Hiziqeeli 5:17 - Kafa Linguistics Project

¹⁷ Shaacoonaa gonde cooxinaꞌonon ittoshi toommooch deejjemmo taane; ittoshi bushiisheenaꞌon aalliyemminaꞌone; biiyo, ashi damee ukkoo ittoshi showoon yexxemmone; ittoshi toommooch ginoon deebemmo taane; Doono Yeeri ta, ebin getteto taane” iye.

Hiziqeeli 5:17 ပူးပေါင်းရင်းမြစ်များ

2 Taateenaꞌo 17:25

Batti batt arooch boonoshi kotehooba, Doono Yeerin shataaneenaꞌone. Doono Yeeriyoo daahereenaꞌon boonoshi daggooch deejjiye. Daahereenaꞌoo boonoshi daggoochee ikkikke asheenaꞌon wuxiyeete.

Keyo 23:29

Tunebaani ikke nati daggooch boonoshin kichaachemmo taane; ebin ta tuniigaata, showoo ashaalli xafoon tuneree kubbi cooxo woddemmone.

Erimiyaasi 15:3

“Aalliyechi awudde mooyinaꞌon boonoshi toommooch deejjemmo taane, iye Doono Yeeri. Eboshiyoo wuxoyich goraadoon, geechoyich kunaaneenaꞌon, mamonaa aalliyoonoyich, shimaajji kafeenaꞌonaa kubbi cooxinaꞌononiye.

Hiziqeeli 14:15

“Are showooch kubbi cooxon ta daachiitaa, koniyoona aroona besheyaachemmon tuniiꞌi showoon boonoshi yexxii aalliigaata,

Hiziqeeli 14:19

“Woyee are showooch biiyoon ta deejjaa, ta neboon damoona tookkii ta woniitaa, ashoonaa gijjoonon bi aalliigaata,

Hiziqeeli 14:21

“Ebich Nuggishoo Doono Yeeri ishichiye: Ashoonaa gijjoonon aroochee aalliyoyich kupphe magge awudde ta naxeenaꞌon, eboshiyoo, ginoon, shaacoon, gonde cooxinaꞌonaa biiyoonon Yerusaalemi toommooch ta deejjiyooba magge mooyo tunemmone.

Hiziqeeli 17:21

Aricheti bi ginee naayinaꞌo bulli goraadoona dihemminaꞌone; aroochee echemminaꞌo kaatti kaatta shacemminaꞌone; ebin getteto Doono Yeeri ta tunoon ariyemmo ittoshine’ iye.

Hiziqeeli 17:24

Kubbeexi mixinaꞌo bulli, genje mixinaꞌon qamichito, qamini mixinaꞌon genjiito, gaare mixon shuuꞌiito, shuuqqiti mixinaꞌonoo gaariito, Doono Yeeri ta tunoon ariyemminaꞌone. Doono Yeeri ta, ebin getteto taane; ebinoo tuniyemmo taane’ itone gete” iye.

Hiziqeeli 21:3

Israꞌeelee showoyichoo ‘Doono Yeeri ishichiye: Ebiyoche ne toommooch tiyeto taane; ta goraadoon bi gonenoochee kaaciree cadiqoonaa gonde ashoonon ne daggoochee aalliyemmo taane.

Hiziqeeli 21:32

Qaaqqoyich mixon tunemmo neene; ne damoo ne showoochaa ufemmone; wochinnoon shalligeyaachemmo neene; Doono Yeeri ta ebin getteto taane’ itone gete” iye.

Hiziqeeli 22:14

Neen ta naxehooba kuppheree neexoon hakkenne? Ne mochoo kupphoon hakkehe? Doono Yeeri ta getteto taane; ebinoo tuniyemmo taane.

Hiziqeeli 23:47

Ebi dofee asheenaꞌo xaqqoona boonoshin qiceete; goraadoonoo qeccebeete; boonoshi anaami bushiishoonaa maache bushiishoonon wuxibeete; boonoshi kexinaꞌon qaaqqoona michibeete.

Hiziqeeli 26:14

Shokkaache xaqqoon neen tuniyemmo taane; haashe yesheenaꞌo boonoshi dabboon ichiibeeti xaaꞌoon tunemmi neene; ebiyee bekk wochinnoon shuuneyaachemmi neene; ebiyoo Doono Yeeri ta gettetoyichiye’ iye Nuggishoo Doono Yeeri.

