Hiziqeeli 48:21 - Kafa Linguistics Project

²¹ “Yaafeeti xaaꞌoonaa katemee xaaꞌoonochi okkinaa hachinooch beeti echeti xaaꞌoo iraashoyich tunemmone; ebiyoo hiyaa uuche hume hiroo tuneti yaafeeti xaaꞌee daaroochee tiijjiꞌi aabi-keyo waani showee caappooch beddaahaa, aabi-gimoochaa hiyaa uuche hume hiroochee tiijjiꞌi aabi-gimo waani showee caappooch beddaahaa, Israꞌeelee yoodeenaꞌochi showee gaꞌooch beeti showoo iraashoocho tunemmone; yaafeeti xaaꞌoonaa yaafee kexona gutte daggooch tunemmone.

Hiziqeeli 48:21 ပူးပေါင်းရင်းမြစ်များ

Hiziqeeli 37:24

“ ‘Ta guuno Daawiti boonoshi toommooch taatemmone; bullichona ikke qiddoo tunemmone; ta geteenaꞌon dabbemminaꞌone; ta qociyeenaꞌonoo gaawichi quyemminaꞌone.

Hiziqeeli 48:10

Qeesheenaꞌoyich tunemmi yaafeeti qoodoo ebine: Ebi qoodoo dambi-waanaa bi gidoo hiyaa uuche hume hiroo, aabi-gimo waanaa bi maaco aashire hume hiroo, aabi-keyo waanaa bi maaco aashire hume hiroo, deshi-waanaa bi gidoo hiyaa uuche hume hiroon tunemmone. Doono Yeerichi yaafee kexoo bi gutte daggooch tunemmone.

Hiziqeeli 48:20

“Barii ittoshi kichemmi yaafeeti showoo bi awudde naaboo bi ikkikkoona hiyaa uuche hume hiroo tunemmone; ebi yaafeeti showoo katemoo shuuneeton daakkiꞌiniye.

Hiziqeeli 48:22

Ebina Leweenaꞌochi iristoonaa katemoo beeti showoona okkinaa hachinooch beeti iraashoochi showee gutte daggooch tunemmone; ebi iraashoochi showoo, dambi-waanaa Yihudi showee daarooch, deshi-waanaanoo Biiniyaami showee daarooch tunemmone.

Hiziqeeli 48:8

“Yihudichi daaroochee tiijjii aabi-keyoochee aabi-gimooch beddaahaa beeti xaaꞌoon bariyemmo ittoshine; bi maaco hiyaa uuche hume hiroone; bi gidoo aabi-keyoochee aabi-gimooch beddaahaa bare asheenaꞌochi qoodoona tato tunemmone; yaafee kexo ebi xaaꞌee gutte daggooch tunemmone.

Hosee'i 1:11

Yihudee asheenaꞌonaa Israꞌeeleenaꞌona wochinnoon ikkottemminaꞌone. Boonoshin yaabi qeejjemmi ikke wullonoo kaaccemminaꞌone. Mashaamiti beemon boonoshi showooch beeyemminaꞌone. Ebi aabo, Yezireelich worganikkiti aabo tunemmone.