Hiziqeeli 5:15 - Kafa Linguistics Project

¹⁵ Kaaroona, neboona, ooge noggoona ittoshi toommooch ta nalliyooba, ittoshi guudoona beeti aageteenaꞌoyich naago, tochoo, meeqqeqqiyoonaa wuche getteyoonon tunemmo ittoshine; Doono Yeeri ta, ebin getteto taane.

Hiziqeeli 5:15 ပူးပေါင်းရင်းမြစ်များ

1 Taateenaꞌo 9:7

Israꞌeeleenaꞌon boonoshich ta immeti showoochee aalliyemmo taane; ta shigo arooch bi beeyemmoyich ta yaafiti, hini yaafee kexon duppemmo taane; Israꞌeeleenaꞌo asho bulli daggooch cooqqiree tocheyemminaꞌone.

2 Kiinoo 29:8

Ebich Doono Yeeri kaaro Yihudee showoonaa Yerusaaleminooch kindiye. Ittoshi aafoona ittoshi beeggii beetoommon keqqooch, wuche getteyoonaa cooqqireyoonooch boonoshin beshiiꞌi immiye.

Shoddo 39:11

Ashoon bi axaaxoyich noggaa naxehine; bi shuni mooyon piloochoommon aalliihine; iberoochaa asho bulli hiinnoommone.

Shoddo 79:4

No giyeenaꞌo noon naaggitinaꞌone; no guudoona beetinaꞌo noon coonee congetinaꞌone.

Isiyaasi 26:9

Ta kashe xumo bullin neen sharaatehane; ta ayaano neen qaawiye; ne dayinneto showee toommooch bi tunehooba, showee toommooch beetinaꞌo cadiqo tunoon doyemminaꞌone.

Isiyaasi 43:28

Ebich yaafee kechi ukkireenaꞌon cooniihoye; Yaaqobi aallemmoyich, Israꞌeeliyoo naakkeyemmoyich tuniihoye” iye.

Erimiyaasi 23:40

Bulli aabooch batteyaani yeelloon, bulli aabee cooneyoon ittoshi toommooch deebemmo taane” iye.

Erimiyaasi 29:18

Goraadoona, shaacoona, biiyoonoo boonoshin yookkemmo taane; boonoshin ta yookketi taatittino bulliichaa, wuche, getteetinaꞌo boonoshin tuniyemmo taane; boonoshin ta yookketi aagetoo bulli daggoochoo ufo, keqqoo, boonoshi toommooch shokkeyoonaa cooneyoonoyich tuniyemmo taane;

Shoosho 2:15

Gommon beshee beetinaꞌo bulli ittoshi toommooch kishoon koppeheete; Yerusaalemi asheenaꞌochi toommooch shokkeheete; “Malletee balli, showoo bulli emiriibeeti katemee, ebine?” iibee qelloon qeeqqereheete.

Shoosho 2:16

Ittoshi etteenaꞌo bulli ittoshi toommooch noonoo keexeheete; shokkeebee boonoshi gashoonoo shaacciibee, “Boonoshin aalliito noone; no qaatiibee echeti aabo hinine; and aroon danaa beeggeto noone” iyeete.

Hiziqeeli 11:9

Bi daggoochee ittoshin kichemmo taane; ashi showee asheenaꞌochi kishooch ittoshin beshiiree immemmo taane; ittoshi toommoochoo naxoon kindiyemmo taane.

Hiziqeeli 14:8

Are uro toommooch ta aafoon maggiyemmo taane; cooqqireyechonaa sheeree malletoonon biin tuniyemmo taane; ta asheenaꞌo daggoochee biin waaxxemmo taane. Aroochee Doono Yeeri ta tunoon ariyemmo ittoshine.

Hiziqeeli 16:41

Ne kexinaꞌon qaaqqoona michemminaꞌone; meeti maacheenaꞌo aafoochaa ne toommooch nallemminaꞌone; yahoon ne neechemmoyich tuniyemmo taane; ebiyee bekk ne shunechinaꞌoyich gatiyoon qocaachemmi neene.

Hiziqeeli 16:57

Ebiyoo ne axaaxoo gaxxeeyoye aafiye. And Sooriyee maache bushiisheenaꞌonaa bi giyeenaꞌo bullina, ne guudoona beechi neen hoxeebeeti Filsixeemee maache bushiishoo bullina cooneeti neene.

Hiziqeeli 22:4

Ne ukkiti damoona xuꞌechi tuneti neene; ne shuuneti shahalloona eeꞌeti neene; ne aaboon katichihine; ne yemeenoonoo qamichihine; ebich aageteenaꞌona ne naakkemmoyich, showeenaꞌonoo ne cooneyemmoyich tuniito taane.

Hiziqeeli 23:32

Nuggishoo Doono Yeeri ishichiye: “Ne maneechi xoofoon uchemmi neene; ebiyoo desh qappoonaa gaminoonane; woddoonoo yechii beetonane; miicceyemmi neene; cooneyemmi neene.

Hiziqeeli 25:17

Oogeti nichoon boonoshi toommooch gaaccemmo taane; neboonoo boonoshi toommooch kindiyemmo taane; boonoshi toommooch nichoon ta gaaciyooba Doono Yeeri ta tunoon ariyemminaꞌone’ itone gete” iye.

Hiziqeeli 30:19

Gibitseenaꞌochi toommooch nallemmo taane; aroochee boonoshiyoo Doono Yeeri ta tunoon ariyemminaꞌone’ itone gete” iye.

Hiziqeeli 5:16

Wuxii aalliyechi shaacee shangoon ittoshi toommooch deejjiree, ittoshin aalliyemmo taane; shaacoon ittoshi toommooch wochi wochi deebemmo taane; ittoshi maayi woretoon kuxxemmo taane.

Hiziqeeli 5:8

Ebich Nuggishoo Doono Yeeri ishichiye: “Ta, ta qelloona ne toommooch tiyeto taane; aageteenaꞌo aafoochaa ne toommooch nallemmo taane.

Leweenaꞌo 26:32

Ittoshi showoon ciroona aalliiree, are ittoshi showoon yechiti etteenaꞌo worganemmoyich tuniyemmo taane.

Naahoomi 1:2

Doono Yeeri qanaatechonaa nichoon kichechonane; Doono Yeeri nichoon kichechonaa naxechonane; Doono Yeeri bi etteenaꞌo toommooch nichoon kichii beetone; bi etteenaꞌo toommooch naxoon kindii beetone.

1 Qorontoosi 10:11

Boonoshi toommooch tuneti mooyo bulli nooch malletoo tunetone; ebiyoo hini ciireexi yemeenooch beeti noon cuuꞌiyane bi kooreeto.

Yibbaatoo 28:37

Doono Yeeri neen bi shacciibeeti showooch beeti aageteenaꞌo bulli ebi ne toommooch shaggiti mooyon beegiree keqqemminaꞌone. Boonoshiyoo ne mooyon tochibee ne toommooch cooqqiremminaꞌone.

Yibbaatoo 28:46

Ebiyoo neennaa ne shiijjeroonochi toommooch Doono Yeeri nallee malletoo bulli yemeenoon tunemmone.