Hiziqeeli 5:10 - Kafa Linguistics Project

¹⁰ Ebich ittoshi daggoochaa niheenaꞌo boonoshi bushiisheenaꞌon, bushiisheenaꞌo boonoshi niheenaꞌon maayemminaꞌone; eechiree ittoshi toommooch nallemmo taane; ebiichee muriccii echemmon yongee toommooch shaccemmo taane.

Hiziqeeli 5:10 ပူးပေါင်းရင်းမြစ်များ

2 Taateenaꞌo 6:29

Ebich ta bushoon kiijjaa maahone. Bi dechara, ‘No maayemmoyich, ne bushoon deebe’ iyo. Tunebaani aree bi bushoon aachiyane” iyan.

Nehimi 1:8

“Ne guuno Muusich ‘Taach gibeneeto tuno ittoshi qayigaata, aageteenaꞌo daggooch ittoshin shaccemmo taane; tunebaani ta waan ittoshi wottegaata, ta getoon ittoshi quyegaata, ceechi gaatoo, ittoshi shiijjereenaꞌo showee tuggooch beddaahaa boonoshi shacetaanona, aroochee boonoshin kicemmo taane; ta shigo ceekkemmoyich ta kaacceti xaaꞌooch boonoshin deebemmo taane’ iyaꞌa ne getteti qaaroon ne gabemmoyich qollehoye.

Shoddo 44:11

Guureyemmi bagoommon noon tuniihine; aageteenaꞌo daggooch noon shaccehine.

Isiyaasi 49:26

Neen neexxii hajjitinaꞌo boonoshi hajjee meenon boonoshi maayemmoyich, boonoshi hajjee damoonoo woyinee uyoochoommon boonoshi uchemmoyich, tuniyemmo taane. Ebina Doono Yeeri ta, neen Shiwechonaa Biishee Wodiyechona, Yaaqobi goyinneebeeti Giidechi Nuggishoo ta tunoon, asho bulli ariyemmone” iye.

Isiyaasi 9:20

Qanni waanaa maaheete; tunebaani andoo shaacechinaꞌone; yoochi waanaanoo qooxxiyeete; tunebaani miyaacheete; asho bi ikkikkoona bi xiboochi meenon maayemmone.

Erimiyaasi 13:14

Ikkoonaa ikkoonon, niheenaꞌonaa bushiisheenaꞌonon qiciyemmo taane; boonoshin aalliishalli ta gettemmo ariqqeyaachemmo taane; aayinaachemmo taane; maaraachemmo taane’ itone Doono Yeeri, gete” iye.

Erimiyaasi 19:9

Boonoshi anaami bushiisheenaꞌonaa maache bushiisheenaꞌonochi meenon boonoshi maayemmoyich tuniyemmo taane; boonoshi bulliyona boonoshi etteenaꞌonaa boonoshi kashoon qaawii beetinaꞌonochi xuuxiyoochee tiyitona asho bi giyoochi meenon maayemmone’ itone gete.

Erimiyaasi 44:12

Gibits hami aroochoo kotoyich maacciti Yihudee cureenaꞌo aallemmoyich tuniyemmo taane; bulliyona aalleminaꞌone; Gibitsee showooch dihemminaꞌone. Goraadoona, shaacoonoo aallemminaꞌone; giishoochee oogooch beddaahaa, goraadoona, shaacoonoo qitemminaꞌone; shixxeyemminaꞌone; wuche getteyemminaꞌone; maxxaareyemminaꞌone; naaggeyemminaꞌone.

Erimiyaasi 49:32

Boonoshi gaaleenaꞌo boggeyemminaꞌone; boonoshi meeti gijjeenaꞌo kecceyemminaꞌone; boonoshi qelloon qebbii beetinaꞌon yongee toommooch shaccemmo taane; boonoshi daaro bulliichee aalloon boonoshi toommooch deebemmo taane” iye Doono Yeeri.

Erimiyaasi 49:36

Awudde shimaajji tuggoochee Elaami toommooch awudde yongeenaꞌon deebemmo taane; ebi awudde yongeenaꞌoochoo bi asheenaꞌon shaccemmo taane; Elaamee showoochee yookketinaꞌo shagaani aagetoo daneyaachemmone.

Erimiyaasi 50:17

“Israꞌeelee asheenaꞌo daaheroo yookkiti bageenaꞌone. Batti batt Asooree taatoo boonoshin maahe; ciiroochaanoo Baabloonee taatoo Nabukadinatsori boonoshi shaawushoon billbillayiye” iye.

Erimiyaasi 9:16

boonoshinaa boonoshi qaabbechinaꞌona ariyaani aageteenaꞌo daggooch boonoshin shaccemmo taane; boonoshin ta aalliimmi wottoon boonoshi hillooch goraadoon daachiyemmo taane” iye.

Shoosho 2:20

Yerusaalemiyoo “Doono Yeero, ciine: Ebiyoommon ne tuniito koni toommoochiye? Maacheenaꞌo boonoshi gaggereenaꞌon, aaxxii boonoshi dichiti bushiisheenaꞌon, maayi beddiyeete? Qeesheenaꞌonaa keemechinaꞌona Doonochi yaafee kexoochaa qita beddiyeete?

Shoosho 4:10

Ariqqechi maacheenaꞌochi kishoo boonoshi hajjee bushiisheenaꞌon kiijjiye; ta asheenaꞌochi aallee aabooba boonoshich maayoon tuneheete.

