Hiziqeeli 6:6 - Kafa Linguistics Project

⁶ Ittoshi beeti katemeenaꞌo bulli happeyemminaꞌone; ittoshi goyinnee xaaꞌeenaꞌo aallemminaꞌone; ittoshi deejjee gudeenaꞌo happeeree aallemminaꞌone; ittoshi shahalleenaꞌo tiishaa aallemminaꞌone; ittoshi ixaanee deejjee gudo buricemmone; ittoshi shuuneenaꞌo hidaa aallemminaꞌone.

Hiziqeeli 6:6 ပူးပေါင်းရင်းမြစ်များ

1 Taateenaꞌo 14:23

Boonoshiyoo guudi toommo bullinaa waajjechi michi baatoo bullinooch goyinnee xaaꞌeenaꞌon, goyinnee xaqqee giimbeenaꞌonaa Asheeri misileenaꞌonon shuuneheete.

Shoddo 115:8

Boonoshin shuunetinaꞌo, boonoshin gibenee beetinaꞌo, boonoshiyoomminaꞌone.

Isiyaasi 1:31

Kupphe asho galloommon, bi shuunoo qaaqqee xeeroommon tunemmone; guttiyona tookki miccemminaꞌone; qaaqqoonoo takkemmo aalloone.

Isiyaasi 2:18

Shahalleenaꞌo ciroona aallemminaꞌone.

Isiyaasi 2:20

Arooba asheenaꞌo, goyinneya boonoshi shuuneti birewoonaa aachoonoochee shuuneeti shahalleenaꞌon, ecceenaꞌonaa shakishakeenaꞌonoyich duppemminaꞌone.

Isiyaasi 27:9

Illa Israꞌeeleenaꞌo boonoshi axaaxoyich maaroon dano boonoshi hakkemmo, aageteenaꞌochi deejjee gudee xaqqeenaꞌon tiichii boonoshi aalliigaata, ixaanee deejjee gudoonaa Asheeri misileenaꞌonon boonoshi aallii gaatane.

Isiyaasi 6:11

Tawoo “Ta Doonocho, ebi tunemmo aati wottooniye?” iyo. Biyoo taach wochiꞌi ishichiye; “Katemeenaꞌo beeyemmon mucceꞌi happeemmi wottoon, kexinaꞌo ashaalli onoon tunemmi wottoon, showee ciroona shokko echemmi wottooniye.

Isiyaasi 64:10

Ne yaafe katemeenaꞌo barahoon tunetinaꞌone; Tsiyooniyoo barahoo tunetine; Yerusaalemi tiishaa aalletine.

Erimiyaasi 10:22

Ebiyoche, gonde woroo waayee beetone! Yihudee katemeenaꞌon shokkoonaa boqqello qeyi xaaꞌoonon tuniyoyich, dambi-waanee giidechi gino waa beetone.

Erimiyaasi 17:3

Gaddooch beeti ta guudoocho! Ne gaannoon, ne hajjoo bullin, geppeenaꞌooch beeti ne goyinnee xaaꞌeenaꞌon ne axaaxee naboona ne etteenaꞌo boggemmoyich tuniyemmo taane.

Erimiyaasi 2:15

Daahereenaꞌo bi toommooch gigeheete; qaaroon oogichiꞌi gigeheete; bi showoonoo shokko echiiheete; bi katemeenaꞌoo micciꞌi ashaalli onoo tuneheete.

Erimiyaasi 34:22

Andoo boonoshich gettemmo taane; hini katemoochoo wochi boonoshin deebemmo taane; ebi katemoon kocheminaꞌone; yechemminaꞌone; qaaqqoonoo michemminaꞌone; Yihudee katemeenaꞌon ashaalli shokkoon tuniyemmo taane” iye Doono Yeeri.

Erimiyaasi 51:18

Eboshi gaacaalleenaꞌone; cooqqiree shuuneenaꞌone; boonoshi naxeyemmi aabooba aallemminaꞌone.

Erimiyaasi 9:10

Guudinaꞌoyich eeppemmo taane; baraheexi gaddeenaꞌoyichoo shooshemmo taane; aroona asho besheyaani shokkaachoo tunetinaꞌone; miinji qaadoo waayeyaanoone; cooxinaꞌonaa shimaajji kafeenaꞌona goojjii hammitinaꞌone.

Erimiyaasi 9:11

Doono Yeeri ishichiye: “Yerusaalemi katemoon buricee gutoo, boqqelleenaꞌo gofo tuniyemmo taane; Yihudee katemeenaꞌonoo asho goojjiti xaaꞌoon tuniyemmo taane” iye.

Erimiyaasi 9:19

“Aabichii aallehone! Ciroona cooneeto noone! No kexinaꞌo happeetoyich showoon duppeto noone” ii beeti eeppi qaaro Tsiyoonee waayeehe.

Hiziqeeli 12:19

Showee toommeexi macceenaꞌoyich ishichibe: ‘Nuggishoo Doono Yeeri Israꞌeelee showee daggooch, Yerusaalem beetinaꞌoyich ishichii beetone: “Arooch beetinaꞌochi xuꞌee naboona showoo shokko echemmo bi tunetoyich, boonoshi maayoon shatona maayemminaꞌone; aaconoo xuuxoona uchemminaꞌone.

