Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hiziqeeli 5:8 - Kafa Linguistics Project

8 Ebich Nuggishoo Doono Yeeri ishichiye: “Ta, ta qelloona ne toommooch tiyeto taane; aageteenaꞌo aafoochaa ne toommooch nallemmo taane.

အခန်းကိုကြည့်ပါ။ ကော်ပီ




Hiziqeeli 5:8
30 ပူးပေါင်းရင်းမြစ်များ  

Bambee tookk koteti Yerusaaleme, gaddee toommeexi shiishe xaqqeene! Ne toommooch tiyeto taane, iye Doono Yeeri. Newoo “Koni waaree taan kindiiyehe? Koni ta gafooch giyehe?” ii beeti neene.


Kaaroona, neboona, ooge naxoona, yaggeeti ta kishoona, kupphe ta mochoonoo ittoshin kochemmo taane.


Showee taatittino bulliichaa, wuche getteetinaꞌo tuniyemmo taane; boonoshin ta yookketi xaaꞌoo bulliichaa tocheyoyich, shixxeyoonaa ufonoyich tuniyemmo taane.


Boonoshin daneto bulli maahe; boonoshi etteenaꞌoo ‘No xuꞌaano noone; boonoshi, ibere boonoshi beeyi xaaꞌoo, boonoshi qaabbechinaꞌochi gibeno tuneti boonoshi Nuggishoo Doono Yeerin xuqqitinaꞌone’ itinaꞌone.


Doono ettoon tunehe; Israꞌeeleenaꞌon aalliihe; bi taatee kexo bullin aalliihe; bi mishigeenaꞌon happiye; Yihudee asheenaꞌoyich, eefonaa shooshoonon woddiihe.


Bi kishoon ta toommooch tiijjiꞌi, heeyo bullin wochii wochii taan yexxiye.


Bi daggoochee ittoshin kichemmo taane; ashi showee asheenaꞌochi kishooch ittoshin beshiiree immemmo taane; ittoshi toommoochoo naxoon kindiyemmo taane.


“ ‘Ebich Nuggishoo Doono Yeeri ishichiye: Duube mooyon ittoshi yibbaatetonaa koote yaaꞌoon ittoshi beeggitonoyich, ittoshi toommooch tiyeto taane, iye Nuggishoo Doono Yeeri.


Ta aafoon boonoshi toommooch maggiyemmo taane; qaaqqoochee boonoshi muriccitaa, qaaqqoo boonoshin maayemmone. Ta aafoon boonoshi toommooch ta maggiihooba, Doono Yeeri ta tunoon ariyemmo ittoshine.


Ne kexinaꞌon qaaqqoona michemminaꞌone; meeti maacheenaꞌo aafoochaa ne toommooch nallemminaꞌone; yahoon ne neechemmoyich tuniyemmo taane; ebiyee bekk ne shunechinaꞌoyich gatiyoon qocaachemmi neene.


Israꞌeelee showoyichoo ‘Doono Yeeri ishichiye: Ebiyoche ne toommooch tiyeto taane; ta goraadoon bi gonenoochee kaaciree cadiqoonaa gonde ashoonon ne daggoochee aalliyemmo taane.


‘Nuggishoo Doono Yeeri ishichiye: Sidoone, ne toommooch tiyeto taane; ne daggoochaa oogoon danemmo taane; ne toommooch ta nalliyooba, ta yaafittinoonoo ne daggooch ta bekkiihooba asheenaꞌo Doono Yeeri ta tunoon ariyemminaꞌone.


Gibitseenaꞌochi toommooch nallemmo taane; aroochee boonoshiyoo Doono Yeeri ta tunoon ariyemminaꞌone’ itone gete” iye.


Nuggishoo Doono Yeeri ta ishichiyoye: Ebiyoche ta qiddeenaꞌo toommooch tiyeto taane. Ta bageenaꞌon boonoshi kishoochee qaawemmo taane; wochinnoon boonoshi shiimemmoyich tuniyaachemmo taane; qiddeenaꞌo boonoshi qelloon wochi boonoshi shiimeyaachemmoyich tuniyemmo taane; boonoshich maayoon boonoshi tuneyaachemmoyich, ta bageenaꞌon boonoshi kookkoochee wodiyemmo taane.


Nuggishoo Doono Yeeri ta gettaa beeton ishichi gete: ‘Seyiri guudoocho, ne toommooch tiyeto taane; ta mochoon ne toommooch tiijjemmo taane; shokkaachoonaa amaalloonon neen tuniyemmo taane.


“Andoo ashi bushoocho, Googi toommooch keemoon ishichi keembe: ‘Nuggishoo Doono Yeeri ishichiye: Mesheekinaa Tubaalinochi iraashoo tuneti Googo, ta ne toommooch tiyeto taane.


Kaaroona, neboona, ooge noggoona ittoshi toommooch ta nalliyooba, ittoshi guudoona beeti aageteenaꞌoyich naago, tochoo, meeqqeqqiyoonaa wuche getteyoonon tunemmo ittoshine; Doono Yeeri ta, ebin getteto taane.


Beshe Mawe Doono Yeeri ishichiye: “Ittoshi toommooch tiyeto taane; ittoshi gaarinaꞌon michemmo taane. More daaheroommi ittoshi bushiisheenaꞌon goraado maayemmone; wuxi ittoshi maayemmi mooyon showee toommooch echiyaachemmo taane. Ne wocheyechinaꞌochi qaaro ebiyee bekk waayeyaachemmone” iye.


Taatoo ebin waayeꞌi oogichii kaarehe; bi naayinaꞌon daachiiꞌi are wuxitinaꞌon wuxiihe; boonoshi katemoonoo michiihe.


Ebiyoommi ashoon Doono Yeeri maaraachemmone; bi kaaree shiixxoonaa qanaatoonon bi toommooch kindiyemmone; hini macaafooch kooreeti ufo bulli bi toommooch kindemmone. Doono Yeeri bi shigoon hini showee toommoochee aalliyemmone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