Shoosho 4:16

Doono Yeeri bi qelloona boonoshin shacciye; illa ebiyee bekk boonoshich aaxxiyaachemmone. Qeesheenaꞌoo oogoon daneyaachemminaꞌone; geeneenaꞌoo gaawe aafoona ciicheyaachemminaꞌone.

Shoosho 4:3

Boqqelleenaꞌolla boonoshi xanon boonoshi bushiisheenaꞌoyich xaachiyeete; tunebaani ta asheenaꞌo baraheexi shaakkoochoommon, maacmanjoon tuneheete.

Hiziqeeli 12:14

Bi guudoona beeti bi gaacheenaꞌonaa bi ginee naayinaꞌo bullinon kaatti kaatta shaccemmo taane; goraadoon kaaciree boonoshin yookkemmo taane.

Hiziqeeli 12:15

“Aageteenaꞌo daggooch boonoshin ta shaciyooba, showee toommoochoo boonoshin ta yoohiyooba, Doono Yeeri ta tunoon ariyemminaꞌone.

Hiziqeeli 17:21

Aricheti bi ginee naayinaꞌo bulli goraadoona dihemminaꞌone; aroochee echemminaꞌo kaatti kaatta shacemminaꞌone; ebin getteto Doono Yeeri ta tunoon ariyemmo ittoshine’ iye.

Hiziqeeli 20:23

Andoo aageteenaꞌo daggooch, showeenaꞌoochoo boonoshin shaccemmo ta tunoon barahoochaa boonoshich wogehoye.

Hiziqeeli 22:15

Aageteenaꞌo daggooch neen shaccemmo taane; showee toommoochoo neen bitinnemmo taane; ne eeꞌittinoonoo ne waanee aalliyemmo taane.

Hiziqeeli 36:19

Aageteenaꞌooch boonoshin shaccehoye; showeenaꞌoochoo baqeeheete; boonoshi beemoommona, boonoshi shuunoommonoo boonoshi toommooch nalliyoye.

Hiziqeeli 5:12

Ittoshiichee keejj beereexi ikkoo ittoshi daggoochaa biiyoona, shaacoonoo ciiremmone; wotta keejj beereexi ikkoo katemoyee maachaa goraadoona dihemmone; bare keejj beereexi ikkoon yongo bulliich shaccemmo taane; goraadoonoo yookkemmo taane.

Hiziqeeli 5:2

Giicheyoo ciiretoyee gubb ikke beeroon ne shichiti katemee daggoochaa qaaqqoona michemmo neene; ikke beeroon katemee guudoochaa goraadoona qeccemmo neene; wotta echeti ikke beeroon yongooch shaccemmo neene; tawoo goraadoona boonoshin yookkemmo taane.

Hiziqeeli 6:8

“ ‘Tunebaani ittoshi daggoochee giishecheenaꞌo murici wodemmoyich tuniyemmo taane; tunetaa boonoshiyoo aagetee showeenaꞌooch shacemmoyich tuniyemmo taane.

Daaneeli 9:7

“Ta Doonocho, ne, cadiqo neene. Tunebaani no hanaach yeelleto noone. Ebiyoo Yihudee asheenaꞌonaa Yerusaalem beeti asheenaꞌona, katinoonaa wohonooch boonoshin ne shacceti showoo bulliich beeti Israꞌeelee asho no bulliyoo neech gibeneeto tunoon no qajjetoyichiye.

Leweenaꞌo 26:29

Shaacoochee tiyitona, ittoshi anaami bushiishoonaa maache bushiishoonochi meenon maayemmo ittoshine.

Leweenaꞌo 26:33

Ginoon ittoshi toommooch deebiree, aagetee showooch ittoshin shaccemmo taane; ittoshi showoo ashaalli xafo tunemmone; ittoshi katemoo happaa aallemmone.

Amootsi 9:9

Illa ebiyoche, maayo gemoona woqqeyoommon, ta getoona Israꞌeeleenaꞌo woqqeyemmoyich tuniyemmo taane. Woqqaa keyiree aageteenaꞌo daggooch shacceyemminaꞌone; butto maayoochee sheqqetaa keyoommon gonde asheenaꞌo sheqqetaa kechemminaꞌone.

Zakaariyaasi 2:6

Doono Yeeri ishichiye: “Showee awudde kelloona ittoshin shacceto taane; tunebaani and dambi-waani showoochee tibote.

Zakaariyaasi 7:14

Boonoshi ariyaani aageteenaꞌo bulli daggooch yubee yongoona boonoshin shaccehoye. Showoo ashaalli shokkoon tunehe. Koniyoona arooch okk hach shaꞌemmo aallehe; ebina gaawe showoon shokko echiiheete” iye.

Luqaasi 21:24

Goraadoona qitemminaꞌone; kecceree aagetoo bulliichoo shacemminaꞌone; ebi are boonoshin kecciti Aageteenaꞌochi yemeeno ciiremmi wottoonoo Yerusaalemin yiikkeree neexi hajjemminaꞌone” iye.

Yibbaatoo 28:64

“Doono Yeeri showee tuggoochee tuggooch beddaahaa beeti aageteenaꞌo daggooch neen shaccemmone. Ebi aroochaa ne woyee ne qaabbechinaꞌo ariyaani, mixonaa xaqqoonoochee shuuneeti bare shahalleenaꞌoyich goyinne maddemmo neene.

Yibbaatoo 32:26

Ittoshin koniyoona shalligaachemmoyich tuniiree, ciroona ittoshin aalliyesho taane;

Yibbaatoo 4:27

Doono Yeeri aagetee asheenaꞌo daggooch ittoshin shaccemmone; ebi bi shacciti asheenaꞌo daggooch haddoona giishechoon tune echemmo ittoshine.