Hiziqeeli 5:13 - Kafa Linguistics Project

¹³ “Ta kaaroon, ta neboonoo boonoshi toommooch kindiichi tooꞌi digaayemmo taane; ta kaaroon boonoshi toommooch ta kindiihooba Doono Yeeri ta, ta qanaatoona getteto ta tunoon ariyemminaꞌone.

Hiziqeeli 5:13 ပူးပေါင်းရင်းမြစ်များ

Isiyaasi 1:21

Gibeneeti katemee aabichaꞌa yahechiyoommi tunehane! Ebiyee aaf dayinneto ceenniti, cadiqoo beeti katemeene; tunebaani and ashoon wuxechinaꞌochi katemee tunehan.

Isiyaasi 1:24

Ebich Doono, Beshe Mawe Doono Yeeri, Israꞌeeleenaꞌo goyinneebeeti Giidechi Nuggishoo ishichiye: “Ta etto tuneti ittoshi toommooch kupphe ta kaaroon kindiiree ta shixechi ittoshi toommooch nichoon kichemmo taane.

Isiyaasi 59:17

Cadiqoon getee ginee tahoochoommon tahemmone; bi shimboochoo wodiyoon xuuree ukoochoommon ukemmone; nichee kichoon tahoochoommon tahemmone; qanaatoon xappee qoreddoochoommon xappemmone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Erimiyaasi 14:12

coomii boonoshi corootitaanona waayeyaachemmo taane; micciibeeti deejjoonaa maayi buuroonon boonoshi giddiiteenolla boonoshi waanee deꞌaachemmo taane; tunebaani goraadoona, shaacoona, biiyoonoo boonoshin aalliyemmo taane” iye.

Erimiyaasi 15:9

Shabaattoo shiyeti niretine; bi kasho guutitone; batt areddoo bi beetaa, aabo biich giyitone; yeelletine; cooneenoo itine; boonoshi cureenaꞌonoo goraadooch, boonoshi etteenaꞌo aafooch beshiiree immemmo taane” iye Doono Yeeri.

Erimiyaasi 25:12

“ ‘Shabe nato ciiretoyee gubb, Baabloonee taatoonaa are aagetoonon, boonoshi axaaxoyich sheeremmo taane; Baabloonee showoonoo bulli aabooch shokkoon echiyemmo taane’ iye Doono Yeeri.

Shoosho 4:11

Doono Yeeri bi kaaree shiixxoon kindiihe; ooge bi kaaroon woniihe; Tsiyooni toommooch qaaqqoon geddiye; dechi bi hecoonoo michiye.

Shoosho 4:22

Tsiyooni asheenaꞌote, ittoshi xuꞌee naxo ciiretone; Doono Yeeriyoo ebiyee bekk ittoshi kecceyemmoyich tuniyaachemmone. Tunebaani Edoomi asheenaꞌote, ittoshi xuꞌoyich naxeyemmo ittoshine; ittoshi axaaxoo xalla bekkemmone.

Hiziqeeli 13:15

Xaqqee kecoonaa arooch booroon dikketi asheenaꞌonochi toommooch ta neboon kindiichi, “Xaqqee keco tuneba, aree toommooch booroon dikketinaꞌo aalletinaꞌone” gettemmo taane.

Hiziqeeli 14:21

“Ebich Nuggishoo Doono Yeeri ishichiye: Ashoonaa gijjoonon aroochee aalliyoyich kupphe magge awudde ta naxeenaꞌon, eboshiyoo, ginoon, shaacoon, gonde cooxinaꞌonaa biiyoonon Yerusaalemi toommooch ta deejjiyooba magge mooyo tunemmone.

Hiziqeeli 16:42

Ebina ne toommooch ta ippeti ippo aqqemmone; ta qanaato ne waanee wokkemmone; cikkiyemmo taane, wochinnoonoo kaareyaachemmo taane.

Hiziqeeli 16:63

Ne tuniiti mooyo bullin echebe ta iyooba ne xuꞌo neech bi tipphiimmona yeellemmi neene; yeellee naboona wochinnoon noonoo wochaachemmi neene, iye Nuggishoo Doono Yeeri’ gete” iye.

Hiziqeeli 17:21

Aricheti bi ginee naayinaꞌo bulli goraadoona dihemminaꞌone; aroochee echemminaꞌo kaatti kaatta shacemminaꞌone; ebin getteto Doono Yeeri ta tunoon ariyemmo ittoshine’ iye.

Hiziqeeli 20:21

“ ‘Tunebaani boonoshi bushiisheenaꞌo ta toommooch tiyiyeete; asho bi ceechigaata kashoona bi beeyemmi ta qociyoona hamaaneenaꞌone; ta geteenaꞌonoo quyeyaaneenaꞌone; ta shambetoonoo eeꞌiiheete; ebiyooba barahoochaa ta neboon boonoshi toommooch kindiiya, ta kaaroonoo boonoshi toommooch ceechiya gabiyoye.

