Hiziqeeli 5:11 - Kafa Linguistics Project

¹¹ “Ebich beeyecho ta tunoona wogaꞌa Nuggishoo Doono Yeeri ta ishichiyoye: Ciigiiti ne mooyona, ne eeꞌoonoo ta yaafee kexon ne eeꞌitoyich, neen giishiyemmo taane; neech ayini ariqqeyaachemmo taane.

Hiziqeeli 5:11 ပူးပေါင်းရင်းမြစ်များ

2 Taateenaꞌo 21:4

Doono Yeeri, “Ta shigo Yerusaalem bi beeyemmoyich tuniyemmo taane” bi iti, Doono Yeerichi yaafee kechi daggooch aageteenaꞌo nuggisheenaꞌoyich deejjee gudeenaꞌon shuunehe.

2 Taateenaꞌo 21:7

Doono Yeeri Daawitinaa bi bushoo Solomooninoyich, “Hini yaafee kexo, hini Yerusaalemi ta shigo bulli yemeenoon bi beeyemmoyich, Israꞌeelee yoodeenaꞌo showoo bulliichee ta kaacceti xaaꞌoone. Israꞌeeleenaꞌo boonoshich ta getteti mooyo bullin boonoshi quyegaata, ta guuno Muusi boonoshich gettiti sheeroo bullin boonoshi ceechi gaatoo, boonoshi qaabbechinaꞌoyich ta immeti hini showoochee waaxeree boonoshi yallyallimemmoyich tuniyaachemmo taane” iꞌi bi gettiti yaafee kexooch, nuggishee Asheeri misiloon qiicii shuuneꞌi, deebii neechiye.

2 Taateenaꞌo 23:12

Yihudee taateenaꞌo shuuniiti, ebiyoo Akaazi kechi toommeexi kexooch beeti deejjee gudeenaꞌon, wotta Minaasi shuuniiti, ebiyoo Doono Yeerichi yaafee kechi gutte addibaabooch beeti deejjee gudeenaꞌon Yosiyaasi happiye. Ebi deejjee gudeenaꞌon tiichii yiikkiyiikkaayiꞌi, Qedirooni bambooch daammii duppiye.

2 Kiinoo 33:4

Doono Yeeri, “Ta shigo Yerusaalem bulli yemeenoon bi beeyemmoyich tuniyemmo taane” bi iti, Doono Yeerichi yaafee kechi daggooch aageteenaꞌochi nuggisheenaꞌoyich deejjee gudeenaꞌon shuunehe.

2 Kiinoo 33:7

Yeeri Daawitinaa bi bushoo Solomooninoyich, “Hini yaafee kexo, hini Yerusaalemi, Israꞌeelee yoodeenaꞌo showoo bulliichee ta shigo bulli yemeenoon bi beeyemmoyich, ta kaacceti xaaꞌoone. Israꞌeeleenaꞌo boonoshich ta getteti mooyo bullin boonoshi quyegaata, ta guuno Muusi boonoshich gettiti sheeroo bullin, qociyoonaa doyoonon boonoshi ceechi gaatoo, boonoshi qaabbechinaꞌoyich ta immeti hini showoochee boonoshi baatoon boonoshi waaxxemmoyich tuniyaachemmo taane” iꞌi bi gettiti yaafee kexooch, bi shuuneti shahalloon deebii neechiye.

2 Kiinoo 36:14

Ebiyoommon wotta qeesheenaꞌochi wulleenaꞌonaa asheenaꞌona aageteenaꞌochi ciigiiti doyoon dabbiibee, Yerusaalemi beeti, Doono Yeeri yaafiti yaafee kexon eeꞌiibee, aafichoyee beshoon gibeneyee qayona beshii beshii hammiyeete.

Iyoobi 27:22

bi kishoochee muricoyich bi qiiccetaa; ariqqaalloon bi toommooch yongemmone.

Shoddo 107:39

Xuuxoona, iritoonaa ayinoona giishee boonoshi cooneehooba,

Shoddo 95:11

Ebich “Boonoshi kashemmoyich imma ta gabiti xaaꞌooch, ciroona giyaachemminaꞌone” iyaꞌa kaaroona wogehoye.

Erimiyaasi 10:24

Doono Yeero, taan sheeribe; tunebaani tatoona tunebe; ciroona taan ne aalliyaachemmoyich, kaaroona tunaaye.

Erimiyaasi 16:18

Ta showoon ciigiiti, dubenoommi boonoshi nuggisheenaꞌona boonoshi eeꞌitoyich, ta iristoon eeꞌeti mooyona boonoshi ceechitoyich, boonoshi xuꞌoonaa boonoshi axaaxoonochi gutte kishoon boonoshich qoccemmo taane” iye.

