona hamaano ittoshi tunetoyich, ta getoon quyo ittoshi qajjitoyich, ebiyooba Doono Yeeri ta tunoon ariyemmo ittoshine” iye.

Hiziqeeli 12:15

“Aageteenaꞌo daggooch boonoshin ta shaciyooba, showee toommoochoo boonoshin ta yoohiyooba, Doono Yeeri ta tunoon ariyemminaꞌone.

Hiziqeeli 12:19

Showee toommeexi macceenaꞌoyich ishichibe: ‘Nuggishoo Doono Yeeri Israꞌeelee showee daggooch, Yerusaalem beetinaꞌoyich ishichii beetone: “Arooch beetinaꞌochi xuꞌee naboona showoo shokko echemmo bi tunetoyich, boonoshi maayoon shatona maayemminaꞌone; aaconoo xuuxoona uchemminaꞌone.

Hiziqeeli 13:14

Booroona ittoshi dikketi xaqqee kecoon happemmo taane; bi heco bekkemmooch beddaahaa dichemmo taane; bi dihiyooba, ittoshiyoo bi daggoochaa aallemmo ittoshine; aroochee Doono Yeeri ta tunoon ariyemmo ittoshine.

Hiziqeeli 13:21

Qelli kaafoonoo keexi shootiree ta asheenaꞌon aroochee wodiyemmo taane; ebiyee bekk ittoshi kishooch dihaachemminaꞌone; ebiyooba Doono Yeeri ta tunoon ariyemmo ittoshine.

Hiziqeeli 13:23

Ebiyee bekk koote yaaꞌoon beegaachemmo ittoshine; qaaxoonoo qaaxeyaachemmo ittoshine; ta asheenaꞌon ittoshi kishoochee wodiyemmo taane; ebiyooba Doono Yeeri ta tunoon ariyemmo ittoshine, itone’ gete” iye.

Hiziqeeli 13:9

Ta kishoo duube yaaꞌoon beeggii beetinaꞌonaa kootoon qaaxee beetinaꞌonochi toommooch tiyemmone; boonoshi ta asheenaꞌochi iitee daggooch daneyaachemminaꞌone; Israꞌeelee yaree macaafooch kooreyaachemminaꞌone; Israꞌeelee showoochoo giyaachemminaꞌone; ebinoo Nuggishoo Doono Yeeri ta tunoon ariyemmo ittoshine.

Hiziqeeli 14:8

Are uro toommooch ta aafoon maggiyemmo taane; cooqqireyechonaa sheeree malletoonon biin tuniyemmo taane; ta asheenaꞌo daggoochee biin waaxxemmo taane. Aroochee Doono Yeeri ta tunoon ariyemmo ittoshine.

Hiziqeeli 15:7

Ta aafoon boonoshi toommooch maggiyemmo taane; qaaqqoochee boonoshi muriccitaa, qaaqqoo boonoshin maayemmone. Ta aafoon boonoshi toommooch ta maggiihooba, Doono Yeeri ta tunoon ariyemmo ittoshine.

Hiziqeeli 20:26

Boonoshi gutenee bushiishoon qaaqqee toommooch giddii deejjoona boonoshi eeꞌee beetaa cikkii qajjoye; ta eechito, boonoshin keqqichoyich, Doono Yeeri ta tunoonoo boonoshi ariyemmoyich tuniyoyichiye’ itone gete.

Hiziqeeli 20:38

Ittoshi daggoochee hukkechinaꞌonaa taan xuqqitinaꞌonon wokkiyemmo taane; boonoshi beeti showoochee boonoshin kichemmo taane; tunebaani Israꞌeelee showooch giyaachemminaꞌone. Ebiyooba Doono Yeeri ta tunoon ariyemmo ittoshine.

Hiziqeeli 20:42

Ittoshi qaabbechinaꞌoyich imoyich wogoon ta giyeti Israꞌeelee showooch ittoshin wochaa ta deebiyooba, Doono Yeeri ta tunoon ariyemmo ittoshine.

Hiziqeeli 20:44

Israꞌeelee macceenaꞌote, ittoshi gonde goomoommonaa shuunoommona tuneyaanoon, ta shigoyicha getiree ittoshich ta tuniyemmi mooyona Doono Yeeri ta tunoon ariyemmo ittoshine, iye Nuggishoo Doono Yeeri’ itone gete” iye.

Hiziqeeli 22:16

Ne, aageteenaꞌo aafooch cooneyemmi neene; Doono Yeeri ta tunoonoo ariyemmi neene’ itone gete” iye.

Hiziqeeli 23:49

Ebi manaamaneenaꞌo ittoshi guttiyoo qocee gondee gatiyoon danemmo ittoshine; shahalloyich ittoshi goyinnetoyich naxeyemmo ittoshine; ebina Nuggishoo Doono Yeeri ta tunoon ariyemmo ittoshine” iye.