Hiziqeeli 20:8

“ ‘Tunebaani boonoshi taachon waayemmon qajjiichii ta toommooch hukkoon tiijjiyeete. Boonoshi bulliyona oogichii boonoshi shunniibeeti ciigiiti mooyon wokkiyaaneenaꞌone; Gibitsee showeexi shahalleenaꞌonoo qayaaneenaꞌone. Tawoo Gibitsee showooch boonoshi beetaa ta kaaroon kindiiya, ta neboonoo deejjiya gabito taane.

Hiziqeeli 21:17

Tawoo ta kishoon koppemmo taane; ta neboonoo ciichemmo taane; Doono Yeeri ta ebin getteto taane” iye.

Hiziqeeli 21:22

Uxeroon happemmi qiicoon bi qanniyemmoyich, bi cerbeddemmoyich, oogichiree bi kokkoremmoyich, uxeroon happemmi qiicoon kellee toommooch bi geddemmoyich, showoon bi gutemmoyich, mishigoon bi shuunemmoyich, bi qanne kishoochoo Yerusaalemichi ixoo waahe.

Hiziqeeli 23:25

Ta qanaatoona neen ta kaaretoyich boonoshiyoo oogeti kaaroona tiyemminaꞌone; ne muddoonaa ne waamonon kuxxemminaꞌone; ne daggoochee echeto goraadoona dihemmone; ne anaami bushiishoonaa maache bushiishoonon keci daammemminaꞌone; ne daggoochee echeton qaaqqoo maayemmone.

Hiziqeeli 24:13

“Yerusaaleme, shunee mamona eeꞌeti neene; neen xalliiya ta qaawitaanona ne xalleyaane neene; ta kaaree shiixxoo kindii beshemmi wottoon ne eeꞌoochee xalleyaachemmi neene.

Hiziqeeli 43:8

Boonoshi kelloon ta kellee gaꞌooch, boonoshi shaaqqee qoomoon ta shaaqqee qoomee gaꞌooch boonoshi gedditoyich, boonoshichonaa taachonochi daggooch ikke daabbo baachiye beeto; boonoshi shuuneti ciigiiti mooyona yaafe ta shigoon boonoshi eeꞌitoyich ta kaaroona boonoshin aalliihoye.

Hiziqeeli 6:10

Boonoshiyoo ta, Doono Yeeri ta tunoon, ebi gonde mooyon boonoshi toommooch tuniyemmo taane ta ito duuboon tunee bi qayonoo ariyemminaꞌone, itone’ gete” iye.

Hiziqeeli 6:12

Wohooch beeto biiyoona qitemmone; katinooch beeto ginoona dihemmone; aroochee muriccii wodito shaacoona ciiremmone; ta kaaroona ebiyoommi mooyon boonoshi toommooch tuniyemmo taane.

Hiziqeeli 7:3

Israꞌeele, and ne ciiro shaggitone; ta kaaroon ne toommooch deejjemmo taane; ne gommoommona ne toommooch nallemmo taane; ciigiiti ne qocoo bullich neen naxemmo taane.

Hiziqeeli 7:8

And kaateree ta neboon ne toommooch woniyemmo taane; ta kaaroon ne toommooch kindiyemmo taane; ne gommoommona ne toommooch nallemmo taane; ciigiiti ne mooyo bullich neen naxemmo taane.

Daaneeli 11:36

“Ebi Sooriyee taatoo bi shunniton shuunemmone; nuggisheenaꞌoyee damba bi qelloon oogiyemmone; nuggisheenaꞌochi Nuggishoo toommooch naagee yibbaatoon yibbaatemmone. Yeeri gabito bulli tuno echeyaano bi tunetoyich, Yeerichi kaaree yemeeno tunemmi wottoon ebin tunii beeyemmone.

Daaneeli 9:2

bi taateti ikkinnee natooba, ta, Daaneeli, Yaafe Macaafoon shemmaabee, Yerusaalemi happeeree shabe naton yagemmi bi tunoon Doono Yeeri keemechi Erimiyaasina bi gettiti qaaroon shalligiyo.

Hosee'i 10:10

Ta qaawiyooba boonoshin sheeremmo taane. Gutte kishoo tuneti boonoshi axaaxoyich boonoshi sheereehooba aageteenaꞌo kiceeree boonoshi toommooch tiyemminaꞌone.

Zakaariyaasi 6:8

Ebiyee gubb maraakoo “Dambi-waani showooch hammiti haresheenaꞌo Doono Yeeri kaaro aqqemmoyich tuniitinaꞌone” iꞌi ta waan cookiye.

Yibbaatoo 28:63

Doono Yeeri gaawe mooyon ittoshich bi tuniyoona, wotta shiijje shiijjere ittoshi meettemmoyich bi tuniyoona bi emiroommon, ebiyoommon ittoshin bi aalliyoonaa billimoon ittoshi toommooch bi deebona emiremmone. Giyiree ittoshi woraashemmi showoochee waaxemmo ittoshine.

Yibbaatoo 32:36

“Boonoshi giidoo qayon, guuno tuneba doono, koniyoona echee qayon bi beegiyooba, Doono Yeeri bi asheenaꞌoyich nallemmone; bi guuninaꞌoyichoo ariqqemmone.