Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hiziqeeli 6:3 - Kafa Linguistics Project

3 Ishichishoo gete: Israꞌeelee guudinaꞌote, Nuggishoo Doono Yeerichi qaaroon waayebote; Nuggishoo Doono Yeeri guudinaꞌonaa geppeenaꞌonoyich, qaaꞌeenaꞌonaa bambeenaꞌonoyich ishichii beetone: ‘Ta, ittoshi toommooch ginoon deebemmo taane; ittoshi goyinnee xaaꞌeenaꞌon aalliyemmo taane.

အခန်းကိုကြည့်ပါ။ ကော်ပီ




Hiziqeeli 6:3
14 ပူးပေါင်းရင်းမြစ်များ  

Boonoshiyoo guudi toommo bullinaa waajjechi michi baatoo bullinooch goyinnee xaaꞌeenaꞌon, goyinnee xaqqee giimbeenaꞌonaa Asheeri misileenaꞌonon shuuneheete.


Illa Israꞌeeleenaꞌo boonoshi axaaxoyich maaroon dano boonoshi hakkemmo, aageteenaꞌochi deejjee gudee xaqqeenaꞌon tiichii boonoshi aalliigaata, ixaanee deejjee gudoonaa Asheeri misileenaꞌonon boonoshi aallii gaatane.


Oogeti aallee aabooba, xaqqee uxereenaꞌo dihiyooba, genje guudinaꞌonaa geppeenaꞌonooch aaco woccemmone.


Beshe Mawe Doono Yeeri ishichiye: “Meeti yemeenoyee aafi ne waanjoon tiichehoye; ne cuyoonoo kuxxehoye; tunebaani ne, taach maddoon qajjehine. Yahechichoommon, geppe xaaꞌoo bulliich, waajjechi michi baatoo bulliich qeyehine.


Showoocho, showoocho, showoocho! Doono Yeerichi qaaroon waayebe!


Guudinaꞌonaa geppeenaꞌonoochaa shahalloyich goyinneebee no dulloona dacheeto noone. Israꞌeeleenaꞌoyich wodoo danemmo no Nuggishoo Doono Yeer waanee baachiye.


Taatoo Yosiyaasichi taatee yemeenooch Doono Yeeri taach ishichiye: “Gibeneyaani Israꞌeeli tuniiton beeggetine? Ooge geppoo bullinaa waajjechi michi baatoo bullinooch hammaꞌa aroochaa shunoo maahane.


“ ‘Tunebaani Israꞌeelee guudinaꞌote, atoon atemmo ittoshine; katinoon woyemminaꞌo boonoshi tunetoyich, ta asheenaꞌo tuneti Israꞌeeleenaꞌoyich aafoon aafemmo ittoshine.


Ta wogoon ittoshi happitoyich, ginoon ittoshi toommooch deejjiree nichoon kichemmo taane. Ittoshi qelloon wodiyoyich ittoshi katemeenaꞌooch ittoshi kiceetaanona, kupphe biiyoon ittoshi daggooch giijjemmo taane; ittoshi etteenaꞌo kishooch beshiitaa ichemmo ittoshine.


Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.


Guudi toommooch beeti Yisaaqi shiijjereenaꞌochi goyinnee xaaꞌeenaꞌo aallemminaꞌone. Israꞌeelee showeexi yaafe xaaꞌeenaꞌo happee aallemminaꞌone. Yeroboꞌami shiijjereenaꞌo toommooch tiyiree goraadoona boonoshin aalliyemmo taane” iye.


Doono Yeeri yaaqqiibeeti taggoon waayebote! Doono Yeero, tiyiree ne taggoon yaaꞌe; geppeenaꞌo ne qaaroon waayebeete.


Guudinaꞌote, bulli aaboon manjiꞌi beeti showee koteenaꞌote, Doono Yeeri taggeebeeti taggoon waayebote! Doono Yeeri bi asheenaꞌona tookkii gajjitee beetone; Israꞌeeleenaꞌonoo taggee beetone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