Hiziqeeli 16:39

Ne shunimaayeenaꞌochi kishooch neen beshii immemmo taane; boonoshiyoo ne xoobe xaaꞌoonaa ne goyinnee xaaꞌoonon happemminaꞌone; ne tahoon shooti, ne shashoon daami neen shokke hulloo echiyemminaꞌone.

Hiziqeeli 30:13

“ ‘Nuggishoo Doono Yeeri ishichiye: Shahalleenaꞌon aalliyemmo taane; Memifisi beeti misileenaꞌon aalliyemmo taane; ebiyee bekk Gibitsee showooch iraashoo beetaachemmone; Gibitsee showoochoo shaton deejjemmo taane.

Hiziqeeli 35:4

Ne katemeenaꞌon happemmo taane; newoo shokkoon echemmo neene; ta, Doono Yeeri ta tunoon ariyemmo neene.

Hiziqeeli 5:14

“Ebiyeenoo wotta, ittoshin shokko echiyemmo taane; ittoshi guudoona beeti aageteenaꞌonaa aroona beshee beetinaꞌona ittoshi cooneyemmoyich tuniyemmo taane.

Hiziqeeli 6:4

Ittoshi deejjee gudo happeyemmone; ittoshi ixaanee deejjee gudeenaꞌo buricemminaꞌone; wuxeeti ittoshi asheenaꞌon ittoshi shahalleenaꞌo aafooch duppemmo taane.

Hiziqeeli 6:7

Wuxeetinaꞌo ittoshi daggooch dihemminaꞌone; ittoshiyoo Doono Yeeri ta tunoon ariyemmo ittoshine.

Hosee'i 10:2

Dawushechi mullechinaꞌone. Ebich boonoshi xuꞌee gatiyoon deqqemminaꞌone. Doono Yeeri boonoshi deejjee gudeenaꞌon tiichemmone. Boonoshi goyinnee xaqqee giimbeenaꞌon aalliyemmone.

Hosee'i 10:8

Israꞌeelich axaaxoo tuneti Aweeni geppee toommeexi goyinnee xaaꞌeenaꞌo happeyemminaꞌone. Angixonaa guccinona keyiree boonoshi deejjee gudeenaꞌon bullemmone. Ebiyooba guudinaꞌon “Noon qeribote,” geppeenaꞌonoo “No toommooch dihibote” gettemminaꞌone.

Leweenaꞌo 26:30

Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.

Leweenaꞌo 26:31

Ittoshi katemeenaꞌon happemmo taane; ittoshi goyinnee xaaꞌoonoo happi bajjemmo taane; gaawe cinnechi ittoshi deejjoonoo deꞌaachemmo taane.

Mikiyaasi 1:7

Bi shahalleenaꞌo tiisheree buricemminaꞌone. Bi yaafee kechi yahechinaꞌoyich qocheti qiiceenaꞌo bulli qaaqqoona michaa aallemminaꞌone. Shahalleenaꞌochi misileenaꞌo bullin aalliyemmo taane. Shamaaree asheenaꞌo ebi misileenaꞌo bullin boonoshi kicito yahechinaꞌoyich qocoo qocenane; boonoshi etteenaꞌo keci daamiree yahechinaꞌoyich bi qocceyemmoyich tuniyemminaꞌone” iye.

Mikiyaasi 3:12

Ebich, ittoshi naboona Tsiyooni budo gocheyoommon gocheyemmine; Yerusaalemiyoo xaqqee gutoon tunemmine. Yaafee kexo beeti geppoochoo kubbo collemmone.

Mikiyaasi 5:13

Qiicaa shuuneeti ittoshi shahalleenaꞌon, ittoshi goyinnee xaqqee giimboonoo aalliyemmo taane; ebiyee gubb, ittoshi kishoona ittoshi shuuneti mooyoyich goyinneyaachemmo ittoshine.

Imbaaqoomi 2:18

Shahallee gaaco amoone? Ashi kishoona shuuneeti mooyo toone? Kootoyee besh bi waanee amolla daneyaache. Biin shuuneti asho, ebi noona miime mooyon bi gibeneebeeto amoyichiye?

Sofoniyaasi 1:18

Doono Yeerichi kaaree aabooba, boonoshi aachoonaa birewoona boonoshin wodiyoon hakkaachemmone. Qaaqqoo aaxxoommon aaxxeebeeti bi qanaatee kaaroona showoo bulli mici aallemmone. Showee toommooch beeti asheenaꞌo bulli toommooch diqqoona aalloon deebemmone.

Zakaariyaasi 13:2

Beshe Mawe Doono Yeeri ishichiye: “Ebiyooba shahalleenaꞌochi shigoon showee toommoochee aalliyemmo taane. Aroyee gubb, ciroona shalligeyaachemminaꞌone. Koote keemechinaꞌonaa gonde ayaaneenaꞌonon showoochee aalliyemmo taane.

1 Saameeli 5:4

Bi dechara maaddoona tiyiꞌi ciinniꞌi, Daagooni andoo Doono Yeerichi taabootee aafooch, showooch guufeꞌi beeton beeggiyeete. Bi qelloonaa bi gutte kishoona kuxeꞌi kellee gaakkooch holliichaa, echeto bi duboo baachiye.