Erimiyaasi 32:34

Ta shigo ceekketi ta yaafee kexon eeꞌiyoyich, ciigiiti boonoshi nuggisheenaꞌochi shahalloon kotiiheete.

Erimiyaasi 44:4

Ta shixxaabeeti ciigiiti mooyon boonoshi tuniyaachemmoyich wochii wochii boonoshi waan keemechi ta guuninaꞌon daachiihoye.

Shoosho 2:17

Doono Yeeri bi gabiton tuniitone; wonnee yemeenooch bi gettitoommon ariqqaalloon ittoshin happiye; ittoshi etteenaꞌo ittoshi toommooch emiremmoyich tuniihe; ittoshi etteenaꞌochi hakkoon kupphiihe.

Shoosho 2:21

“Gurimaashoonaa geenoona gommeexi buttooch dihiyeete; gurimaashe maacheenaꞌonaa anaaminaꞌona, goraadoona dihitinaꞌone; ne kaaree aabooba boonoshin wuxihine; boonoshich ariqqeyaanoon guurihine.

Hiziqeeli 11:18

“Arooch boonoshi waahooba ciigiitonaa eeꞌoona tuneti mooyon bi daggoochee wokkiyemminaꞌone.

Hiziqeeli 11:21

Tunebaani boonoshi mulloona ciigiitonaa eeꞌe mooyonon dabbitinaꞌon boonoshi shuunoommon boonoshich qoccemmo taane” iye Nuggishoo Doono Yeeri.

Hiziqeeli 23:28

Nuggishoo Doono Yeeri ishichiye: “Shixxaa tiyaaraꞌa ne wokketi asheenaꞌochi kishooch neen beshiiree immemmo taane.

Hiziqeeli 23:38

Boonoshi shuuneti gondo ebi baach toonoone; arooba ta yaafee kexon eeꞌiitinaꞌone; ta shambetoonoo eeꞌiiheete.

Hiziqeeli 23:39

Boonoshi bushiishoon shahalloyich boonoshi deejjiyooba, eeꞌiyoyich ta yaafee kexooch giyiyeete; ebiyoommi mooyon ta kexooch tuniiheete.

Hiziqeeli 24:14

“Doono Yeeri ta getteto taane; ta tuniyemmi aabo katinnitone; gubb wotteyaachemmo taane; ariqqeyaachemmo taane; axireyaachemmo taane; ne gommoommona, ne shuunoommonoo ne toommooch nallemmo taane” iye Nuggishoo Doono Yeeri.

Hiziqeeli 29:15

Bare taatee showoyee beshoon giishemmone; ebiyee bekk aageteenaꞌo toommooch sharaachemmone; ebiyee bekk aageteenaꞌon boonoshi hajjaachemmoyich boonoshin giishiyemmo taane.

Hiziqeeli 33:11

‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.

Hiziqeeli 43:8

Boonoshi kelloon ta kellee gaꞌooch, boonoshi shaaqqee qoomoon ta shaaqqee qoomee gaꞌooch boonoshi gedditoyich, boonoshichonaa taachonochi daggooch ikke daabbo baachiye beeto; boonoshi shuuneti ciigiiti mooyona yaafe ta shigoon boonoshi eeꞌitoyich ta kaaroona boonoshin aalliihoye.

Hiziqeeli 44:7

Taach deejjoo tuniiꞌi koshon, awuyonaa damoonon ittoshi giddiihooba boonoshi mulloonoo tuneba boonoshi achoona dokireyaani ashi showee asheenaꞌo ta yaafee kexooch boonoshi giyemmoyich, ta kexonoo boonoshi eeꞌiyemmoyich, tuniito ittoshine; ebin tuniyoona ciigiiti ittoshi moochi toommooch daakkiꞌi ta wogoon happiyote.

Hiziqeeli 5:7

Ebich Nuggishoo Doono Yeeri ishichiye: “Ittoshi guudoona beeti aageteenaꞌoyee beshe hukkecho tuneto ittoshine; ta qociyoon dabbaano ittoshine; ta getoyichoo deꞌa getaano ittoshine; ittoshi guudoona beeti aageteenaꞌochoommonolla quyeyaano ittoshine” iye.

Hiziqeeli 7:20

Gaawe boonoshi aachoonaa birewoona geecitinaꞌone; ebi aroona shixxii ciigiiti shahalloon shuuneheete; ebich ebi shashoon boonoshich eeꞌo tuniito taane.

