Hiziqeeli 5:12 - Kafa Linguistics Project

¹² Ittoshiichee keejj beereexi ikkoo ittoshi daggoochaa biiyoona, shaacoonoo ciiremmone; wotta keejj beereexi ikkoo katemoyee maachaa goraadoona dihemmone; bare keejj beereexi ikkoon yongo bulliich shaccemmo taane; goraadoonoo yookkemmo taane.

Hiziqeeli 5:12 ပူးပေါင်းရင်းမြစ်များ

Isiyaasi 1:24

Ebich Doono, Beshe Mawe Doono Yeeri, Israꞌeeleenaꞌo goyinneebeeti Giidechi Nuggishoo ishichiye: “Ta etto tuneti ittoshi toommooch kupphe ta kaaroon kindiiree ta shixechi ittoshi toommooch nichoon kichemmo taane.

Erimiyaasi 13:24

Doono Yeeri ishichiye: “Ebich barahee yongoona hideebeeti xeeboochoommon ittoshin shaccemmo taane. Taan ne battetoyich, koote mooyon ne gibenetoyich, ne ixoo, neech ta qeelleti qoodoo ebine.

Erimiyaasi 14:12

coomii boonoshi corootitaanona waayeyaachemmo taane; micciibeeti deejjoonaa maayi buuroonon boonoshi giddiiteenolla boonoshi waanee deꞌaachemmo taane; tunebaani goraadoona, shaacoona, biiyoonoo boonoshin aalliyemmo taane” iye.

Erimiyaasi 15:2

Boonoshiyoo ‘Amooch hambona?’ iꞌi neen boonoshi echegaata, newoo boonoshich, ‘Doono Yeeri ishichiye: Naxoona qitooch nalleeto naxoona, goraadoona qitooch nalleeto goraadoona, shaacoona qitooch nalleeto shaacoona, qitemmone; kecooch nalleetoo kecceyemmone, itone’ gete.

Erimiyaasi 15:9

Shabaattoo shiyeti niretine; bi kasho guutitone; batt areddoo bi beetaa, aabo biich giyitone; yeelletine; cooneenoo itine; boonoshi cureenaꞌonoo goraadooch, boonoshi etteenaꞌo aafooch beshiiree immemmo taane” iye Doono Yeeri.

Erimiyaasi 21:9

Hini katemooch yagimmo goraadoona, shaacoona, biiyoonoo qitemmone; tunebaani ittoshin giichiti Baabloonee asheenaꞌo waan hammiꞌi kishoon immimmo kashoona beeyemmone; bi kashoonoo wodiyemmone.

Erimiyaasi 24:10

Boonoshinaa boonoshi qaabbechinaꞌonoyich ta immeti showoochee boonoshi aallemmi wottoon boonoshi daggooch goraadoon, shaacoonaa biiyoonon deejjemmo taane” iye.

Erimiyaasi 42:22

And hammii kotoyich ittoshi shunniibeeti showoochaa goraadoona, shaacoona, biiyoonoo qitemmo ittoshi tunoon xiishi ariibote” iye.

Erimiyaasi 44:27

Deꞌoyich tuneyaanoon gondoyich boonoshin ciinnemmo taane; Gibits beeti Yihudee asheenaꞌo bulla aallemmooch beddaahaa goraadoona, shaacoonoo ciiremminaꞌone.

Erimiyaasi 9:15

Ebich Israꞌeelee Nuggishoo Beshe Mawe Doono Yeeri ta, hini asheenaꞌo caame maayoon boonoshi maayemmonaa xuppattee aacon boonoshi uchemmonoyich tuniyemmo taane;

Erimiyaasi 9:16

boonoshinaa boonoshi qaabbechinaꞌona ariyaani aageteenaꞌo daggooch boonoshin shaccemmo taane; boonoshin ta aalliimmi wottoon boonoshi hillooch goraadoon daachiyemmo taane” iye.

Hiziqeeli 12:14

Bi guudoona beeti bi gaacheenaꞌonaa bi ginee naayinaꞌo bullinon kaatti kaatta shaccemmo taane; goraadoon kaaciree boonoshin yookkemmo taane.

Hiziqeeli 14:17

“Woyee ‘Goraado showoona beshebe’ iyaꞌa are showooch ginoon ta deejjaa, ashoonaa gijjoonon bi aalliigaata,

Hiziqeeli 14:19

“Woyee are showooch biiyoon ta deejjaa, ta neboon damoona tookkii ta woniitaa, ashoonaa gijjoonon bi aalliigaata,

Hiziqeeli 14:21

“Ebich Nuggishoo Doono Yeeri ishichiye: Ashoonaa gijjoonon aroochee aalliyoyich kupphe magge awudde ta naxeenaꞌon, eboshiyoo, ginoon, shaacoon, gonde cooxinaꞌonaa biiyoonon Yerusaalemi toommooch ta deejjiyooba magge mooyo tunemmone.

Hiziqeeli 16:42

Ebina ne toommooch ta ippeti ippo aqqemmone; ta qanaato ne waanee wokkemmone; cikkiyemmo taane, wochinnoonoo kaareyaachemmo taane.

Hiziqeeli 21:22

Uxeroon happemmi qiicoon bi qanniyemmoyich, bi cerbeddemmoyich, oogichiree bi kokkoremmoyich, uxeroon happemmi qiicoon kellee toommooch bi geddemmoyich, showoon bi gutemmoyich, mishigoon bi shuunemmoyich, bi qanne kishoochoo Yerusaalemichi ixoo waahe.