Hiziqeeli 28:23

Kupphe biiyoon ittoshi toommooch deejjemmo taane; gomminaꞌooch damoo ufemmoyich tuniyemmo taane; ittoshi guudo bulliichee waabeeti goraadoona ittoshi daggoochee asheenaꞌo qitemminaꞌone. Ebina boonoshi Doono Yeeri ta tunoon ariyemminaꞌone’ gete” iye.

Hiziqeeli 30:12

Abbaayi aacon takkemmo taane; showoonoo gonde asheenaꞌoyich hajjiyemmo taane; ashi showee asheenaꞌochi kishoona showoonaa bi daggooch beeto bullinon aalliyemmo taane; Doono Yeeri ta, ebin getteto taane.

Hiziqeeli 33:27

“Boonoshich, Nuggishoo Doono Yeeri ishichiye: ‘Beeyecho ta tunoona wogehoye: Happeeti xaaꞌooch beetinaꞌo goraadoona dihemminaꞌone; bakkooch beeton kubbi cooxoyich maayo tuniiree immemmo taane; mishigoonaa gofoonooch beetinaꞌo biiyoona qitemminaꞌone.

Hiziqeeli 37:14

Ta Ayaanoon ittoshi kashooch kotiyemmo taane; ittoshiyoo kashoona beeyemmo ittoshine; ittoshi hajjee showooch ittoshi beeyemmoyich tuniyemmo taane; ebin getteto, ebinoo tuniito ta tunoon ariyemmo ittoshine; Doono Yeeri ta, ebin getteto taane’ itone gete” iye.

Hiziqeeli 38:22

Biiyoona, bi damoon ukkoonoo bi toommooch nallemmo taane; yattoon, xaqqoommi baderoon, qaaqqoonaa waageroonon, biinnaa bi ginee naayinaꞌonochi, wottoo biinna tookkii beeti meeti asheenaꞌochi toommooch kindiyemmo taane.

Hiziqeeli 5:15

Kaaroona, neboona, ooge noggoona ittoshi toommooch ta nalliyooba, ittoshi guudoona beeti aageteenaꞌoyich naago, tochoo, meeqqeqqiyoonaa wuche getteyoonon tunemmo ittoshine; Doono Yeeri ta, ebin getteto taane.

Hiziqeeli 5:16

Wuxii aalliyechi shaacee shangoon ittoshi toommooch deejjiree, ittoshin aalliyemmo taane; shaacoon ittoshi toommooch wochi wochi deebemmo taane; ittoshi maayi woretoon kuxxemmo taane.

Hiziqeeli 6:1

Doono Yeeri taach ishichiye:

Hiziqeeli 6:12

Wohooch beeto biiyoona qitemmone; katinooch beeto ginoona dihemmone; aroochee muriccii wodito shaacoona ciiremmone; ta kaaroona ebiyoommi mooyon boonoshi toommooch tuniyemmo taane.

Leweenaꞌo 26:22

Kubbi cooxon ta deejjaa, ittoshin bushaallo tuniyemmone; ittoshi gijjoonoo aalliyemmone. Haddoona ittoshi giishoona, ittoshi gommoo aqqemmone.

Maatiyoosi 24:35

Showoonaa shimaayoona beshemmone; tunebaani ta qaaro besheyaachemmone” iye.

Yibbaatoo 32:24

Shaacoonaa achee gaamoona qiti ciiremmo ittoshine; kupphe biiyoonoo qiti ciiremmo ittoshine. Ittoshin bi maayemmoyich kubbi cooxon, ittoshin bi wuxemmoyichoo qoppiibeeti dingeroon deejjemmo taane.

Yaaꞌoo 6:8

Beeggaanoo iyo; areegaata daashe hareshoon beeggeho; aroon yebbetochi shigo Qitoo getteehe; Siꞌooloo biin dabbiye. Showee toommooch beeti asheenaꞌo daggoochee awudde beeroochee ikke beeroon ginoona, shaacoona, naxoonaa ashoon maabeeti kubbi cooxinaꞌona boonoshi wuxemmoyich hakkoo boonoshich ichehe.