Hiziqeeli 7:4

Neech ayini ariqqeyaachemmo taane; tunebaani ne shaaddoonaa ne daggooch beeti ciigiiti mooyonoyich neen naxemmo taane; aroochee Doono Yeeri ta tunoon ariyemmi neene.

Hiziqeeli 7:9

Neech ayini ariqqeyaachemmo taane; tunebaani ne shaaddoonaa ne daggooch beeti ciigiiti mooyonoyich neen naxemmo taane; aroochee neen naxaabeeto Doono Yeeri ta tunoon ariyemmi neene.

Hiziqeeli 8:15

Aroochee taach ishichiye: “Ashi bushoocho, ebin beeggaa beetine? Andoo ebiyee beshe oogichii ciigiiti mooyon beeggemmo neene” iye.

Hiziqeeli 8:16

Aroochee taan Doono Yeerichi yaafee kechi maaci addibaabooch deebiye; ebiyoche Doono Yeerichi yaafee kechi godooch, gaaddaafoonaa deejjee gudoonochi gutte daggooch hiyaa uucha bede asheenaꞌo beeteete; boonoshi gubboon Doono Yeerichi yaafee kexo waan, boonoshi aafoonoo aabi-keyo waan wochiꞌi aabeyich guufee goyinnee beeteete.

Hiziqeeli 8:18

Ebich ta, kaaroona boonoshi waan woyemmo taane; boonoshich ayini ariqqeyaachemmo taane; qaaroon oogichiꞌi ta waan boonoshi cookitaa waayeyaachemmo taane” iye.

Hiziqeeli 9:10

Tawoo boonoshich ayini ariqqeyaachemmo taane; boonoshi tuniitoommon boonoshi toommooch tuniyemmo taane” iye.

Hiziqeeli 9:5

Waayaa ta beetaa bareenaꞌoyich, “Bi hillooch dabbi katemooch guudiree wuxibote; konichona ariqqe ayiniyaahote.

Leweenaꞌo 15:31

“ ‘Ebina boonoshi daggooch beeti ta danee duukkaanoon eeꞌiiree boonoshi qitaachemmoyich, boonoshin eeꞌiyemmi mooyoochee Israꞌeeleenaꞌon bariibote’ itone getote” iye.

Amootsi 8:7

Israꞌeeleenaꞌochi oogo tuneti Doono Yeeri ishichiꞌi wogetone: “Boonoshi shuuneti shuunoon ciroona batteyaachemmo taane.

Zakaariyaasi 11:6

Doono Yeeri ishichiye: “Ebiyee bekk hini showooch beeti asheenaꞌoyich ariqqeyaachemmo taane. Asho bullin bi nuuchoonaa bi taatoonoyich beshiiree immemmo taane. Boonoshiyoo showoon duꞌiyemminaꞌone. Tawoo boonoshi kishoochee wodiyaachemmo taane” iye.

Milikiyaasi 3:17

Beshe Mawe Doono Yeeri ishichiye: “Ta shuunemmi aabooba boonoshi ta hajjee asheenaꞌo tunemminaꞌone. Asho biich maddeebeeti bi bushoyich bi ariqqoommon tawoo boonoshich ariqqemmo taane.

Roomi 11:12

Israꞌeeleenaꞌochi xuꞌo alemoyich wojjoon, boonoshi dihoo Aageteenaꞌoyich wojjoon daniyemmo bi tunegaata, wotta Israꞌeeleenaꞌo bulli Yeer waan boonoshi wotto am shaahoon ebiyee beshe wojjoon tunehe?

Roomi 11:21

Yeeri shiichiꞌi beeti ateenaꞌoyich ariqqeyaano bi tunegaata, neechoo wotta ariqqeyaachemmone.

Roomi 8:32

Yeeri bi hajjee Bushoyich ariqqeyaanoon no bullicha iꞌi beshii immiye; ebich wotta biinna tookki bulli mooyon nooch wojjemmone.

Yibbaatoo 29:20

Ebiyoommi ashoon Doono Yeeri maaraachemmone; bi kaaree shiixxoonaa qanaatoonon bi toommooch kindiyemmone; hini macaafooch kooreeti ufo bulli bi toommooch kindemmone. Doono Yeeri bi shigoon hini showee toommoochee aalliyemmone.

Hibireena'o 6:13

Yeeri Abrahamich bi gibenikkiyooba, “Iberoon neen diiremmo taane; ne yaroon meechemmo taane” iꞌi, biyee beshe baroo aallo bi tunetoyich, bi qelloona wochii wogehe.