Hiziqeeli 24:13

“Yerusaaleme, shunee mamona eeꞌeti neene; neen xalliiya ta qaawitaanona ne xalleyaane neene; ta kaaree shiixxoo kindii beshemmi wottoon ne eeꞌoochee xalleyaachemmi neene.

Hiziqeeli 33:27

“Boonoshich, Nuggishoo Doono Yeeri ishichiye: ‘Beeyecho ta tunoona wogehoye: Happeeti xaaꞌooch beetinaꞌo goraadoona dihemminaꞌone; bakkooch beeton kubbi cooxoyich maayo tuniiree immemmo taane; mishigoonaa gofoonooch beetinaꞌo biiyoona qitemminaꞌone.

Hiziqeeli 36:19

Aageteenaꞌooch boonoshin shaccehoye; showeenaꞌoochoo baqeeheete; boonoshi beemoommona, boonoshi shuunoommonoo boonoshi toommooch nalliyoye.

Hiziqeeli 43:8

Boonoshi kelloon ta kellee gaꞌooch, boonoshi shaaqqee qoomoon ta shaaqqee qoomee gaꞌooch boonoshi gedditoyich, boonoshichonaa taachonochi daggooch ikke daabbo baachiye beeto; boonoshi shuuneti ciigiiti mooyona yaafe ta shigoon boonoshi eeꞌitoyich ta kaaroona boonoshin aalliihoye.

Hiziqeeli 5:10

Ebich ittoshi daggoochaa niheenaꞌo boonoshi bushiisheenaꞌon, bushiisheenaꞌo boonoshi niheenaꞌon maayemminaꞌone; eechiree ittoshi toommooch nallemmo taane; ebiichee muriccii echemmon yongee toommooch shaccemmo taane.

Hiziqeeli 5:17

Shaacoonaa gonde cooxinaꞌonon ittoshi toommooch deejjemmo taane; ittoshi bushiisheenaꞌon aalliyemminaꞌone; biiyo, ashi damee ukkoo ittoshi showoon yexxemmone; ittoshi toommooch ginoon deebemmo taane; Doono Yeeri ta, ebin getteto taane” iye.

Hiziqeeli 5:2

Giicheyoo ciiretoyee gubb ikke beeroon ne shichiti katemee daggoochaa qaaqqoona michemmo neene; ikke beeroon katemee guudoochaa goraadoona qeccemmo neene; wotta echeti ikke beeroon yongooch shaccemmo neene; tawoo goraadoona boonoshin yookkemmo taane.

Hiziqeeli 6:8

“ ‘Tunebaani ittoshi daggoochee giishecheenaꞌo murici wodemmoyich tuniyemmo taane; tunetaa boonoshiyoo aagetee showeenaꞌooch shacemmoyich tuniyemmo taane.

Hiziqeeli 7:15

“Maach gino, maac biiyoonaa shaacoona beetone; katemoyee maach beeto ginoona qitemmone; katemooch beeto biiyoona, shaacoonoo qitemmone.

Hiziqeeli 7:3

Israꞌeele, and ne ciiro shaggitone; ta kaaroon ne toommooch deejjemmo taane; ne gommoommona ne toommooch nallemmo taane; ciigiiti ne qocoo bullich neen naxemmo taane.

Leweenaꞌo 26:33

Ginoon ittoshi toommooch deebiree, aagetee showooch ittoshin shaccemmo taane; ittoshi showoo ashaalli xafo tunemmone; ittoshi katemoo happaa aallemmone.

Amootsi 9:4

Etto boonoshin kecciꞌi, gashee daammitaa aroochaa goraadoona boonoshi qitemmoyich tuniyemmo taane. Boonoshin gaacheya tuneyaanoon boonoshin aalliiya kuxxaa tiyeto taane” iye.

Amootsi 9:9

Illa ebiyoche, maayo gemoona woqqeyoommon, ta getoona Israꞌeeleenaꞌo woqqeyemmoyich tuniyemmo taane. Woqqaa keyiree aageteenaꞌo daggooch shacceyemminaꞌone; butto maayoochee sheqqetaa keyoommon gonde asheenaꞌo sheqqetaa kechemminaꞌone.

Zakaariyaasi 7:14

Boonoshi ariyaani aageteenaꞌo bulli daggooch yubee yongoona boonoshin shaccehoye. Showoo ashaalli shokkoon tunehe. Koniyoona arooch okk hach shaꞌemmo aallehe; ebina gaawe showoon shokko echiiheete” iye.

Yibbaatoo 28:65

Ebi aageteenaꞌo daggoochaa diggoon muccemmo neene; ne baatoo tooqqemmi xaaꞌoon muccemmo neene. Ebi aroochaa Doono Yeeri neen betiyemmone; gibenoon ne kuxxemmonaa goggoon ne mawiyemmonon tuniyemmone.

Yaaꞌoo 6:8

Beeggaanoo iyo; areegaata daashe hareshoon beeggeho; aroon yebbetochi shigo Qitoo getteehe; Siꞌooloo biin dabbiye. Showee toommooch beeti asheenaꞌo daggoochee awudde beeroochee ikke beeroon ginoona, shaacoona, naxoonaa ashoon maabeeti kubbi cooxinaꞌona boonoshi wuxemmoyich hakkoo boonoshich ichehe.