Hiziqeeli 24:24

Ebina Hiziqeeli ittoshich malletoo tunemmone; bi tuniito bulliyoommon ittoshiyoo tuniyemmo ittoshine; ebi tunehooba ta, Nuggishoo Doono Yeeri ta tunoon ariyemmo ittoshine’ itone” iyo.

Hiziqeeli 24:27

Ebiyooba ne noonoo biichetaa biinna tookki yibbaatemmo neene; aroyee gubb dudoo tuneyaachemmo neene. Asheenaꞌoyichoo malletoon tunemmo neene; boonoshiyoo Doono Yeeri ta tunoon ariyemminaꞌone” iye.

Hiziqeeli 25:17

Oogeti nichoon boonoshi toommooch gaaccemmo taane; neboonoo boonoshi toommooch kindiyemmo taane; boonoshi toommooch nichoon ta gaaciyooba Doono Yeeri ta tunoon ariyemminaꞌone’ itone gete” iye.

Hiziqeeli 26:6

Inde bi showooch beeti bi asheenaꞌo goraadoona guureyemminaꞌone; ebina Doono Yeeri ta tunoon ariyemmine’ iye.

Hiziqeeli 28:23

Kupphe biiyoon ittoshi toommooch deejjemmo taane; gomminaꞌooch damoo ufemmoyich tuniyemmo taane; ittoshi guudo bulliichee waabeeti goraadoona ittoshi daggoochee asheenaꞌo qitemminaꞌone. Ebina boonoshi Doono Yeeri ta tunoon ariyemminaꞌone’ gete” iye.

Hiziqeeli 30:26

Gibitsee asheenaꞌon aageteenaꞌo daggooch shaccemmo taane; showee toommoochoo bitinnemmo taane; aroochee boonoshiyoo Doono Yeeri ta tunoon ariyemminaꞌone’ ” iye.

Hiziqeeli 32:15

Gibitsee showoon shokko ta echiihooba, showoo bi daggooch ceenniton bi muccehooba, arooch beeto bullin ta aalliihooba, ebina Doono Yeeri ta tunoon ariyemminaꞌone’ gete.

Hiziqeeli 35:15

Israꞌeelee macceenaꞌochi iristo shokko echetaa ne emiritoyich tawoo ebiyoommon ne toommooch tuniyemmo taane. Seyiri guudoocho, neennaa Edoomina bulla shokkoon echemmo ittoshine; ebina boonoshiyoo Doono Yeeri ta tunoon ariyemminaꞌone’ itone gete” iye.

Hiziqeeli 38:23

Ebina ta oogoonaa ta yaafittinoonon bekkiyemmo taane; meeti aageteenaꞌoyichoo taan arichiyemmo taane; aroochee ta, Doono Yeeri ta tunoon ariyemminaꞌone.

Hiziqeeli 6:13

Wuxeeti boonoshi asheenaꞌo deejjee gudee guudooch beeti boonoshi shahallee daggooch, genje geppoo bullinaa guudo bullinochi toommooch, waajjechi mixo bullinaa wodde waajjechi meello bullinochi baatooch, shahalloyich shaawi cinnechi deejjoon boonoshi giddiiti xaaꞌoo bulliichoo boonoshi dihoon boonoshi beegiyooba, Doono Yeeri ta tunoon ariyemminaꞌone.

Hiziqeeli 6:6

Ittoshi beeti katemeenaꞌo bulli happeyemminaꞌone; ittoshi goyinnee xaaꞌeenaꞌo aallemminaꞌone; ittoshi deejjee gudeenaꞌo happeeree aallemminaꞌone; ittoshi shahalleenaꞌo tiishaa aallemminaꞌone; ittoshi ixaanee deejjee gudo buricemmone; ittoshi shuuneenaꞌo hidaa aallemminaꞌone.

Hiziqeeli 6:8

“ ‘Tunebaani ittoshi daggoochee giishecheenaꞌo murici wodemmoyich tuniyemmo taane; tunetaa boonoshiyoo aagetee showeenaꞌooch shacemmoyich tuniyemmo taane.

Hiziqeeli 7:4

Neech ayini ariqqeyaachemmo taane; tunebaani ne shaaddoonaa ne daggooch beeti ciigiiti mooyonoyich neen naxemmo taane; aroochee Doono Yeeri ta tunoon ariyemmi neene.

Hiziqeeli 7:9

Neech ayini ariqqeyaachemmo taane; tunebaani ne shaaddoonaa ne daggooch beeti ciigiiti mooyonoyich neen naxemmo taane; aroochee neen naxaabeeto Doono Yeeri ta tunoon ariyemmi neene.

Hiziqeeli 9:7

Biyoo boonoshich “Hamiree yaafee kexon eeꞌiibote; addibaabooch dubenoon ceechibote; tiyi hambote” iye. Ebich hammiꞌi katemeexinaꞌon wuxooch giyiyeete.